أريد تفسيرا واضحا

مشكلتي · 2013-05-31, 20:27

لا أدري ما أصاب بنات اليوم :

- تقدم لها بنية الزواج ولا يريد الانتظار وانما يريد الزواج بعد حوالي 6 أشهر

موظف مستقر
الكل يشهد له بالأخلاق العالية والتردد على المسجد
حامل لكتاب الله يحفظه كله
ليس ملتحي وانما تراه انسان عادي وليس بالمتشدد ولا بالمتفتح كحال الناس أجمعين
أكرمه الله بالجمال والخلق

قالت له اريد اتمام دراستي

ماذا تريد بنات اليوم ؟؟؟؟؟

/زهرة عصفور الجنة/ · 2013-05-31, 20:32

ببساطة هي ليست من نصيبك
رزقك الله زوجة صالحة تقر عينيك

sali-sali · 2013-05-31, 20:35

ممكن لم تحسن الاختيار

على العموم ربي يرزقك الزوجة الصالحة

@ سنابل @ · 2013-05-31, 20:47

السلام عليكم
و ما الخطأ في هذا؟
أليس جميلا أن يتزوج الرجل إمرأة مثقفة ذات مستوى عال في دراستها؟

مناد بوفلجة · 2013-05-31, 20:48

اقتباس:

المشاركة الأصلية كتبت بواسطة مشكلتي

لا أدري ما أصاب بنات اليوم :

- تقدم لها بنية الزواج ولا يريد الانتظار وانما يريد الزواج بعد حوالي 6 أشهر

موظف مستقر
الكل يشهد له بالأخلاق العالية والتردد على المسجد
حامل لكتاب الله يحفظه كله
ليس ملتحي وانما تراه انسان عادي وليس بالمتشدد ولا بالمتفتح كحال الناس أجمعين
أكرمه الله بالجمال والخلق

قالت له اريد اتمام دراستي

ماذا تريد بنات اليوم ؟؟؟؟؟

أنت أصلا و من خلال حديثك ، لا تؤمن بقضاء الله و بالمكتوب المسطر لك

و أراك تتحدث و كأنك رايح تدير مزية في بنت الناس

يا خويا ، قالت لك ، الله يسهل عليك ،

فماذا تريد أنت ؟

~~RIMA95~~ · 2013-05-31, 21:23

الله اكبر

جميل رببي يدومها صلاة

لاكن من الافضل ان تكمل دراستها على الاقل ديبلوم تضمن به عمل يوم ما

أمّ عبد الودود · 2013-05-31, 22:03

ليس عيبًا في المرأة أن يرفضها الرجل، وليس عيبًا في الرجل أن ترفضه المرأة؛ لأن المسألة هي تلاقي الأرواح، فالأرواح جنود مجندة ما تعارف منها ائتلف وما تناكر منها اختلف

محمد جديدي التبسي · 2013-05-31, 22:29

خليها تكمل قرايتها وتأمن مستقبلها وتُحظر سلاحها وشوف جيهة أخرى اختر ماكثة في البيت أو قل لأمك أو أختك تختار لك ري يوفقك أخي

الزيتون · 2013-05-31, 22:49

هناك حالة فقط تتقدم فيها للبنت التي تدرس او تعمل
اذا كانت متورطة بالدراسة او العمل من قبل اهلها ولم تجد حيلة لذلك فانت تتقدم لها لتنقذها من هذه الورطة

اما غير هذا فانت تحط وجهك في التراب

والله اعلم

مريم الصابرة · 2013-05-31, 22:51

السلام عليكم اخي
ببساطة وبكل صراحة ما تستاهلوش ويسامحوني لانو هذا جوهرة وهي فضلت اخلاق راجل كهذا على دراسة وعمل ومستقبل هي حرة لكن نقولو ربي يعوضك بأحسن منها وهنا المكتوب ما كتبش موفق.

sirin_25 · 2013-06-01, 00:09

من حقها تكمل قرايتها و تخمم في مستقبلها هو ادا عاجبتو و شايف فيها المراة لي رايحا تسعدو يقدر يسناها تكمل و يتقدملها من جديد و ادا حاب وحدا ماكثة بالبيت ان شاء الله يوفقو ربي و يلقى لي تخرج عليه

انت سألت واش يحبو بنات اليوم ؟ المسألة شوية معقدة لأنو الدنيا هادي ماش ساهلة و المعيشة راهي غير تغلى و تصعاب و نظن بلي تعاون الزوجين ضروري لعيش حياة كريمة و من دون مشاكل من الجانب المادي أو المعنوي ,,, لأنو العايلة راحا تكبر و الاولاد يكبرو و متطلباتهم تزيد و كل أم و أب يتمناو يشوفو ولادهم فرحانين و مش محتاجين

أما الحالة لي هدرت عليها هدا الشخص صحيح كامل و الكمال لله " ذو أخلاق عالية و موظف مستقر " و الحمد لله ... لكن !

ما تجيش في بالك بلي الدنيا ما فيهاش لامان علا بالنا كل شي بالمكتوب و ربي سبحانو ما يخليش عبادو "الحمد لله على كل حال"
ماذا لو فجأة هاد الراجل دار حادث (بعيد الشر) ماذا لو مات (و الموت حق) ماذا لو طلقها ماذا لو ماذا لو .........

كيفاش رايحا دير مع الوليدات لي خلاهملها كيفاش تعيشهم شكون راح يعيشلها ولادها في وقت صعيب كيما هادا ؟؟؟ علابالنا كاين حباب ربي ما يخليوهاش لكن علاش تولي تطلب باه تعيش ولادها ؟؟ و لي صدق عليها اليوم ماش راح يعطيها غدوا

من الاحسن أنها تكون امرأة قوية و قادرة على تحمل المسؤولية تكون هي أمهم و هي باباهم و على هاد الشي نقولو "ديبلوم" المرأة هو سلاحها هذا السلاح تستعملو ضد الدنيا كي دور ... حنا نامنو بقضاء الله و قدره و الحمد لله لكن سبحانو عطانا عقل نفكرو بيه و ناخدو حذرنا و نخممو في مستقبلنا بطريقة منطقية ماش المراة كي تزوج خلاص ضمنت مستقبلها لالا ... المستقبل لازملو تخطيط و ربي يعاونا و يعاون كلللل شبابنا المسلمين باه يحققو المستقبل الزاهر و الحياه الكريمة ان شاء الله

الزبرجد · 2013-06-01, 00:25

التفسير الواضح هو أنها ليست من نصيبه ...هذا كل ما في الأمر

و الزواج رزق .....و الله هو الرزاق و ليس مؤهلات أي كان

سلام

raja2388 · 2013-06-01, 02:32

كل بنت عندها اولويات في حياتها هي حابة تكمل قرايتها و هذا حقها و انت ربي يرزقك الذرية الصالحة

nibrasse 76 · 2013-06-01, 04:19

انا نقولك واش يحبو : تحب تروح للجامعة وتشوف روحها كيما في المسلسل ..تختار هي من تحبه ...وتعيش معه قصة حب عنيفة ..تنتهي لازم

بالزواج ..بعدها تحكم خدمة باه تسرف ووتلبس كيما تحب وواحد ما يدير فيها مزية ...تسوق الطوموبيل ..كيما هاذيك لي كانت تغير منها

...تعاون بابا وماما في المصروف ..ياخي تعبو عليها وضروري تردلهم تعبهم دراهم في الدنيا ...على خاطر هوما ما يحتاجوش يدخلو

للجنة مقابل تربيتهم ليها .....هذا الفيلم الهزلي لي عايشين فيه ....لكن في الحقيقة ..."الخبزة المتطايشة من زهر القط "

alger1 · 2013-06-01, 05:39

اقتباس:

المشاركة الأصلية كتبت بواسطة بــ قلم رصاص

أنت أصلا و من خلال حديثك ، لا تؤمن بقضاء الله و بالمكتوب المسطر لك

و أراك تتحدث و كأنك رايح تدير مزية في بنت الناس

يا خويا ، قالت لك ، الله يسهل عليك ،

فماذا تريد أنت ؟

واش هذي القسوة بالعقل على المخلوق ربما كان يتوقع بان لا يرفض وخاصة في زمن العنوسة الرهيبة

انصحك يا اخي ان تبحث عن بنت الحلال التي تسعدك اما هي ستندم يوما عندما تصبح العنوسة صفة ملازمة لها فلا تنفعها لا جرائد ولا منتديات النبي صلى الله عليه وسلم يامرنا بتزويج صاحب الدين والخلق لان عكس لك يؤدي الى فتنة وفساد كبير لان الرجل عندما يرفض قد يقع في المحظور