مشكلتي خاصة...

[مشكلتي]

السلام عليكم..
مشكلتي معقدة نوعا ما, بدون مقدمة هي كالاتي...
انا فتاة في 26 من عمري كملت قرايتي و خدامة و الحمد لله , المهم مشكلتي مع ماما نعم أقرب انسان "ماما" هي معروفة بعقليتها صعيبة بزاف , عصبية بعيدة عليا بزاف نهار كامل متهدرش معايا هي هكدا من بكري و بدون سبب ’’’’
المهم أمنيتي الوحيدة فهاد الدنيا الزواج ان شاء الله باه نتهنى من هاد العداب, مؤخرا تقدملي شاب بنية الزواج عندو قاع الصفات المناسبة و ولد حلال : انا رتحتلو و وافقت عليه مي ماما قاستو بعيد و meme pas ما عطاتلوش الاجابة و السيد خلاتو معلق و المشكلة أنو ماجاتش سقساتني و لا جبدتلي على الموضوع من مدة شهر و نصف...و حتى انا ماعنديش الكوراج باه نجبدلها و نسقسيها علا رايها tellement نخافها و هايبتها يعني مانيش مداصرتها نحسها غريبة عليا و الله كيما راني نقولكم مشكلتي خاصة بزااااااااف
يا اخوتي و أحبتي في الله رايو عليا’ عاونوني ’ ادعولي و لو بكلمة . رايحة ننفججر يا ربي كرهت هدا الوضع...
ادعووووووووووووووووووووووووووووووووووووووووووووووو ووووووووووووووولي

[بسمة تحدي]

اولا يا اختي عمرو مكان الزواج هروب من المشاكل والله

شكون يضمن تتزوجي راح تتهناي

يا اختي تعلمي كيفاش تحلي مشكلك

ما عن الزواج روحي اهدري مع يماك عادي قوليلها يا يما وش قلتي في فلان

لازم نردلو الخبر واذا مسمعتكش زي اهدري مع بابك

متسكتيش اهدري حتى يوصل صوتك ليهم

وربي يجيب الخير يارب

[بلسم غرام2018]

المشاركة الأصلية كتبت بواسطة بسمة تحدي

اولا يا اختي عمرو مكان الزواج هروب من المشاكل والله

شكون يضمن تتزوجي راح تتهناي

يا اختي تعلمي كيفاش تحلي مشكلك

ما عن الزواج روحي اهدري مع يماك عادي قوليلها يا يما وش قلتي في فلان

لازم نردلو الخبر واذا مسمعتكش زي اهدري مع بابك

متسكتيش اهدري حتى يوصل صوتك ليهم

وربي يجيب الخير يارب

اوافقك الراي اخت بسمة

[اناناسة]

السلام عليكم، انا نشوف يا اختي تواجهيها و تقولي لها رأيك في الموضوع ...حاولي تهدر معاها بأسلوب مناسب و اختاري الوقت تاني لكن متبقيش هكا في خوف ... اذا ما كتبش ربي و ما قبلتش هي اعرفي بلي ممكن رآها مش خيرتك فيه ، صدقيني لوكان حب ربي تعرفي هي تجيك و تقولك كلام عمرك ما توقعتيه منها .... و ما تنسيش أمك رآه مكانش احن منها عليك مهما قلت يلي صعبه أكيد رآها تحبلك الخير ... و زيد هذي المسافة اللي بيناتكم نورمالمون ما تكونش يا اختي ما كانش اعز صديقه قدها ليك ... الناس كامل يدورو و هي ما دورش ... اسأل الله ان يوفقك الى ما يحب و يرضى .

[دكتورة بإذن الله]

علاج المشكلة بمشكلة اخرى لا يعتبر حلا بل يعتبر تهورا
و الزواج هو ميثاق غليظ و رباط مقدس و ليس الهدف من الزواج الهروب من عائلة فيها المشاكل بل هدفه اسمى بكثير
اختي الكريمة اي انسان له مشاكل في هاته الحياة لكنها تختلف في الدرجة و تتفاوت من بسيطة لمعقدة
و الاشخاص تختلف في حلها حسب الشخصية فهناك من شخصيته قوية يواجهها و يحلها و هناك من شخصيته لا تتحمل و بالتالي يضطر للهروب منها و يتركها تتراكم و تتفاقم و بالتالي لا يستطيع مواجهتها بتاتا
..
و بالتالي التفكير في حل للمشكلة و ايجاد حلول لها هو الصواب بعينه
..
مشكلتك ربما لو يمر بعض الوقت و تصبحين في وفاق مع امك سترين ان قرارك لربما كان يحتمل الخطأ
لربما هذا الشاب ابعده الله عليك و جاءت امك في الطريق و اصبح راسها يابس
فهل استخرتي الله ..؟
و مسألة فلان جيد و فلان ممتاز فالكثير كنا نراهم ملائكة و لكننا وجدناهم العكس
و الكثير كنا نراهم اشرار ووجدناهم اخيار وووووووو
فنظرة الصغير تختلف عن نظرة الكبير و الاستخارة تُظهر لك عقبات ..او تيسر لك الطرق الصعبة ..
لذلك مسألة الزواج ليست بمسألة بسيطة و جاء فلان و هيا اتزوج و اتخاصم مع امي و اخسرها من اجل ان اتزوج
لا يا اختي الصبر مفتاح الفرج و طاعة الوالدين تفتح ابوب الخير و الام تبقى ام و تاج فوق الراس وحين تخطأ اعرفي كيف تحتوينها اعرفي كيف تبعثي لها فلانة ترطب قلبها ..
فلكل ام مفتاح لربما تسمع لخالتك لعمتك لابيك لجدك لصديقتها لجارتها و الاحتمالات عديدة
و اعلمي ان الزواج حين يحين لن يقف في وجه أحد
فاكسبي امك فنعمة الام و الله لا تعوض ابدا ..و هناك من فقدت امها و تتمنى لو امها على قيد الحياة

و لكن ما حيرني اين والدك من الاعراب ؟!!
..
المهم نصيحتي لك كوني صديقة لامك و يدها اليمنى و حاولي اخذ اي قرار بالعقل لا بالعاطفة ..
و تضرعي لله بالدعاء ..
و بالتوفيق لك ..

[fattouna]

salam 3alaykum okhayart ana oumi mahema dir nselam 3el rajeliha wmanasach lfadl ta3eha mahma ykun okhayati oumak t7ebak wellah mais netiya 3a9adetiha makanach manha oum mathabach lkhir lwaladeha rabi y7anane la9loub wkima y9oulo stayfiya**ma ghola lokan takolni*** salam

[أبوعبد الرحمن39]

اللهم فرج كربتك

[الفراشة الرومانسية]

ربي معااااااك

[algeroi16000]

موضوع مؤسف حقا

مشكلة الاتصال و التواصل مشكلة كبيرة في المجتمع الجزائري،

ربي يكون معاك و إن شاء الله في القريب العاجل سوء التفاهم سيصبح حسن تفاهم بإذن الله

سلام

[سوسو92]

نقترح عليك تهدري مع خالتك والا واحد قريب من يماك بلاك يقدر ياثر عليه
ووربي يسر ليك امورك

[ابراهيم سوفي]

انا من رأيي لازم تحكي مع أمك، شيء غريب حقا 26 سنة وانت في جفا مع ماماك لازمها تفهم وكوني حتى ذليلة معاها المهم تسمع منك

[loulou02]

ربي يفرج عليك أختي

[asmaa~]

السلام عليكم ورحمة الله وبركاته
لازم شخص قريب من امك ..خالتك او اختك او جدتك ..او احد القريبات ..تهدر معاها ..وتحاول تقرب بينكم وتهدروا على الموضوع

[الشاعرة الناعمة]

أحكي معاها و تقربي ليها بشوية بشوية حتى تسمعلك قوليلها رايك و راكي حابة تقبلي بهاد الشخص تسمع لك و أكيد أمك مهما كانو طباعها رايحة تتمنالك الخير و الهنا و أدعي ربي يعطف قلوبكم على بعض الله غالب والدينا مش حنا اللي خيرناهم مي تأكدي بلي ماماك تحبك رغم طباعها و جامي لاكان تكرهك رغم عصبيتها حطي هذا الشعور في بالك تكوني ما بيناتكم طاقة إيجابية و الله المستعان

[moha75]

الزواج لم يكن هروبا من مشاكل الفتاة،
إلا في حالة واحدة،
إذا كانت ترى بأن الشاب طيب وحنون ومتخلق ومتدين،
وأن حياتها معاه راح تتغير للأحسن،
لكن الأصل يبقى أصل ،
أمك لازمها تقبل مافيها نقاش،

الشاب لا يتزوج إلا برضى الوالدين،
والفتاة كذلك،

أمك صورتيها بشكل مخيف،
مهما كانت هي إمراة لها قلب وعواطف،
يمكنك أن تكسبي حبها وثقتها،

فقط لا تدعي الخوف منها يسيطر عليك،
استعيني بوالدك، أخوتك، أحد أجدادك ،
يعني بأي شخص يمكن يؤثر فيها،

المهم رضاها وااااجب ،
لأن رضى الله من رضى الوالدين،

كما يقولوا ناس بكري،
الكبدة صعيبة بزااااااااااااف
يعني مهما صار مستحيل تكرهلك الخير،

ربي يحببكم لبعض إن شاء الله،
ويزيل عنكن كل وساوس الشيطان.

ربي يوفقك لما فيه الخير.