العمرة في رمضان

قمر الماس · 2014-03-30, 19:54

السلام عليكم الى كل من اعتمر في الشهر الفضيل من قبل خاصة النساء اريد الاستفسار بالتفصيل الممل عن كيف كانت عمرته او عمرتها و ماذا فعلتم من وقت تحضيراتكم للاوراق و الباسبور و شراء المستلزمات الى غاية عودتكم من العمرة و في اي وقت طفتم بالكعبة يعني في اي وقت تكون الكعبة فارغة نوعا ما للقيام بالمناسك هل قبل او بعد الفجر ام بعد الظهر او...او.. و هل يكون الزحام خانقا و الحرارة جد مرتفعة؟؟ ولكم جزيل الشكر مسبقا

قمر الماس · 2014-04-01, 21:39

هل من مجييييب؟؟؟؟؟؟

mariana1 · 2014-04-02, 14:13

السلام عليكم أولا أجيبك عن الباسبور وجديه من قبل أي تقدري تطلبيه من الأن روحي فقط للدائرة يعطوك الوثائق اللازمة توجديها
ثانيا حضّري نفسك إيمانيا أي قوي إيمانك بالنوافل وقراءة القرآن والاستماع للدروس
ثالثا الحرارة قوية لكن في البداية فقط ومن بعد تتعودي عليها أضف أنك ثمة ما تحسيش بالتعب ولا العطش والجوع وغرف الفنادق مبردة جدا
رابعا الكعبة دائما عامرة في كل وقت لكن أوقات الظهر والعصر شوية
خامسا الأكل أنا ديت قاطو والمسفوف و القهوة لأن قهوتهم لا تشبه تماما قهوتناكما يوجد الأكل في المطاعم خاصة الأرز والدجاج في المتناول والمطاعم في الطريق الى الحرم كما توجد الفواكه واللحوم والبيض .... إلخ
سادسا إذا كنت صغيرة السن عليك بالتوجه لطبيبة النساء وراك عارفة
إذا أي اسئلة أخرى أنا في الخدمة وماتنسايش تدعيلي نعاود نروح إشتقت إليها

قمر الماس · 2014-04-04, 20:41

اهلا الاخت ماريانا نشكرك اختي على الاجابة والله كفيتي و وفيتي قوليلي وش ندي معايا باه نلبس لهيه في الفندق و برا؟ و هل المطبخ في الفندق يكون قريب او بعيد؟ لانو الوكالة قالتلنا الاكل من عندكم حبيت نقولك عندي 20 سنة طبعا لازم نروح لطبيبة النساء فهمت عليك.. الاكل لي يتباع في المطاعم يتكل ولا لا؟ هو يعني انا نقدر ناكل لكن خويا مايحبش لازم نطيبلو.. وعندنا وين نغسلو وننشرو الملابس؟ ان شاء الله اختي والله ندعيلك من قلبي تعاودي ترجعي انا هده اول مرة

mariana1 · 2014-04-05, 18:01

أعتذر عن التأخر لم أدخل أمس للمنتدى بالنسبة للبسة برا من الأحسن حجاب طويل يكون خفيف شويك ومافيهش لادوبلير الداخل راكي في الغرفة لباس عادي أنا رحت مع زوجي وخذينا غرفة لوحدنا لذلك أخذت جبب قماش أما أنت فإذا كنت مع مجموعه نساءلازم اللباس يكون مستور
المطبخ في الفندق اللي في مكة ريشو أنتاع زوج كوانن في آخر الرواق والكل يطيب عليه كل مرة واحد أما في المدينة فالفندق اللي رحنا ليه ما فيهش المطبخ. الأكل في المطابخ حنا حاولنا نشرو الأكل اللي نعرفوه بطاطا فريت مع دجاج مقلي أو أرز توابله نختلف نوعا ما عن توبلن مع دجاج مقلي هوكاين الأكل لكن الوقت اللي مايكفيش لأننا أغلب الوقت في المسجد الحرام فكنا ما نروحوش للفندق من صلاة العصر حتى تنتهي التراويح تقريبا الساعة الواحدة ليلا لاه كنا ما نروحوش لأنك إذا فطرت في الفندق و رحت للحرم ما تلقايش البلاصة.
لغسيل الملابس الفندق اللي رحناليه ماكان لافاه تغسلي بسينة مثلا ولا وين تنشري ،في الغرفة كاين دوش وتواليت الكرسي

والكل متشاركين فيه من الأحن لو تاخذي معاك بسينة صغيرة النشير على الأبواب وعلى النوافذلكن يشيح ثمثم. نسيت نقلك ولا عندكم ريزيستونس الموقد الكهربائي خذيه معاك، أحنا أدينا معانا حليب غبرة قهوة زبيب مسفوف إزيس للغسيل صحون جوتابل من الأحسن ما تديش معاك الزجاجيات لأن الحقائب في المطار ترمى فتكسر زيت ألأسعار مرتفعة عندهم .
راحيين في أول رمضان أو في أخره وقداش تكلفتها؟

قمر الماس · 2014-04-06, 01:24

اهلا اختي مرة اخرى فهمت عليك و نشكرك على المعلومات والله افدتيني ربي يجعلها في ميزان حسناتك، راكي فهمتيني في كلش مابقى عندي حتى اشكال والحمد لله،، ان شاء الله رايحين في اخر رمضان و الكلفة في احدى الوكالات لقيناها ب 27 _28 للشخص الواحد و الاكل من عندهم هدا في العشر الاواخر اما في الاول قالونا ب 19_20،،،،،ولقينا وكالة اخرى لكن الاكل من عندنا في الاول 17 و الاواخر 24،،،،،، نعم اختي عندنا ريزيستونس كيما لي تحكي عليه لكن حسبت ممنوع نستعملو داخل الغرفة،،،،، قريب نموت بالفرحة لاني رايحة للعمرة ربي يسهلنا و ان شاء الله ترجعي انت تاني يا اختي العزيزة،، لك جزيل الشكر لانك اجبتيني و فهمتيني بارك الله فيك،،،دمتي في رعاية الله