عاجل ارجوا الرد في اقرب فرصة دفعة ماي 2015

[small fire]

سلام عليكم

لم يصلني استدعاء دفعة ماي رغم انني اكملت الدراسة

لدي ملف طبي عندما ذهب لمركز الخدمة الوطنية قالولي ماتديرش كونتر فيزيت هنا جيب الدبلوم نخدمولك ordre d'appel وروح للثكنة تم يشوفك الطبيب

سؤالي: ممكن انتظر حتى انتهاء فترة التجنيد ونعاود نروح للمركز ندير كونتر فيزيت او ميقبلوش كيف كيف

او ندفع دبلوم ونروح في ماي

[سطايفي19]

درت لافيزيت لولى ولا جامي يعني متقلب ؟

[small fire]

ايه ديرت الفيزيت الاولى وماكنتش مريض وكنت نمشي بالسورسي كي كنت نقرا عادي

[سطايفي19]

حقروك برك اخي ادا كنت متقلب متروحش للثكنة اتمسمرلهم لتم قلهم راني متقلب وعندي الحق ندير كونتر فيزيت هنا لانك ماك روشارشي ماك عاصي
شوف الا عندك معريفة صغيرة ودير فحص مضاد في مركز الخدمة التابع ليه

[small fire]

الله غالب معني حتى معريفة
كي لمركز ن ع 1 بالبليدة قالولي حنا ما عندنا مانديرولك لازم تروح للثكنة
كيفاه ندير ؟ نروح للثكنة او انتظر حتى تغلق الثكنة ونعاود نروح ليهم
خايف نستنى تخلاص مدة التجنيد وفي الاخير نلقى نفس الجواب يعني نضيع الفترة من ماي الى سبتمبر في باطل
كاش حل خويا ؟؟

[سطايفي19]

المشاركة الأصلية كتبت بواسطة small fire

الله غالب معني حتى معريفة
كي لمركز ن ع 1 بالبليدة قالولي حنا ما عندنا مانديرولك لازم تروح للثكنة
كيفاه ندير ؟ نروح للثكنة او انتظر حتى تغلق الثكنة ونعاود نروح ليهم
خايف نستنى تخلاص مدة التجنيد وفي الاخير نلقى نفس الجواب يعني نضيع الفترة من ماي الى سبتمبر في باطل
كاش حل خويا ؟؟

يا اخي وش نقلك الا عاد ملفك قوي روح للثكنة ودير الفحص المضاد في المستشفى العسكري

[محفوظ البسكري]

لازمك تروح للثكنة باش تفري امورك الله غالب
ربي يفرج صديقي

[bob000]

السلام عليكم خاوتي انا من الجزائر بعثولي لعين لمقل -تمنراست الله يعافيكم هههههههههه المهم انا ديسيديت ما نروحش مانيش مجرم باش يبعثوني ثما .........هذه الثالثة خاوتي الله يستركم هل نقدر نروح نشارع مقبل ما يخرج روشارش ؟ نصيحة لوجه الله شكرا