كل عام يهل هلالو و الخير يجي معاه ....ضيف عزيز علينا ...يكثر الخير فيه و القلوب تخشع و تطمئن ...
من عاداتنا أطباق مانستغناوش عليها في هدا الشهر الكريم ....
اليوم حبيت نشارككم بطريقتنا في إعداد طاجين البرقوق لي ما نستغناوش عليه في شهر رمضان و نستقبلوا بيه هدا الشهر فاول أيامه
تحتاجي سيدتي الكريمة لفواكه مجففة برقوق، زبيب ، أناناس ، مشماش
بالنسبة للمرق راح تحتاجي لبصلة ، عود قرفة ، لحم غنمي من الأحسن الهبرة يعني بالعظم ، سمن ، ملح ، زعفران شعرة ( لي ما عندهاش تقدر دير كركم )، نصف مغرف صغيرة فلفة كحلة
راح تحتاجي بالنسبة لتحضير الفواكه المجففة لماء الزهر ، الفواكه المجففة السابق ذكرها ، قرفة غبرة ، عسل ، لافاني
طريقة التحضير
في طاجين أو طنجرة أو كيكوطة يعني لي متوفرة عندك قطعي البصلة على ربعة برك يعني قطع كبار ( من بعد راح نحيوها) ، ديري مغرف سمن و حطي اللحم يتقلى مع عود قرفة ، زعفران شعرة ، و شويا ثفاوح ( فلفل أسود)
كي يتقلى اللحم مليح مرقي و خليه يطيب
حطي الفواكه المجففة تتبخر (فوريها في كسكاس ) كل واحدة على حدا ، باش مايطلقش البرقوق كحالو على الفواكه الأخرى
كي تتبخر الفواكه المجففة حكمي الزبيب حطيه في صحن عميق ، زيديلو مغرف زبيب ، مغرف صغيرة ماء الزهر ، نص مغرف صغيرة قرفة ، و مغرف عسل و خلطيه مليح و حطيه بجنب .
كي يطيب اللحم ، نحي البصلة أو صفي المرقة نتاعك و أرمي الزبيب نتاعك مع إضافة ملعقة عسل للمرقة و خليها تعقد لمدة عشر دقائق فقط.
من جهة أخرى حكمي الفواكه المجففة نتاعك لي كنت بخرتيها و ديريلها ماء الزهر ، زبدة ، العسل ، القرفة و لافاني و خلطي كل على حدى .
من بعد حطي الزبيب و اللحم في الوسط و حطي الفواكه الأخرى ساير داير في الطبق و التزيين يبقى لك.
تقدري تقلي اللوز في مغرف زبدة و تزيني بيه.
( تقرير عن مشاركة سيئة )، و الموجودة أسفل كل مشاركة .
2016-06-11, 23:53
من خيرات رمضان ...أطباق رمضانية أصيلة
العرض العادي
