طلب من اخواتي

[رحيق الزهراء]

السلام عليكم ورحمة الله وبركاته
اخواتي طلبتكم تساعدوني في مجموعة من الوصفات في حدود 4 للي تكون مناسبة للاعراس عندنا الحنة تاع خويا الاسبوع الجاي ان شاء الله وراننا معولين السبت والاحد ان شاء الله نبداو نديرو قد انواع + بلاطويات غادين يجيبوهم العايلة معاهم للي معروضين
نتمنى مساعدتي ودعواتكم ربي يخليكم

[mira maya]

حلوة بالشكلاط و الجوز
هاد الوصفة أخدتها من وصفات شميشة ونفس الشكل اللي استعملاتو هي


المقادير
250غ زبدة
250غ سكر
نصف كيس فرفارة أي خميرة كيميائية
2 بيض
2 ملاعق كبار ماء بارد
500 غ فرينة ( او أكثر يعني حتى تلتم العجينة)
قبصة ملح

للتزيين
200غ شكلاط مذاب
250غ جوز

طريقة التحضير

تخدم الزبدة + السكر جيدا حتى اللي تتحصلي على كريم تقريبا
نضرب من جيهة اخرى البيضتان + ملاعق الماء مليح ونضيفهم للكريم السابق
نصبو الفرينة+ الخميرة+ الملح شيئا فشيئا على الخليط حتى نتحصلو على عجينة ملساء.
نلفو العجينة في قطعة قماش وندخلوها الثلاجة لمدة 15 دقيقة.
نقطعو العجينة في شكل دوائر وندخلوهم للفرن المسخن على درجة 200 ولمدة من 10 الى 15 دقيقة.

[أسية24]

أختي حنا درنا في الحنة صابلي البيمو و مخبز الفلون والمقروظ والقريوش والبقلاوة

[رحيق الزهراء]

بارك الله فيكن احنا تاني رانا نقولو مقروط ووقبالنا شي انواع بصح قلت نشوف في المنتدى شو وصفات تنفعنا .. ربي يجازي الاختين اللي جاوتني في انتظار البقية

[رحيق الزهراء]

للاسف من لبارح وانا نستنى مازال ما ردت عليا غير وحدة ؟؟