واش رايكم

[مشكلتي]

بعد التحية و السلام ...... نشكر هذا المنتدى المتميز و كل المشرفين أعضاء المنتدى ...... ندخل في الموضوع مباشرة .... واش رايكم في شخص توقف معاه و دير فيه الخير و يجيلك على مصلحة و توقف معاه بصح الله غالب متقدرش تفريهالو و من باعد وقت تتلاقى بيه يتعمد انو يجرحك و يبدل الطريق الي يمشي عليها و يشوف فيك بنظرة مهيش مليحة يجرحك بيها وعلاش هذا المجتمع القاسي ياخي يقولو الابتسامة في وجه اخيك صدقة علاه بعض الناس تخمم في هذا الشيء و حاولت اني نعرف السبب ورا كل شيء لكن يعطيك بالظهر حاولت نتجاهلو بصح مقدرتش علا خاطر نحس بقلبي يتقطع و ميجنيش النوم علا خاطر حاس بلي قصرت و يقولك تأنيب الضمير لا يجرح كرامتك بل يجعلك كبير بعين من أخطأت بحقه و درت روحي أنا الي غالط و حاولت اني نصحح الأمور بصح يقولك تسير الرياح بما لا تشتهي السفن معطانيش chance كيما يقولو و شكرا........................................

[مريم الصابرة]

السلام عليكم اخي الكريم
شوف ربي يجازيك على خيرك خليني نقولك إنت حاولت وممكن الشخص كان يشوف فيك امل كبير وإنت مديتلو هذا الأمل إنو سور تفريهالو وبعدها ممكن امور بزاف ضاعت بسبب هذا الامر اللي إنت ما فريتوش من رأي ما توعد ما يستناو منك الامل
الآن روح للسيد هذا وأهدر معاه وفهمو تقبلها اللّهم بارك ما تقبلش إنت حاولت وربي يهديه المهم ما تبقاش تشوف فيه وهو يشوف فيك واحد يروح لاخر ويا سيدي من حقك إنت تروحلو ولو مش غالط لكن لو صداقة او جار او صلة رحم هي تحتم عليك تروحلو وتفهمو
موفق وهذا دليل نيتك الطيبة موفق

[naamane3]

اتعلم دير الخير وما تستناش يجعوهولك
ولا تنتضر حتي كلمة شكر
يعني دير الخير لوجه الله فقط

[فارس وجواد]

المشاركة الأصلية كتبت بواسطة مشكلتي

بعد التحية و السلام ...... نشكر هذا المنتدى المتميز و كل المشرفين أعضاء المنتدى ...... ندخل في الموضوع مباشرة .... واش رايكم في شخص توقف معاه و دير فيه الخير و يجيلك على مصلحة و توقف معاه بصح الله غالب متقدرش تفريهالو و من باعد وقت تتلاقى بيه يتعمد انو يجرحك و يبدل الطريق الي يمشي عليها و يشوف فيك بنظرة مهيش مليحة يجرحك بيها وعلاش هذا المجتمع القاسي ياخي يقولو الابتسامة في وجه اخيك صدقة علاه بعض الناس تخمم في هذا الشيء و حاولت اني نعرف السبب ورا كل شيء لكن يعطيك بالظهر حاولت نتجاهلو بصح مقدرتش علا خاطر نحس بقلبي يتقطع و ميجنيش النوم علا خاطر حاس بلي قصرت و يقولك تأنيب الضمير لا يجرح كرامتك بل يجعلك كبير بعين من أخطأت بحقه و درت روحي أنا الي غالط و حاولت اني نصحح الأمور بصح يقولك تسير الرياح بما لا تشتهي السفن معطانيش chance كيما يقولو و شكرا........................................

خي الناس معادن و من يعرفك فقط لمصلحته فهذه ردة فعل طبيعية منه .
يعني انتهت المصلحة منك انتهت صلاحيتك و انتهى الكلام معك.
فلا تكترث به و اراحك الله منه.
يقول الامام الشافعي رحمه الله في مثل هذه الحالة:
ذا المـــرء لا يرعــاك إلا تكلفــــا * * * فدعه ولا تكثر عليه التأسفــــــــــا

ففي الناس أبدال وفي الترك راحة * * * وفي القلب صبر للحبيب ولو جفـا

فما كل من تهــــواه يهواك قلبــــه * * * ولا كل من صافيته لك قد صفـــــا

إذا لم يكــن صــفو الود طبيــعـــة * * * فلا خيـــر في ود يجيء تكلفــــــــا

ولا خير في خـِل ٍ يخــون خليــله * * * ويلقــاه من بعــد المـــودة بالجـفــــا

وينـكر عيشا ً قد تقـــادم عهـــــده * * * ويظهـــر سرا ً كان بالأمس قد خفا

[ABDOU ELE]

ســــــــــــــــــــــــلام

ارمي هذي المعريفة لان الاشخاص الاستغلاليين يجيبوا فقط وجع الراس

[heureuse05]

ياخي الأجر يروح لربي كيما يقولو... الباقي لا يهم هذا هو المهم .....
لي دار الخير دارو في عمرو نهار لاخرة يلقاه

فهنيئا لك و لا تهتم بشئ قد يفسد عليك الأجر

[bonbon]

هاد هي الدنيا اخي و لهذا ثمن الجنة غالي


دير الخير و انساه و صفي نيتك اتجاه الجميع


و للي جا ليك مرحبا و للي دارلك ظهره مرحبتين


لا اظن ان الدنيا تقف عند شخص واحد لكن بالمقابل شخص واحد و تصرفاته معك ممكن تأخذ منها الدروس للي تنفعك في المستقبل


الناس أجناس و موش كامل الناس يخمموا و يتوجعوا و عندهم ضمير يحسوا بيه


بصح كاين ربي و ربي يسهلهالك ان شاءالله و يكون معاك

[جندي الخفاء]

شكرا لك
انت انسان طيب بزاف
ماعليش ربي يخلصك وما تستناش الناس يقولوها فيك مليحة
هذا الشخص الي تهدر عليه منو بزاف
تقضيلوا حوايجو وما يشكركش كيفاش بغيتو يشكرك بلا ما تفريهالو

ربي خير وانس الموضوع وارقد مرتاح

[الجليس الصلح]

السلام عليكم ورحمة الله
أنت إنسان طيب واردت فعل الخير ولم تقدر أعطيت أمل لذاك الإنسان وغضب منك أمر عادي حاولت تعتذر
المهم صفيت روحك وخلي أجرك عند الله وارضاء الناس غاية لا تدرك
اسعى للخير وارفع راسك وربي سبحانه معك
موفق بحول الله

[sarl02]

انت ر اك صافي مع ربي ...ولم تظلم احدا...وارضاء الناس غاية لا تدرك...وعلاش قلبك يتقطع ياخو؟؟..اذا تميت هكذا تموت صغير بالقنطة من هذو العرب....لا تذهب اليه ولا تحاول تبرير ما حصل ...انت عملت بنيتك ولم توفق والامر جد عادي...وخليه اشنف وابدل الطريق وحتى ابدل البلاد ..لا تعره ادنى اهتمام ..واذا كان فيه شوية تاع خير في قلبو راح ايجي يوم وراح يعذرك ويطلب منك السماح ...واذا تم في عماه ليذهب الى الجحيم وكفى الله المومنين شر القتال .