طريقة تحضير تورتة بكريمة باتيسيار تلبية لرغبة الاخت loubna2

بسمة حنان · 2011-11-30, 17:13

نزولا عند رغبة الاخت loubna2 التي تريد تورتة بدون كريمة شانتيي و لا كريمة الزبدة احب ان اضع بين يديكم هذه التورتة الجد شهية جربوها و متخفوش تجي تحفة و ذوق رائع بدون اطالة اليكم المقادير و طريقة التحضير

ا

المقادير
1- العجينة
6بيضات
150غ سكر احرش عادي
150غ فرينة
ملعقة قهوة خمير القاطو
فاني او قشور الليمون

الكريمة باتسيير
نصف لتر حليب
كاكاو حسب الرغبة
200 غ سكر عادي
علبة شيكولاطة نوار او اي ذوق شيكولاطة تحبيه
2 بيضات كاملين
3 ملاعق كبار معمرين نشاء
فاني

للتزيين كوكاو فواكه و كارميل

طريقة التحضير
نأخد كاسرون نكسر فيها البيض و نضيفلو 150غ سكر و نخلط بالخلاط الكهربائي بسرعة كبيرة ذهابا و ايابا بشكل نصف دائرة حتى يتضاعف الخلط بثلاث مرات و يميل الي الابيض نترك الخلاط جانبا نأخذ مصفاة للدقيق نضع فيها الفرينة و الخمير و الفاني و نبدأ نرش على خليط البيض قليلا قليلا و نخلط بخلاط يدوي من الاعلى الى الاسفل على مهل حتى نكمل الفرينة كلها نفرش ورق الزبدة في المول او ندهن المول بقطعة زبدة ثم نرش قليل من الفرينة على كامل المول و نتخلص من الزائد ( اقصد الفرينةفي المول ) نصب الخليط في وسط المول و نوزعه بوسطة ملعقة على كامل الجوانب نكون قد سخنا الفرن من قبل بنصف ساعة على 180 درجة نضع الحلوى في الفرن حتى الاحمرار مع مراعاة تحمير سطحها جيدا .
هده صورة المول المستعمل قطره حوالي 22 سم

في هذه الاثناء تقوم بتحضير الباتيسيار
نضع 2 بيض نخلطهم مليح مع 200 غ سكر احرش ثم نضيفلهم النشا ثم الكاكاو و نخلط ناخذ كأس من الحليب و نضيفه الى الخليط و نخلط جيدا حتى لا تبقي اي تكتلات من النشا او الكاكاو نصب الخليط في الحليب المتبقي و نضعه فوق النار حتى تتخثر و تثقال ننزعها من النار نكسر قطع الشيكولا و نخلط حتى تدوب الشيكولا ندهن سطحها بقليل من الزبدة و نتركها تبرد لما تبرد نضيف اليها الفاني
نحضر الشيربات بمزج قليل من المربى مع عضير رامي الذوق الي تحبيه
نخرج الكعكة من الفرن نتركها تبرد على الشباك لما تبرد تماما نقلبها على وجهها بحيث يكون السطح المستوي الى اعلى نقطعها بواسطة سكينة المنشار الذي يستعمل لتقطيع الخبز و هذا ضروري في الوسط من اثنين الى ثلاث طبقات بواسطة فرشاة نشربها بمزيج المربى و العصير ندهن بقليل من الكريمة و نضع الطبقة الثانية و ندهن بقليل من الكريمة و نضع الثالثة اذا قطعتها الى ثلاثة
ندهن كامل التورتة بالكريمة
1 و نزينها من فوق نسكب في وسطها الكراميل السائلة و نضع لى جانبها وردة او فراز كما موضح في الصورة الثانية
2 نضع الكراميل نفرش الكوكاو المدشش و و الجانب الاخر نضع الفاكهة و في الاخير نضع لجولي كما موضحة في الصورة رقم1
انشا الله نكون قدرت نفهمكم مليح و اذا مفهمتوش كاش حاجة راني هنا و شهية طيبة

omo mazen · 2011-11-30, 17:16

روعة يعطيك الصحة

أم نديم · 2011-11-30, 17:19

يعطيك الصحة اختي واذا ممكن تقراي الرد في مشركتك السابقة وترديلي ويعطيك الف عافية والله يبعد عليك العين

أم نديم · 2011-11-30, 18:19

اسمحيلي اختي حنان قلقتك المقادير هاذو لطبقة وحدة انتاع بلاطو 40على40 ولا للطبقات في 3

بسمة حنان · 2011-11-30, 18:38

اقتباس:

المشاركة الأصلية كتبت بواسطة أم نديم

اسمحيلي اختي حنان قلقتك المقادير هاذو لطبقة وحدة انتاع بلاطو 40على40 ولا للطبقات في 3

انا تحت امرك و عمر متقولي قلقتني هادو المقادير نتاع بلاطو واحد نتاع 40*40 و كل مرة تعاودي نفس المقادير للتاني و التالت

linat · 2011-11-30, 18:40

mercie rabi yahafdak

أم نديم · 2011-11-30, 19:21

مليون وبليون وترليون شكرا

أم سيرين1 · 2011-11-30, 19:29

يعطيك الصحة اختي الله يجزيك الفردوس الاعلى و يرزقك ما تتمناي رووووعة ان شاء الله نجربها خصوصا لاكرام باتسيار عجبتني طريقتك
الله يحفظك و يهنيك حبيبتي
شكرااااااااااااا+احلى تقييم 5*****

/زهرة عصفور الجنة/ · 2011-11-30, 19:39

بارك الله فيك

miri_27 · 2011-11-30, 19:41

تسلمي عزيزتي

بسمة حنان · 2011-11-30, 19:41

اقتباس:

المشاركة الأصلية كتبت بواسطة أم سيرين1

يعطيك الصحة اختي الله يجزيك الفردوس الاعلى و يرزقك ما تتمناي رووووعة ان شاء الله نجربها خصوصا لاكرام باتسيار عجبتني طريقتك
الله يحفظك و يهنيك حبيبتي
شكرااااااااااااا+احلى تقييم 5*****

شكرا حبوبتي فعلا هدي الكريمة تجي تحفة لخاطر تكسب ذوق الشيكولا الي تحطيها