مساعدة في ديكور صالوني

لسومة 41 · 2014-01-21, 15:15

.................................................. .

Amouna.DZ · 2014-01-21, 17:55

مصورتيش صالون كامل باش نقدرو نساعدوك أكثر

البايو ديالك شباب هو كلاسيك مايجيش معاه الورد هذوك الي في ليفاز

scorpionoir · 2014-01-21, 19:46

ربما كيعاد جا كامل قهوي وباج حاولي دخلي لون اخر عليه
لوكان جيت انا نكاسي الريدو والزربية مثلا روج بريك ولا بوردو ولا لون اخر مثلا فار بيستاس وزيدي دي كوسان
وثاني نقصي الورد هذاك ولا نحيه طول هو ولي فاو الكبار . الليفينق تاعك باهي وسامبل خلي غير
البلازما
زيدي نبتة خضرا تعطي بهجة للصالة

nazima · 2014-01-22, 14:43

حبييبتي الفوتاي الصغير قابليه نحي لفاز قدام لبلازما ديري سجرة خضرة في لكوان ديري لجوتي لمخاد صغار فو الفوتاي كاصي القهوي

Prof Haddad · 2014-01-29, 02:02

حبيبتي الصراحة عجبني صالونك بسيط و جميل ،،،،من غير الازهار تاع البلاستيك نكرهم و مكانهم ماشي هناك،،،،،،، كاين ازهار اخرين راهم يتباعو شابيب و بالوان جميلة،،،،
اذا حبيتي شوفي لون اخر يتماشى مع الون البيج و البني،،،، البرتقالي يتماشى معاهم و جميل اشري ورد باللون البرتقالي،،،،
ذوقك رائع يعطيك الصحة

salima14 · 2014-02-25, 09:51

أختي صراحة صالون هايل المشكل المابل كبير بزاف بلا فايدة
نقصي من لي بيبلو من المابل و ردي فوتاي من هذوك لصغار
قدام التاقة وخصتك تابل باس

hanadi21 · 2014-02-25, 17:11

انا لو كنت مكانك انحي الكاش ريدو ونخلي ليسطور سامبل

اصلا لي كاش ريدو نحس بلي راني في خيمة راهم اصلا ديمودي

الحاجة سامبل مليحة

linouwasoleil · 2014-03-01, 12:21

ما شاء الله الصالون حلو وباين لمستك الخاصة ماشي منقل لكن المشكل راه في الفوتايات موديلها قديم واللون زاد بينها انا نحب هاذيك الالوان لكن على موديلك رجع صامط شوية وعلاش راهم مصفوفين مقابلين المابل او لاغجونتري ديريهم متقابلين
وما نقولكش اذا تحت التاقة او من الجهة الثانية لاني ما عندي قياس صالونك ولا شكله الكامل جربي بنفسك غيري مكانهم بحيث يولو متقابلين وشوفي الانسب
الزربية باج والفوتاي غالب عليه الباج بهت شوية الصالون عكسي اطا الصالون غامق الزربية تكون باهية
الريدو لاباس بيه شباب
البيبلو مل تكثريش يزاف تسماط
زوج فيزان جربتيهم فارغين بدون ازهار ولا نابخو جربي وشوفي لارجونتري ما ديريش فيها الازهار لانو فيها اصلا الماعن سارفيس
اذا تحبي ليبلانت يعني النباتات خيري وديريهم في ليكوان تاع الصالون انتاعك
خصتك ميدة صغيرة مع لاناب تاعها

نصيحة اخيرة اذت عندك استعدا تبدلي الديكور ما تتقيديش بلون الفوتاي ممكن هغيري الردو والزربية ولاناب تاع المايدة (اخضر فاتحvert d'eau او بريك او كوراي او حتى قرونا و)ولكن دخلي دايما معاهم دوري وباج ومارون كلاغ باه يتناسقو مع الفوتايات وما تنسايش تزيدي لكوسان من لون الركاش ريدوا

ملاحظة انتي دايما تشوفي فيه علابيها يبانلك سامط ههههه اسالي اللي حولك واش رايهم اللي يجو لعندك وحباباتك
ان شاء الله نكون فدتك ولو بالقليل