انا محتار

مشكلتي · 2013-05-30, 22:23

السلام عليكم
مشكلتي اخواني انها في فتاة حيث في احد الايام مرت عني فتاة فاعجبت بها كونها من جيرانا ولكن لااعرفها كوني تركتها صغيرة بسبب غيابي الكثير عن البيت ولما سألت عن اخلاق هذه البنت الجميع قالي لي بانها بنت عايلة ومتدينة. وهذا مزاد النار في قلبي..لكن ارسلت صديقي الى ابيها وقال له بان فلان يريد خطبت ابنتك ولكن ب15 يوم قال لي صديقي بان ابيها رفض خطبت ابنته بحجة انها صغيرة19 سنة وهي تجتاز امتحان الباكلوريا.............لم اقدر على نسيانها واقول لكم اني حتى سمحت في عملي على جالها لاني بعيد عن مكان اقامتي.........وبعدها بشهرين ارسلت لهذه الفتاة عن طريق صديقتها لكي ترسل لي رقم هاتفها واسألها فقالت لي لااقدر...............ارجوكم بماذا تنصحوني هل ابعث لهم والدتي.......

sali-sali · 2013-05-31, 16:08

السلام عليكم
روح لابيها احكي معاك
ادا رفض خلااااااااااص
مش بسيف

Assouma 93 · 2013-05-31, 16:48

الحل الوحيد تكلم باباها و قولو انك راك حاب بنتو فالحلال و انت لازم تنتظرها حتى تجوز الباك نتاعها و صدقني اذا البنت راهي حاباتك حتى واحد ما يوقف في طريقك و سال على المكتوب ربي يجعلها من نصيبك ان شاء الله

doba · 2013-05-31, 17:04

روح لأبيها وربي يسهلك

haytoo82 · 2013-05-31, 17:08

عادي اذا بعثت يماك البنت سرها عند امها ماشي عند ابيها
انا نشوف بلي راي مليح وصلي صلاة الاستخارة ربي يقدملك اللي فيه الخير

أمّ عبد الودود · 2013-05-31, 17:58

https://www.djelfa.info/vb/showthread...post1052880080

نسمة تفاؤل · 2013-05-31, 18:13

نصيحتي تخليها تجوز الباك ونهار تكمل ابعث الوالدة لدارهم واذا ماعندكش مشكل باه في حالة مااذا ربحت الباك تخليها تقرا في الجامعة قولهم انك راح تخليها تواصل دراستها اذا قبلو فاللهم بارك اذا ماقبلوش خيرها في غيرها وروح لخدمتك وواصل حياتك ولي فيه الخير يجيبو ربي وعليك بالدعاء

ميمي سمية · 2013-05-31, 19:14

خليها تكمل تعقب الباك ومبعدة روح لباباها واطلبها منو في الحلال
ان شاء الله تكون من نصيبك خويا

وماتنساش صلاة الاستخارة

ikoo · 2013-05-31, 19:24

اقتباس:

المشاركة الأصلية كتبت بواسطة نسمة تفاؤل

نصيحتي تخليها تجوز الباك ونهار تكمل ابعث الوالدة لدارهم واذا ماعندكش مشكل باه في حالة مااذا ربحت الباك تخليها تقرا في الجامعة قولهم انك راح تخليها تواصل دراستها اذا قبلو فاللهم بارك اذا ماقبلوش خيرها في غيرها وروح لخدمتك وواصل حياتك ولي فيه الخير يجيبو ربي وعليك بالدعاء

و رأي من رأيكـ أيضا
افعل ما نصحتك به الأخت و اعلم يقينا أنه " عسى ان تحبو شيئا و هو شر لكم " و "الله يعلم و أنتم لا تعلمون"

مراد الأمل · 2013-05-31, 20:31

السلام عليكم
أخي اسمع مني
نصيحتي لك اخطيك من لي جوز الباك مزالها بعيدة بزاااف..و أغلب الظنّ راح تتلقا نفس الرد
لأن الفتاة في هذه الفترة تفكيرها غير متصل تماما بالزواج..عن تجربة مني ..و الله أعلم

سراب06 · 2013-06-01, 08:39

يا أخي أنت وجدت جوهرة إنها فعلا الفتاة الخلوقة وتستحق التضحية لذلك إنتظر حتى تكمل الباك واذهب بنفسك لوالدها واطلب يدها وكل شيئ مقدر ومكتوب من عند الله وإذا قوبلت بالرفض فخيرها في غيرها ولا تيأس
فمثلما توجد هي يوجد غيرها من الفاضلات واصل فقط رحلة البحث ورب معاك و إن شاء الله تفرحنا

amine eco · 2013-06-01, 14:24

انا نعطيك الحلول
1-طفلة مازالت صغيرة على زواج و راهي تقرى متكونش صامط معاها باش متكرهكش
2-انت راك تمر بفترة اعجاب مؤقتة ومبالغة فيها مع الوفت متأكد ينقصلك هذا الشغف بالفتاة
3- تقدر تبعث امك تهدر مع يماها في السر اي يهدروو عليها باش يخلوهالك
4- احكي للبابها ابعثلو اباك خير متهدرش معاه انت لخاطر راح يكون احراج نوعا ما
5-الدعاء ونية الصالحة و مكتوب كل هذه الامور قادرة تخلي الفتاة من نصيبك بتوفيق انشاء الله اتمنى ان تأحذ بنصيحتي

عائشة07 · 2013-06-01, 14:31

تاكد بان سبب الرفض فقط الدراسة او شيء آخر
فاذا كان فقط الدراسة ابعث والدتك تخبرهم بنيتك لخطبتها بعد الباكالوريا واخبرهم بنيتك اذا تسمح لهابان تكمل دراستها ام لا

سماح 2 · 2013-06-01, 18:57

خليهاا يعدي البااك
ومبعد يدير فيها ربي طرييق
و زيد خويا يعني لا تلح كثيراا على الفتااة لانها ليست بيدهاا

تحيااتي لك
ربيي يرزقك بالزوجة الصاالحة ان شااء الله وتكون من نصيبك ^__^

achwak crazy girl · 2013-06-02, 19:29

خويا انا نقلك خليها جوز الباك تااعهااا متدغطش عليهاا بزاااف وانا رايي اهدر مع عائلتها احكي ليماااك الصرااحة وهي اكيد راح تعاونك