سؤالي عن الحشو

سماح 88 · 2014-01-22, 08:19

السلام عليكن ويومكن سعيد
حبيت نسال على الحشو الي يجي للبقلاوة علاش بعد ما تطيب البقلاوة يبقى يتفتت ويتساقط من الرغم من انه مرحي متوسط
مش خشن واذا كثرنا ماء لزهر يخلي البقلاوة طرية زيادة وتفقد القرمشة بودي العقدة الصحيحة من الخبيرات انا لنعرفها مثلا
رطل كوكاو مع ملعقة كبيرة زبدة ملعقتين سكر عادي كاس شاي ماء زهر فني ـ اما القرفة عملتها في الحشو مرة الحشو ولا
اكحل بعد ما طاب استغنيت عليها ـ ارجو التصحيح

أم محمد تاج · 2014-01-22, 08:36

حبيبتي صباح النور ونهارك مبروووووووك
حنونتي اولا الكاوكاو مالازمش يتحمر لازم يبقى اصفر اللون
وثانيا كي تلوحي مائ الزهر من المستحسن الحشوة تبات يعني تخدميها في الليل والغدوة تخدمي العجينة وتكملي باقلاوتك
ثالثا الكيلة الصحيحة هي ثلاث كيلات كاوكاو مرحي بكيلة سكر عادي وانا مانستعملش السمن في الحشو ورشة فاني والجلجلانية مقلية ورشة خفيفة قرفة يعني هزي بين يديك ماتكثرييش حنونتي
والسر كيما قتلك انو العقدة كي تخلطيها لازم تبات باش يطلق الكاوكاو الزيت تاعو وتتجانس المواد ويحكم رحو نشالله نكون وفيت حبيبتي وبالتوفيق

سماح 88 · 2014-01-22, 09:41

شكرااا للاهتمام ام محمد الله يخليك
يعني متعمليش ماء زهر في العقدة وتكون ناشفة عند الاستعمال ؟؟

samirano. · 2014-01-22, 10:13

أظن أن العسل ماراهش كافي

لينا11 · 2014-01-22, 10:15

عسولة طريقتي سهلة بسيطة
اولا كاوكاو تاعك ماتحمريهش حنونة لانو كي يزيد يطيب يحمار كثر

ديري 03كيلات كاواكاو يعني رطل تاعك قسميه على 03حصص متساوية
وزيدي كيلة ناقص 02اصابع سكر عادي (لانو رايحين نعسلوها نقصنا 02اصابع باش تجي معتدلة فالحلاوة )
وفاني نكثر كي يكون كاوكاو
وخليه حوالي ساعة باش سكر يذوب مع عقدة
وبداي زيدي فالماء زهر غير قيس مايتلم برك مالازمش يجي جاري حذاري
خلطيه بيدك مليح باش يدخل حشو مع بعضه مليح
وديريه فوق طبقة تحتانية تاع بقلاوة تاعك
ومهم جدا جدا بقلاوة لازم تبات قبل ماتطيبيها باش طبقات مايحلوش على بعضهم كي يطيبو ويفسد لك شكل وحشو يخرج من جناب

سماح 88 · 2014-01-22, 10:38

شكرااا حبياتي و استفدت من افكاركن تسلمووو

oum anas 69 · 2014-01-22, 12:34

لبنات كفاو ووفاو موفقة حنونة
فقط بدل القرفة إستعملي مبشور الليمون و الفانيليا مممممم و خلي الخليط يبات باش لسكر يتعسل و يذوب

أم محمد تاج · 2014-01-22, 16:24

لالالالالالالا حبيبتي سمااح ندير مائ الزهر راه هو الاساس مافهمتينيش برك وموفقة حنونتي ماتجريش برك الحشو تاعك شكرا

سماح 88 · 2014-01-23, 09:43

شكرااا لدخولك الصفحة ام انس
اظن حتى قوام العسيلة عنده دور ما لزمش تكون خفيفة

أم فاطيمة · 2014-01-23, 10:00

سميحة ديري 3عبار كوكاوفي عبر سكر و شوي قرفة و لمي بماء الزهر غير علحساب ما يتمخ و جدية قبل لا يبدي في العجينة
و كي ديريه حشو و يطيب غير تخرجيه سقيه بالعسل و حطي حاجة ثقيلة و خليه على الافل 4 سوايع و انشاء الله نكون و صلتلك المعلومة

سماح 88 · 2014-01-23, 10:08

يومك سعيد اختي ام فطيمة شكرااا على المرور
كما قتلك القرفة نحب نكهتها بصح خلت الحشو يظهر وكانه محروق لذلك استغنيت عليها