هل من نصائح ؟

[مشكلتي]

السلام عليكم اما بعد :
مشكلتي هي اني مند دخلت الجامعة وانا لا علاقة بالدراسة لاادري لماذا انا متهاونة صحيح احضر المحاضرات والدروس اكتبها. ولا أغيب ابدا دائما حاضرة لكن اصل الى الجامعة قلبي (يتزير)
كل مرة أنوي القراءة والدراسة لكن ارمي ذاك الكراس لاأدري لماذا يحدث معي هكدا ؟؟؟؟؟؟؟؟؟؟؟
رغم انو هادا عامي الاول في لجامعة ولم أتعود عليها كل ماينتهي الاسبوع اتلهف للعودة الى المنزل
ادعولي معاكم واعطوني نصائح تفيدني وشكرا لكم

[loulou02]

بالعكس أختي ، بماأنك في الإقامة الجامعية يعني بعيدة عن عائلتك لازم عليك ديري القلب و تدرسي مليح باه تنجحي و تاخدي شهادتك و ترجعي لعائلتك ، متبقيش تتهاوني على دروسك و في النهاية تلقي روحك تعاودي في العام لقدر الله ، و إخطيك من رفيقات السوء ليضيعولك وقتك و يودرولك عقلك ، دراستك هي الأهم ، و تفكري والديك لي راهم يصرفو عليك و يخمو عليك لازم تفرحيهم وترديلهم جميلهم بالنجاح و ليس الكسل و التهاون .

[مراومية]

هههههههه
اختي رانا غاشي كامل هاكدا والله
العام هادا سبيسيال
سندس ، رواوة ، نهاية العالم ، فرونسوا هولاند الجزائر ليبيا خهخهخ

[mitrochka]

ماعليش درك توالفي
زيري روحك شوية

[بلسم غرام2018]

نفس المشكل لكن الحمد لله اني معاها بالشوية

[wafaa26]

العام الاول بالتحديد نكون جد فرحين و متلهفين لدخول هذا العالم الذي طالما حلمنا به و هو الجامعة لكن بمجرد دخولك تحسي بانكي غريبة و لستي مرتاحة هذا في البداية فقط و خاصة اذا لم تكن لديكي صديقات لهذا انصحكي اختي ان لا تتهاوني في دراستكي لان هذه الفترة سوف تمر لكي لا تندمي بعدها و انصحكي باقامة علاقات مع البنات لكي لا تحسي نفسكي غريبة عنهم و ابدئي البحث عن صديقة تكون على اخلاق لان الجامعة دون صديقة ستكون صعبة ......

[bouchera-lili]

يا اختي حتى انا ساعات تصرالي كيفك

اومبعد نرجع الى ربي سبحانو نستغفر ونشهد نولي ندرس واحتك بالدراسة باه تجيني حلوة
ننصحك ديري كيما انا

[amani32]

العام الاول بالتحديد نكون جد فرحين و متلهفين لدخول هذا العالم الذي طالما حلمنا به و هو الجامعة لكن بمجرد دخولك تحسي بانكي غريبة و لستي مرتاحة هذا في البداية فقط و خاصة اذا لم تكن لديكي صديقات لهذا انصحكي اختي ان لا تتهاوني في دراستكي لان هذه الفترة سوف تمر لكي لا تندمي بعدها و انصحكي باقامة علاقات مع البنات لكي لا تحسي نفسكي غريبة عنهم و ابدئي البحث عن صديقة تكون على اخلاق لان الجامعة دون صديقة ستكون صعبة ....

صدقيني ان الجامعة والسكن في الحي الجامعي من احلى ايام العمر أنا نسكن في ولاية البيض ودرست في سيدي بالعباس صح البداية صعبة لكن ما تنسيش انوا والديك يصرفوا عليك واحساسك بالبعد والغربة رايحين يخلوك تزيري روحك وتدرسي مليح حاولي تكوني صداقات داخل الحي وتمارسي هواياتك الي تحبيها اخرجي حوسي شويا ما تخليش روحك تكرهي

[binary girl]

متتوسوسي ماوالو اغلب لبنات سنة اولى جامعي عنهم المشكل هذا
راكي غير تتحسي كي بعدتي على أهلك
دوك توالفي مع الوقت.ومتنسايش تقراي أذكارك وسورة البقرة لا تعود عين تاني

[tateb]

مع مرور الايام و السنين تتاقلمين مع الحياه في الجامعه و تتعودين عليها و تكون الامور بعد ذلك عاديه

[djamel123]

هناك صنف من الناس لايتأقلم بسرعة مع الدراسة الجامعية ومع الاقامة
انا كانت بدايتي الجامعية سيئة، واجتزت السنة الأولى بصعوبة
- وحصل لي هذا أيضا عندما أنتقلت للمتوسطة والثانوية-
وبعدها تأقلمت مع الدراسة وضروف الاقامة واجتزت السنوات الباقية بسهولة - الحمد لله-
وأجمل الأيام في حياتي هي أيام الاقامة الجامعية رغم كل مشاكلها
رغم أنني لم أكن أذهب للبيت كل نهاية أسبوع مثلك
ورغم أن سنوات النظام الكلاسيكي أكثر من سنوات النظام الحالي

[الملهمة]

مازلتي ما والفتيش برك ؟ شوفي بنات ملاح واقراي معاهم جيك حلوة

[jissi]

العام الاول صح تقيل شوية بصح بعد فترة رايحة تولي امورك اسهل وكنصيحة اقراي مليح للسداسي الاول الفايدة كامل كي تخرجي العام فالسداسيين وترجعي لداركم بكري

[houda_jijel]

السلام عليكم مسالة ولف برك كامل كيدخلنا جاتنا جديدة خاصة للي معندهم اصدقاء قدامى بنفس الجامعة او الاقامة .مرحلة و تعدي باذن الله و متنسايش تصلي و تدعي ربي.

[ملاك الامل]

انا بعد نعاني نفس معاناتك