كيفاش تصنعوا التشاراك العريان؟؟

[صاحبة السمو الفكري]

السلام عليكم ورحمة الله وبركاته
الله يكرمكم قولولي كييفاش تصنعوا التشاراك العريااااااااااااان
كل واحدة تقولي الوصفة المعتمدة عندها وشايميزها
يعني علاش تستعملها بالضبط؟؟

[ام رمزى]

اختى الطريقة المعتمدة عندى فى صنع تشاراك العريان هى 4 كيلات فرينة +كيلة فايضة شوية زبدة+كيلة ناقصة 2 اصابع سكر رطب فانليا نصف ملعقة قهوة خمير الحلوى وتلميها ب4 صفار بيض و اذا احتجتى كملى بالماء مخلوط بماء الزهر والله هذه الوصفة ناجحة جربيها و انت تشوفى هذه الوصفة اعطتهالى خالتى ربى يحفضها هى خبيرة فى الحلويات

[صاحبة السمو الفكري]

شكرا اختي ام رمزي وتحياتي لخالتك

[بيلسان11]

راهي في كتاب الحلويات كي ندخل نحطهالك و هي الطريقة اللي نخدم بيها دائما راني ما نقدر نحفظ الوصفات تاع الحلويات . لي عودة ان شاء الله,

[صاحبة السمو الفكري]

في انتظار عودتك اخيتي

[بيلسان11]

كما وعدتك أختي انا نستعمل الوصفة اللي في كتاب سميرة للحلويات
المقادير/ 3 كيلات فرينة + كيلة زبدة + نصف كيلة سكر قلاص+ 1 بيضة كاملة + نصف كيس خميرة كيميائية+ 1 ملعقة كبيرة من الفانيليا أنا نستعمل كيس تاع فانيليا+ نصف كاس ماء زهر أو ورد+ نصف كاس حليب,
الحشو./ 3 كيلات لوز مرحي + كاس سكر قلاص+ قشرة حبة ليمون + كيس فانيليا و تخلطي بماء ورد,
للتزيين / روز مرحي خشين او أي حاجة تحبيها + 2 صفار بيض.
الطريقة /
حطي في وعاء الفرينة و الزبدة و حكيهم مليح بين يديك حتى تدخل الزبدة في الفرينة, ضفي السكر و من بعد البيضة و الخميرة و الفانيلياو خلطيهم مليح و من بعد بللي الخليط بماء ورد و الحليب حتى تتحصلي على عجينة ملساء سهلة الاستعمال,خليها يرتاح,
ووجدي الحشو خلطي طل شيء مع بعض,
ابسطي العجينة بالحلال حوالي 3 مم سمك , و من بعد قصي بالطابع تاع التشارك يجي مثلث, اوضعي حربوش من الحشو على قاعدة المثلث ثم لفي على الحشو حتى توصلي للقمة لتتحصلي على سيقار
بواسطة ريشة اطلي صفار البيض على الحلوى و ذرذري عليه اللوز أنا نستعمل الجلجلان ثانيك تجي روعة, تطيبي في الفرن على درجة 200 حتى يصير لونها ذهبي,
و شهية طيبة,

[om mouhamed]

البلد : الجزائر
من : حلويات | الحلية

درجة الصعوبة : سهلة
وقت التحضير : 30 دقيقة
وقت الطبخ : 15 دقيقة
عدد الأشخاص: 8



مكونات تحضير تشاراك العريان:

2 كيلات فرينة.
1/2 كيلة زبدة.
كيلة سكر.
كيس خميرة كميائية.
ملعقة صغيرة فانيليا.
مبشور حبة ليمون.
1/2 كيلة حليب.
2 صفار البيض.
قرصة ملح.
لوز مرحي للتزيين.


الحشو:
كيلة لوز مرحي.
1/2 كيلة سكر.
ماء زهر البرتقال.



كيفية تشاراك العريان:

1-في وعاء اخلطي الفرينة،السكر، الخميرة،الفانيليا،الملح و مبشور الليمون.
2-ضيفي الزبدة الذائبة، صفار البيض،الحليب و اخليط جيدا حتى تتحصلي على عجينة متماسكة.
3-اتركيها تستريح،من جهة أخرى حضري الحشو.
4-للحشو:
اخلطي اللوز المرحي مع السكر ثم ضيفي ماء زهر البرتقال حتى تتحصلي على عجينة متماسكة من اللوز.
5-سطحي العجينة على سطح الطاولة المرشوش بالفرينة.
6-ثم شكلي مثلثات.
7-ضعي قليلا ما الحشو فوق كل مثلث ثم لفيه بشكل طولي لتتحصلي على هلال.
8-تابعي نفس الخطوات حتى تكملي كل العجينة.
9-ادهني سطح الحلوى بصفار البيض ثم رشيه باللوز المرحي.

[صاحبة السمو الفكري]

باااااااااااااااااااارك الله في الجميييع
راني صنعتو بفضل الله وغدوة ان شاء الله ننزل الصور