الهموم تحبني

كاميلا · 2012-11-26, 19:50

السلام عليكم اخواتي اخوتي الكرام

وصلني الان خبر سيء هو انني لم انجح في شهادة الكفاءة المهنية للمحاماة
والله عندما قالولي انفجرت من الضحك لا ادري ان كان هذا طبيعي ولازلت للآن اضحك لو كنت مخدمتش متغيضنيش راني خدمت
ت الشيء الوحيد اللي مدرتوش هو انني لم احضر المحاضرات الله غالب وقت لا يناسب البنات من 15.30 الى 18.30
لو استطيع ان اقوم ب contre correction نديرها لاني متأكدة من روحي ومن خدمتي
راني حزينة حيزنة بزاف خاصة انني لم ارسب ولا مرة في حياتي
مالي الا نقول حسبي الله ونعم الوكيل المورال راهو هابطلي وزاد ولا تحت الصفر ومالي الا نقول فيها خير ان شاء الله

مريم الصابرة · 2012-11-26, 20:04

السلام عليكم اختي
معليش اليوم تبك وغدوى تضحكي واش نديرو لو جات على محبة الهموم اكيد ما تحبكش قدي نخسر الف حاجة فالدنيا وما نخسرش صحتي كل شي يهون مي هكذا والف حمد وشكر معليش اختي عادي ربي ماكتبش

شقراء سوف · 2012-11-26, 22:43

متتغاضيش ربي شافلك فيها خير وخير عظيم

sarl02 · 2012-11-26, 22:50

روحي ديري طعن فورا نورمالمو امدوهالك خاصة اذا كان معدلك قريب.

pseudoname · 2012-11-27, 07:07

انا و الله دخلت هنا لانه العنوان عجبني صراحة ضحكني هههه.معليش اختي ان شاء الله مرة اخرى تنجحي

مباركة 1961 · 2012-11-27, 07:18

سلام...
عسى ان تكرهوا شيئا .............................وهو خير لكم
عادى

اللى مايعرفش مرارة الفشل ......مايعرفش لذة النجاح

كاميلا · 2012-11-27, 09:17

اقتباس:

المشاركة الأصلية كتبت بواسطة مريم الصابرة

السلام عليكم اختي
معليش اليوم تبك وغدوى تضحكي واش نديرو لو جات على محبة الهموم اكيد ما تحبكش قدي نخسر الف حاجة فالدنيا وما نخسرش صحتي كل شي يهون مي هكذا والف حمد وشكر معليش اختي عادي ربي ماكتبش

السلام عليكم اختي مريم ان شاء الله تكوني لاباس
صح المهم الصحة هي كل شيء والله كون متعبتش منهدرش مي تعب ودراسة في نهاية الاسبوع نقراو وعقبنا الامتحات بالجمعة والسب تخيلي قبل الصلاة وهي 10 اشهر هاد formation داو الصوارد وما قراوش المدة كاملة وزيد انا قالولي باللي ميصحوش الاوراق وماكنش مصداقية كنت نكذب هل لهذه الدرجة سع راهي كاينة سبحان الله عندي 5 سنين قريت في الجامعة ليسانس وماستر عداو عليا مختلف انواع الاسئلة 10 سداسيات قريتها متأكدة من نفسي 1000 بالمية ومستعدة ندير فيهم طعن اعادة التصحيح

كاميلا · 2012-11-27, 09:19

اقتباس:

المشاركة الأصلية كتبت بواسطة شقراء سوف

متتغاضيش ربي شافلك فيها خير وخير عظيم

هكدا قالتلي امي والله البارحة مطيحت اكثر من زوج دمعات هههه والباقي غير نضحك ونقول الحمد لله وعدت وقلت انا مانيش معولة نكمل ندير محامية اذا وعلاش نقلق روحي مي والله تغيض التعب

كاميلا · 2012-11-27, 09:20

اقتباس:

المشاركة الأصلية كتبت بواسطة sarl02

روحي ديري طعن فورا نورمالمو امدوهالك خاصة اذا كان معدلك قريب.

الدفعة اللي قبلنا محبوش يديرولهم طعن لاني والله اعلم شفيت باللي كاتبين وقالوا نتائج الكابة نهائية ولا تقبل اي طعن ورح نزيد نتأكد من هاد الشيء لوكان نقدر ندير فيهم اعادة تصحيح راني متأكدة

كاميلا · 2012-11-27, 09:23

اقتباس:

المشاركة الأصلية كتبت بواسطة pseudoname

انا و الله دخلت هنا لانه العنوان عجبني صراحة ضحكني هههه.معليش اختي ان شاء الله مرة اخرى تنجحي

هههههههه واني حطيته وقاصدة يكون فيه شوية ضحك هههه لا ان شاء الله مافيهاش مرة اخرى ضيعت وقتي بما فيه الكفاية لاني مانيش رح ندير محامية ومقتنعة انها خدمة متوالمنيش خلاص راهو دومان ميصلحش للفتاة حاشاك مليء بالقاذورات والنفايات غاضتني التعب
شكرا جزيلا للمرور

كاميلا · 2012-11-27, 09:25

اقتباس:

المشاركة الأصلية كتبت بواسطة مباركة 1961

سلام...
عسى ان تكرهوا شيئا .............................وهو خير لكم
عادى

اللى مايعرفش مرارة الفشل ......مايعرفش لذة النجاح

والله اول مرة نذوق طعمه والحمد لله خلصت قرايتي بكل مراحلها ولا مرة اخفقت في مرحلة مي هاذي جاتني بيزار هههههه مي هذه اشارة من الله عز وجل انها مفيهاش فايدة ورح تجرني الى ما لا يحمد عقباه ونكمل في طريق المحاماة وهو وسط وللاسف وسخ وفيه اكثر الناس وساخة وتحايل ورشوة الخ
الحمد لله
بارك الله فيكي

~~knives55~~ · 2012-11-27, 09:33

ربي يعينك بلاد ميكي أنشطاين وشيد الحيط فيها

عادي عودي جربي من جديد

kamilia85 · 2012-11-27, 09:37

normale oukhti l3aziza
had chi wela normale...madirich contre correction psk mouch rah ya3touk hakek balak yechrouhalek aktar
mai matayssich abki 3awdi hata tenjhi
b tawfiik

كاميلا · 2012-11-27, 09:52

اقتباس:

المشاركة الأصلية كتبت بواسطة knives55

ربي يعينك بلاد ميكي أنشطاين وشيد الحيط فيها

عادي عودي جربي من جديد

هبطل يالمورال ومانيش ناوية نزيد نعاود خلاص

كاميلا · 2012-11-27, 09:54

اقتباس:

المشاركة الأصلية كتبت بواسطة kamilia85

normale oukhti l3aziza
had chi wela normale...madirich contre correction psk mouch rah ya3touk hakek balak yechrouhalek aktar
mai matayssich abki 3awdi hata tenjhi
b tawfiik

سلام اختي وين رح يحطوا عليا ؟ هادي راهي فورماسيو تاع المحاماة وانا كي مانيش ناوية ندير محامية حبيت نبرد قلبي لاني متأكدة وقررت مدامني مرحش ندير محاماة مكالاه نضيع وقتي