لبراج من مطبخي بالصور......طريقة جديدة وتجربتي الأولى

[*عاشقة الجنة*]

السلام عليكن حبيباتي
جمعة مباركة
جوايوز فات هههههههههه

توحشتكم بزااااااااااااف ان شاء الله كامل راكم بخير

لاول مرة ندير لبراج.........ولكن لم أعتمد طريقة الطاجين
طيبتهم ف الفرن (الكوشة)
الذوق روووووووووعة ♥

اليكن الطريقة:

كيلتين سميد عادي (استعملت علبة المرغرين) + كيلة دشيشة خشنة + ملح + سكر + ملعقة صغيرة
خميرة الخبز + هذه الكمية من مرغرين و زبدة ذايبين + زيت



قبل البدء في تحضير العجينة ....... نضع الغرس فوق بخار الماء لتسهيل عملية ترطيبه


نخلط المكونات السابقة


ثم نضيف الماء تدريجيا دون الدلك باليد حتى نتحصل على هته العجينة


نغطيها بكيس ونتركها ترتاح ونحضر الغرس


ندلكه بالزيت والزبدة حتى نرطبوه


نشكل مقروطات بشكل عادي



نسخن الفرن في درجة 200 حوالي 10 او 15 دقيقة.....ونخفضها ل 180 د ونطيبو لبراج تاعنا


15 دقيقة من تحت وحوالي 10 د من فوق (عينك ميزانك)


لبراج خلاص جاهزين للاكل



وهنا عسلتهم مثل المقروط






هي طريقة سهلة وبسيطة وجد اقتصادية
ان شاء الله عجبتكم

♥

[ام عبيدة]

بارك الله فيك

[اية الرحمن1988]

يعطيك الصحة على المجهود
أنا لضرك ما جربت ندير البراج
بلاك المرة هادي نجرب وينجحلي كيما انت
بصحتكم

[*أم كوثر*]

الله يبارك تبان من الصورة تذوب في الفم وزيد طريقة الكوشة اسهل وانظف
للتثبيت
وننتظر منك الجديد

[minoucha2008]

بارك الله يبن ها يل يد وب في فم عام سعيد

[أم شيماءْ]

تسلمي فكرة جديدة ومليحة

[ام ملاك.]

بصحتكم خرجولك هايلين

[الأمنيات]

[ساندي 28]

44444444444444444

[~ حراير ~]

بارك الله فيك اختي و تاكلوه بالصحة و الراحة
و مبروك التثبيت
لكن ارجو منك ان تتقبلي تعليقي او تسمحيلي اذا ماعجبكش كلامي فهو مجرد رأي فقط
لكنك بعدتي 100/100 على البراج
راهو صار مقروض مثل ماقلتي بطريقة جديدة و ليس براج بطريقة جديدة
لأنه حتى لونه مايشبهش يعني من النظرة الأولى ماتعرفيهش براج يعني انا مش عارفة الباتنية موالفين يطيبوه او لا باش تقدري تقارني
مانكثرش عليك بالكلام و اسمحيلي مرة اخرى
و بارك الله فيك على المجهود الي بذلتيه

[sbmwhadz]

لا صور ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[أم هيثم محمد]

أضم صوتي لأريج المسك أنا البراج يعجبوني بالطريقة التقليدية وطايبين في الطاجين ان شاء الله الرحة والتمرميدة هذا هو الشارم تاع الربيع والبراج وزيد مرة في العام
مع احترااماتي لك ولمجهوداتك

[*أم كوثر*]

الاخت وضعت لبراج وقالت طريقة جديدة
ولها الاجر في ذلك
كاين ناس مازالوا ماتعلموهاش لا بالطريقة التقليدية والا بغيرها
رجاءا لا تخرجن عن الموضوع

[ام راضية]

المشاركة الأصلية كتبت بواسطة أم هيثم محمد

أضم صوتي لأريج المسك أنا البراج يعجبوني بالطريقة التقليدية وطايبين في الطاجين انشاء الله الرحة والتمرميدة هذا هو الشارم تاع الربيع والبراج وزيد مرة في العام ونتفنينوا عليهم لالالا ize="6"][/size]مع احترااماتي لك ولمجهوداتك

والله اختي ام هيثم ما فيه حتي تمرميده كي تنظمي روحك وتسجي حوايجك بنظام راح تتمتعي وانت تعملي فيه لاولادك واحبابك

[ام راضية]

المشاركة الأصلية كتبت بواسطة *أم كوثر*

الاخت وضعت لبراج وقالت طريقة جديدة
ولها الاجر في ذلك
كاين ناس مازالوا ماتعلموهاش لا بالطريقة التقليدية والا بغيرها
رجاءا لا تخرجن عن الموضوع

حبيبتي ام كوثر اسمحيلي ندخل
اانا اعترف انك سيدة المطبخ ووصافاتك وابداعاتك تشهد علي دلك وليست محتاجة لشهادتي
حبيبتي عاشقة الجنة اجتهدت وابدعت وانت مشكورة وقبله حارة علي جبينك من اختك او امك ام راضية ممكن تكونين في سن ابنتي
لكن اسمحولي هدا ليس براج خاصة بعد تعسيله ممكن يكون نوع جديد من المقروض اما براج لا
معليش نتناقش نحن هنا اسرة نفيد ونستفيد من بعضنا ويجب ان لا تكون صدورنا ضيقة للانتقادات
انا عن نفسي لما وضعتم ابداعاتكم في المسابقة بصدر الدجاج حطيت موضوع دويدة مفوره بصدر الدجاج وتهكمت علي نفسي امام ابداعتكم حتي لامتني اختي بناتي هم حياتي لتهكمي علي وصفتي والموضوع موجود اننا نتعلم لاخر يوم في حياتنا
لقد تم تطوير وصفة المقروض من مقروض بطابع الخشب ثم البلاستيك ثم النقاش والان مقروض الشهدة لكن بقي محافظا علي اصله
كدلك البراج وانا جربته كي يطيب في الفرن راح تمصو حرارة الغرن ويجي يابس وما تجيش فيه بنة الطاجين
سامحوني اخواتي لانني صادقة مع الله ومع نفسي ومعكن ندخلت وهدا سيسبب لي متاعب وهو مسبب لي متاعب حتي في حياتي الشخصية
لكن في الحق لا يجب ان نخشي لومة لائم
مشكورة جدا حبيبتي عاشقة الجنة وانا لن ابخس جهدك لانك كما قلت تستحقين قبلة حارة علي جبينك واتمن ان بتسع صدرك لراي ولا تغضبي
حبيبتي ام كوثر اتمن انني لم اخرج علي الموضوع لكن ابديت راي فان اصبت فمن الله وان اخطات فمن نفسي والشيطان
اسفة علي الاطالة