بريوش Léopard بدون بيض و بسيط

أم أسرار · 2016-02-24, 13:18

بسم الله الرحمان الرحيم
بعد غياب رجعت بكيفية بريوش Léopard عجبتني بزاف و حبيت نجربها و نشوف النتيجة و الحمد لله جربتها و بالفعل الكيفية خفيفة و بنينة و تصيبو الفيديو في اليوتوب
المقادير
- 400 غرام من فرينة.
- 25 غرام من خميرة الخباز. أنا درت ملعقة كبيرة
- قشر ليمونة واحدة.
- 50 غرام من الزبدة المذابة.
- 70 غرام من السكر.
- 25 غرام دقيق الذرة يعني نشا .
- 20 غرام من الكاكاو.
- 250 مل من الحليب.
- 1/2 ملعقة صغيرة ملح.
للتزين:
الشوكولاته.
- سمسم
التحضير
-نأخذ الحليب و النشاء ونخلطهم بارد في بارد و نحط فوق نار حتى يولي كي لكرييمة
2-نحيوه الخليط من فوق النار نضيف الزبدة و نخلط مليح و نخلوه يبرد شويا
3-نضيف الخميرة ونخلط مليح و نضيف من بعد السكر
4- نضيف الفرينة +شوية ملح للخليط
5-كي نطم لعجينة نخليها ترتاح نصف ساعة و من بعد نعجنها مليح10 دقائق حتى تترتق
6-نقسموها على زوج)القسم الأول و القسم الثاني(
7-القسم الأول نضيف ليمون ونعجن حتى يدخل كامل في العجينة
8-من جهة أخرى نحط ملعقة كبيرة تع لحليب + الكاكاو في إناء و نخلط لازم يجي طري شويا )ننقص منه النصف و نحطو بجيه (
9-القسم الثاني من العجين نضيفلو خليط الحليب و الكاكاو لي حضرتو من قبل و نعجنو حتى يولي بني
10- بعد ما نتحصل على العجينة باللون البني نقسمها علة زوج قسم نخليه و القسم الثاني نضيفلو الكمية لي نقصتها من قبل لخليط الكاكاو و الحليب باش نتحصل على عجينة بلون بني قاتم
11-نخليو العجينة ترتاح نصف ساعة أو أربعين دقيقة و هنا نكونو تحصلنا علة 3 كرات كرة بيضاء و كرة لونها بني فاتح و الكرة الثالثة بني قاتم
12-نقسم كل كرة 7 أقسام و بقية الشرح في الصور
مشاهدة ممتعة ولا تنسونا من صالح الدعاء