من أين أستخرج شهادة العمل

[bardiss]

أنا أتساءل هل أخرج شهادة العمل من مديرية التربية أم من المدرسة التي عملت بها علما أني عقود وهل يجب أن تكون ممضاة من طرف مدير التربية

[hmz49]

iiiiiiiii shkon rah yjawbak mara y9olak bla imdhae modir tarbiya wmara y9olak lazam wmara y9olak modir anem bark mi sah wino man3raf

[أحبك ربّي]

خلطوهانا مره كيما أنا مستخلف متلقيت منين نجيبها

[آمِيْرَتُه]

راح نجاوبك على حساب وين نسكن
دينا شهادة ادارية من المدرسة + مقرر التعيين للمديرية حكموا علينا الملف و بعد 3 ايام رحنا و عطاونا شهادة العمل و تم تاشير عليها من طرفهم قالك شهادة العمل المستخرجة من المدرسة مرفوضة لازم من المديرية و الله اعلم

[salahpara]

الاميرة منيني تعيشي واش كتبلك المدير في الشهادة الادارية كيما انا كي ما يجيوش الاساتذة يخدمو يعيطلي باش نرومبلاسيهم وكيقتلو يكتبلي مكلفة بالتدريس ماحبش قالي تاع عقود ما قبل التشغيل ممنوع عليهم التدريس والله ما ف
فهمنا والو ربي يجيب لي فيه الخير انشاالله

[ندرقية]

انا صارتلي انا مهندسه خمدت عقود ماقبل التشغيل في متوسطه قريت رياضيات 7 اشهر عندي شهادة عمل بلي كنت مكلفه بالتدريس ممضيه من طرف المدير ورغم دلك الاكدمي +ورقله + مستعرفوش بيها قالولي كنت تابعه للبلديه مكيش مكلفه من عندنا

[bardiss]

المشاركة الأصلية كتبت بواسطة salahpara

الاميرة منيني تعيشي واش كتبلك المدير في الشهادة الادارية كيما انا كي ما يجيوش الاساتذة يخدمو يعيطلي باش نرومبلاسيهم وكيقتلو يكتبلي مكلفة بالتدريس ماحبش قالي تاع عقود ما قبل التشغيل ممنوع عليهم التدريس والله ما ف
فهمنا والو ربي يجيب لي فيه الخير انشاالله

يا اختي واش نجاوبك راني طايحا في نفس المشكل كيما نتي المدير مابغاش يكتبلي استاذة مكلفة بالتدريس وانا عقود ودرست حقرا يا اختي شافونا ضعاف والدولة ما جابتلناش حقنا كتبلي شهادة ادارية لاستاذة مناوبة وفقط

[bardiss]

المشاركة الأصلية كتبت بواسطة الاميرة منيني

راح نجاوبك على حساب وين نسكن
دينا شهادة ادارية من المدرسة + مقرر التعيين للمديرية حكموا علينا الملف و بعد 3 ايام رحنا و عطاونا شهادة العمل و تم تاشير عليها من طرفهم قالك شهادة العمل المستخرجة من المدرسة مرفوضة لازم من المديرية و الله اعلم

بارك الله فيك معليش نسالك وينا ولاية انتي يا اختي لانو انا ثاني عطاني شهادة ادارية

[آمِيْرَتُه]

اختي انا كنت نقري و في الشهادة لازم يكتبلك باشرت عملها أو مارست عملها
ربي يفرج علينا و عليكم

[آمِيْرَتُه]

المشاركة الأصلية كتبت بواسطة bardiss

بارك الله فيك معليش نسالك وينا ولاية انتي يا اختي لانو انا ثاني عطاني شهادة ادارية

وهران اختي

[lilya1983]

مديرية بومرداس طلبت شهادة العمل من المؤسسة التعليمية الي شغلتني + محضر تنصيب .. و تزيدي امضاء مدير التربية باش تكملي الملف ديالك .. و الله المستعان .