سؤال عن الطواجين

ام رحوقة · 2014-03-02, 10:33

أول سؤال عن طاجين المطلوع الي يجي حديد وثقييل طيبت فيه المطلوع والبراج والكسرة ولصقلي كلش ماعرفتش علاه مع انو الناس شكروهلي واش نديرلو باه مايبداش يلصق للعلم اني اول ماشريتو جيت للدار غسلتو بالرغوة قلت بالاك هذا سبابو
ثاني حاجة هو طنجرة الطين الي تجي من فوق مغلفة بمادة لماعة تاع الصين زعمة شريتو غالي بصح بدا يلصق مع اني نحطو على نار قلييييييييلة والمرقة فيه معمررررة بصح الطبقة التحتانية دااايمن لاصقة واش الحل معاه

touta2010 · 2014-03-02, 11:25

عندي طاجين تاع الخبز حديد وثقيل بصح عمره ولا لسق وانا نمسحه برك منغسلهش
جربي طليه بالصابون تاع الطرف ومسحيه مليح
ولا حرقيه فوق النار مليح

ام رحوقة · 2014-03-02, 13:07

حرقتو مليييح اختي فوق النار بصح لااا فائدة

daif_etbh · 2014-03-02, 14:11

طياب نتاع المطلوع والفطير ماكانش احسن من الطاجين نتاع الطين يجي روعة ونتاع الحديد امسحيه بالصابون وامسحي بالببي مشوار وعاودي والقدرة كي تعودي تطيبي نقسي مليح للنار يعني تطيبي على النار هادية وحركي من الوقت للاخر.

rafuk · 2014-03-02, 15:39

انا عندي واحد ونغسله بالماء عادي وميلصقش هذه النوعية ماتحتاجش لنار قوية حاولي تنقسى عليها وخليها تسخن مليح بالنسبة للبراج انا نطيبو في مقلة تيفال تكون ثقيلة

ام رحوقة · 2014-03-02, 16:20

بصح كما المطلوع تحتاج نار قاوية

maiar · 2014-03-03, 19:39

الحق اختي مكانش قد الطاجين تع الطين او الفخار تع الحديد جامي جربتو