طبق الخبيز و مادار فيااا

[sara-89]

سﻻم عليكم اخواتي
بغيت نحكيلكم قصة الخبيز اليوم.....كيما نسموه عندنا
البارح زعما رحنا نحوسو فالبﻻد نتاع جدودي
و لعبنا و شمينا الهوا الله الله ههههه





مي جبت معايا بروصي من تما لي هو الخبيز و انا منعرفش نطيبو اماﻻ طيبتو اجباريا اليوم و بغيت نوريلكم الخطوات اللي ميعرفوهش

نبداو بسم الله و عذرا الصور مش كاملين ان شاء الله تفهموني

اوﻻ نغسلو الخبيز مليح مليح و نقطعوه من الاغصان حتى الاوراق رقيق .....طبعا هدي الخبيرات قالوهالي بصح انا مقدرتش نرقو مليح



و نكملو الكمية الي عندنا ..ممهما ديري يتقلص كي يطيب و تولي كمية قليلة


اوﻻ نجيبو 4 جزر بصلة فصوص ثوم و نقطعوهم صغار بزاف و ﻻ نرابيوهم و نديروهم ف طنجرة يتقلاو ف شوية زيت..و نزيدو الملح

و منبعد نضيفو الخبيز المقطع

نمرقو بكمية قليلة من الماء الساخن مش شرط يتغطى الخبيز بالما كامل

تقدرو تضيفو الحار انا بابا يبغيه...بصح درت 2 و مجاش حار ههه

المهم تغلقي الكوكوت لمدة 45د تقريبا يعني حتى يطيب بﻻ متغفلي عليه ....
منبعد تفتحيها و تشوفيه كي يطيب و يبقى فيه شوية ما ضيفيلو التشيشة انا درت 3 مﻻعق كبار
و زدت الحار بصح كيف كيف مبغاش يحرار

تخليه يكمل طيابو 15 د هكداك
و تشوفي نتيا كي يطيب و تطيب تشيشة خليه ينشف و قدميه


بالصحة عليكم
و فالرد الاول راح نحطلكم فوائد الخبيزة ...سﻻم

[sara-89]

تحتوي نبتة الخبيزة على فوائد طبية وعلاجية، باحتوائها على مواد مضادة للأكسدة ، كما تستخدم هذه النبتة في صناعة المرطبات والأدوية العشبية المضادة لأمراض القلب، وفي صناعة كريمات البشرة وإزالة التجاعيد وصناعة الشامبو والصابون، بالإضافة إلى كونها تحتوي على لعاب النبات المهم للنسيج الغضروفي في الجسم .
من بين الخواص الطبية للخبيزة نذكر، مهدئة للسعال، مسكنة وملطفة ومهدئة ، طاردة للبلغم ، مهدئة لالتهاب وضيق المريء ، مدرة للبول بشرب مغلي الجذور ، ومخففة للحمى، وملينة لبطن الأطفال، و
مخفضة لضغط الدم المرتفع بشرب مغلي جذورها.
كما تعتبر الخبيزة مهدئة لالتهاب الجلد بكمادات بمغلي الجذور، مدرة للحليب عند المرضعات .
وملطفة لاحتقان الرحم وغشاء المهبل بالغسل بمغلي الاوراق . وقاتلة للبكتيريا والفطريات بشرب كأسين من مغلي الاوراق يوميا ويستعمل كدش مهبلي او غسول مرتين كل يوم .

الامراض التي تعالجها الخبيزة :

التهابات الغشاء المخاطي الفمي والبلعومي .
التهاب المجاري التنفسية .
الانفلونزا .
التهاب الحنجرة واللوزتين والفم والحلق بشرب منقوع النبات والغرغرة به .التهابات وانتفاخ الرئة.
التهاب المسالك البولية .
التهابات الجهاز الهضمي بمستحلب الازهار والافرع .
الربو .
التهابات الجفون والرمد .
الدمامل .
لسعات الحشرات والحساسية .
البواسير .
القروح والجروح .
اورام المثانة والكلى بمغلي النبات .
الحروق باستخدام اوراق الخبيزة مع زيت الزيتون .
الجرب والحكة .
قروح الامعاء .
خشونة الصدر والقصبة الهوائية .
آلام الطحال .
اليرقان .
تقرحات اللثة بمضغ جذور النبات .
قروح الشرج بالخبيزة مع النشا .
قروح الكلى والمثانة بشرب مغلي الزهور .
الديدان المعوية كالاسكارس والانكلستوما والطفيليات بشرب ماء مغلي الخبيزة المقطع على الريق ويصوم حتى موعد الغداء ثم يكرر ذلك ليومين.
الحصى والرمل .
الالتهابات الجلدية .
الالتهابات الفيروسية والفطرية والميكروبية .
التوتر النفسي واعتلال المزاج .
السمنة والبدانه .
امراض اللثة والاسنان .
فقر الدم .
الامساك .

[bouchra tlemçania]

ممممممممممممممممممممممممم يسلمو

[ام ايمان16]

يعطيك الصحة
حنا نديرو بيه شخشوخة الكسرة

[ام مريم الجزائرية]

الله يبارك بصحتكم

[بعيدة المنال]

أنا نديرو قراتان أو كيش ونقطعلو الزيتون بلونيه والطماطم حب والجبن يجي يهبل ومانشبعوش بيه خاصة إذا زدنالو السلق يميي يمييييي

[أم إناس]

يعطيك الصحه على الوصفة
وَبَارِكْ الله فيك على المعلومات

[ام رضوان]

السلام عليك اختى حبيت نقولك بلى الخبيز هذا هو من بين الاطباق اللى ساعدت جدودنا وقت الفقر والاستعمار راهم كانو عايشين بيه وبالقرنينة والبعطوش ........الخ ويعطيك الصحة على الوصفة راح نجربها باذن الله بصح فهمينى اختي في التشيشة هل هي المرمز؟

[litcoin]

مشكوووووووووووووووووووورة
بارك الله فيك

[fadi02]

صحيتي عندي منه في لجنان و عمري ما نحيت فكرة مليحة نجربو و نشوف و الي عندها وصفات بلحشيش تحطهم عندي بزاف انواع في جناني و ما نعرفش نخدمهم

[yuuke-chan]

اول مرة نعرف بلي يتكل ههههه كي كنت صغيرة كنت ناكلو لبرا
بارك الله فيك ان شاء الله نجربو