لا أستطيع

[مشكلتي]

قد لا تبدو هذه مشكلة للبعض لكنها مشكلة بالنسبة لي فأنا فتاة في الخامسة عشر من عمري و أعاني من الوزن الزائد حياتي كامل راحت ريجيم لكني دائما أرجع الى عاداتي القديمة و اكسب اكثر مما فقدت حتى فقدت الثقة بروحي لأنو الناس ملي كانت تعرفني و هي تقولي نتي سمينة حتى عدت معقدة و منطوية عييت نغير حياتي

[ibrahimm]

الرجيم بلا رياضة كانك ما نقصتي والو

[ABDOU ELE]

ان شاء الله تولي نحيفة

[feriel1989]

mezelki sghira alors ebdey men dork tethalay fi rouhek diri elkalb berk

[agro44]

ختي غير بلعقل

و احنا نفرضوا بلي خلاص انت بدينة وين راهوا المشكل ؟

اولا لا تستسلمي حاولي وان كان جسمك هكذا - يعني بدينة - لا عليك

ثم ان الناس دائما هكذا

السمين يحوس يولي رقيق و يخسر دراهم كبار و العكس

المهم انت واش تكوني ؟؟ متخلقة متربية بينت فاميليا علاقتك مع ربي مليحا ؟؟

والامور الاخرى كامل نتقبلوها
والله اعلم

[تفاؤل وامل]

ختي راكي مزالك ضغيرة ماضيعيش الوقت وابداي من ضك باه تعيشي حياتك من بعد بالشكل الي تحبي تكوني عليه قدام الناس وعندي ليك وصفة الكل يشكرو فيها مع اني انا مزال ماجربتهاش مي ناوية نشالله مع العلم اني انا مش سمينة بزاف وزني 53وعندي 19 سنة نظن بلي مش طرو ههههه وزيد واحد ماعلق عليا انا برك توسوست المهم الوصفة هي تحطي مقدار كاس ما يغلي ومبعد تنحيه من فوق النار وتحطي فوقو مغرفة تاع كمون وتحطي عصير تاع نص حبة قارس ومغرفة تاع قرفة وتخلطيهم بالمغرفة وتخليهم حوالي ربع ساع ومبعد تشربيه .هاذ العملية ديريها قبل كل وجبة بنص ساعة هكذاك مبعد تتعشاي ولا تتغداي وحاجة وحد اخرى ثان لازم تبعدي شوي على الماكلة تاع برا قصدي البيتزا والفريت والشيبس وبطططططططططلي القازوز وكثري من الفاااااااااااكية اون بليس السبور اكيد بلا مانوصيك ونشالله تشياني وتتحسن نفسيتك وماتعمريش راسك بكلام الناس

[جويرية الإيمان]

من المفروض قبل أي رجيم كنت تروحي ديري تحاليل

خصوصا تحاليل الغدة الدرقية .

و كيما قال الأخ آقرو44 الناس ماهي مخليا حتى واحد .

أهم حاجة انت تكوني راضية عن نفسك و أن ربي هو لي خلقك هكذا .

ثانيا لازم رياضة مع الرجيم .

أنا نقلك على رياضة و في البيت و هي :

نط الحبل .

نعم هي رياضة و تنقص الوزن.

لكن عندها شروط

مش من نهار الأول تنطي 100 نطة حتى تتغشاي .لالا

أبداي بلعقل

يعني اليوم الأول نطي 5 نطات فقط

اليم الثاني نطي 7 نطات

اليوم الثالث 10 نطات

و هكذا على قد ما تقدري حتى يتعود القلب على الجهد و يعود الجسم يطلب المزيد من الحركة .

هي رياضة مفدة جدا لحرق الدهون و غير مكلفة ماديا .

نصيحة : وين حسيتي روك تعبتي حبسي ماتكمليش لأن الجسم يكون غير متعود على مثل هذا المجهود في البداية فقط .

و أكثري من شرب الماء أو العصير في وسط التمرينات و لا تشربيه دفعة واحدة بل على رشفات .

[sofix206]

في عمرك غير15 سنة واش من حياتك كامل راحت ريجيم هههههه مزالك صغيرة و أنا واحد مالناس كي كنت صغير كنت سمين ولكن في 16 سنة بديت نطول و شينت ضركا مدابيا نولي كيما كنت هههههههعععع المهم لا يأس مع الحياة

[أم أماني أريج]

كنت شفت حصة في القناة المصرية ...........الصحة و الجمال ............وكانت خاصة بالرجيم و احدى المتصلات قالت للدكتور :أنا كان وزني 120 كيلو وفي ظرف سنة كاملة رجعت 60 كيلو و لما سألها على الرجيم لي راهي تقوم بيه قالتلو أنا ناكل كلش عادي إلا أني نمشي ساعة بدون انقطاع يوميا و بخطوات ثابتة و قاللها الطبيب أحسنت لأن رياضة المشي بانتظام هي أحسن رياضة.
ربي يوفقك

[نارينا]

ربما هاجس الرشاقة اصابك بمرض البوليميا اي الاكل دون التفكير في العواقب فقط لنسيان القلق الناتج عن التفكير المستمر في المشكل ,,,,المهم لازلت صغيرة مارسي الرياضة وتقبلي شكلك كما هو ولا تستعجلي النتائج لكي لا تنتكس حالتك ويزيد وزنك اكثر مما كان عليه

[first first]

اولا اختي الكريمة...............السمنة صح من الافصل التخلي عليها ........لكنهت ليس معيار تقيمي بيه نفسك................لان المعيار الحقسقي هي شخصيتك وافكارك وسلوكك.
وهل جل العضيمات رشيقات؟؟؟؟؟
يبقى تخفيف الوزن شيء جميل التفكير فيه..................ونصيحة بسيطة اختي ........ادا حبيتي تنقسي الوزن وتحافضي على الرشاقة ...نقصي اولاالحلويات والدهون ...لانها اسباب السمنة و نقصي العجائن ...وبداي تدريجيا. بالطولة تلقاي الفرق وتتعودي بلا ما ترهقي نفسك.

ادا لم تستطيعي ان تتحصلي على قوام باربي ...........فحاولي قدر المستطاع تجنب السمنة المفرطة.....لان بعض الامتلاء ليس دائما سيئ.
في الاخير.....................دري ثقة في نفسك............وماتحمليهاش مالاتطيق.
بالتوفيق.

[lachiche]

السلام عليكم
أنا طولي 182 و وزني 65 كلغ بمعنى أني رقييييق جدا و اريد أن أزيد وزني
الكل لديه مشاكل
خالتي كان وزنها 130 كلغ ودارت ريجيم و دك راهي كاش 90 كلغ
شوفي يا أخت نقصي الأكل و خاصة اللحوم و الحليب و مشتقاته و العائن كولي السلايط و الحبوب و اكثري من الماء
و لازملك رياضة انا انصحك بشدة بالسباحة و الله العظيم و تخدمي عام واحد برك راح تنقصي كثييييييير
ولأنوا المجتمع ميرحمش طفلة و تروح لابيسين انا نقولك نورمال و مديريش على كلام الناس المهم انت تنقصي وزنك

[lachiche]

نسيت الزنجبيل ثم الزنجبيل ينقص الوزن و التفاح و القارس

[dina.12]

لازم ديري sport هذي أول حجا و مبعد ريجيم

[sousou toutou]

اختي لاتيأسي مزالك حياة قدام تقدري تديري فيها واش راكي حابة ديري ريجيم معا نصف ساعة صباح وشوفي الفرق بعد 6 اشهر بسح ماتديريشي كلام الناس في راسك لانو كون تديره في راسك تو تبقي كيما راكي وتتعبي نفسيا واطلب الله ان يعطيكي ماتريدين