ماسيدوان بالخضر المفورة من مطبخي

ام مؤمن · 2012-07-11, 16:42

السلام عليكم

رمضان على الابواب و مع السخانة ماتفيدنا غير سلاطة باردة و مغدية في نفس الوقت

االيوم نقدملكم طريقتي في تحضير الماسيدوان

ارز نسلقوا في ماء وملح و شوية زيت و نفورو فورة صغيرة و نخليه يقطر مليح و نضيفلوا التالي

طون و الاحسن سردين معلب نفتتوا مليح يعطيه نكهةرائعة و نضيفلوا زيتون اخضر مقطع رقيق و قطع طماطم رقيقة و ماييس و الكميات عينك ميزانك و نخلط الكل و نضيفلوا لاصوص خل و زيت و ملح و فلفل و في النهاية نضيفلوا ملعقتين مايوناز

و نخلط الكل و نخبيه في بورط مونجي يدوملي ليام

و نعمل معاه خضر مفورة بطاطا و جزر مقطعة مكعبات و جلبانة نملحهم و نفورهم نغطيهم بورق الالمنيوم حتى يطيبوا و نديرلهم لاصوص و نعملهم ايضا في بورط مونجي يدوملي ليام

و ايضا نقطع الخيار و لما نحب نعمل السلطة نلقاهم واجدين

و هذه بعض السلطات اللي عملتهم بيهم

اتمنى ان تعجبكم الفكرة خصوصا لرمضان راهي توفر علينا الوقت في تحضير سلطة كل يوم

ام مؤمن · 2012-07-11, 16:45

النت عندي ضعيفة ساحاول تكملة الصور للسلطات و نضيفها في التعديل

ام مؤمن · 2012-07-11, 17:21

نجمة ساطعة · 2012-07-11, 18:03

كيما اللي نديروها يعطيك الصحة هائلة يسلم يديك يا رب

ام مؤمن · 2012-07-11, 20:20

اقتباس:

المشاركة الأصلية كتبت بواسطة نجمة ساطعة

كيما اللي نديروها يعطيك الصحة هائلة يسلم يديك يا رب

الله يسلمك حنونة يعطيك الصحة

touta1974 · 2015-07-14, 19:20

المقادير:
3 حبات بطاطا متوسطة الحجم مبشورة
حبة بصل صغيرة مفرومة
...
حزمة بقدونس مفروم
100 غ جبن شدر مبشور ( يمكن نضيف جبن طري ايضا )
4 بيضات
2 ملاعق فرينة
ملح + فلفل أسود +رشة كمون 2 فصوص ثوم مفرومة
الحشو: لحم مفروم+زيتون اخضر مقطع حلقات + جبن
الطريقة:
نخلط المقادير مع بعض نفرش ورق الزبدة في صينية الفرن و ندهنه جيدا ثم نضع الخليط ( نفرشه بالتساوي )
نسخن الفرن على درجة 200° و ندخله يتحمر من اسفل ثم نخرجه نضع الحشو و نلفه و نضع على الوجه جبن مبشور ثم نرجعه للفرن يتحمر
قدمتو مع مرق أبيض بالزيتون
بالعاافية