مساعدة من فضلكن

القلم الجارف · 2012-09-26, 22:26

السلام عليكم

درت اليويو زعمة نوجد فيه لعرس أختي مي ما حبش يصلحلي مع أني كنت دايما نديرو هايل

راني حابة تعطوني وصفة بديلة و تكون مليحة باش نحطها مع العصير
مع العلم لازمني كمية نتاع 300 حبة.
في الإنتظار الله يحفظكم
راني نستنى

kakinova · 2012-09-26, 23:58

كلشي مبروك اختي على زواج اختك ربي يهنيها و يسعدها و لعقوبة ليك و لكل العازبات

https://www.djelfa.info/vb/showthread.php?t=1001083

لي باركات : 3 كيلات فرينة قرصة ملح ، كيلة مايش معمرة زبدة ، بيضة أ 3 ملاعق سكر رطب
الحشو زاست ليمون ، 3 كيلات لوز او كوكاو ، كيلة مايش معمرة سكر ، 2 بيضات ، نصف علبة خميرة ، تخلطيهم كامل و تضيفي ماء الزهر حتى تتحصلي على حشو طري

تعملي العجينة فالكيسات على شكل قارب
تضيفي الحشو ما تعمريش بزاف و تحاولي تسوي السطع بدون ما تضغطي بزاف

لما يطيبو تدهني بالمربى مخلط مع قليل من حلوة الترك و تلصقي اللوز ايفيلي الواحدة قدام الاخرى مثل الحيط
او تعملي الشوكولا

استعملي مكيال صغير فقط لا حابة تعمليهم
لأنها تجي كميتو كبيرة بزااااااااااااااااااف ماشي غير زاكي
250 غ زبدة تعملك عرس

القلم الجارف · 2012-09-27, 00:06

يعطيك الصحة اختو يبارك في عمرك ي لعزيزة و بارك الله فيك

معليش نبدل رقائق اللوز بكاوكاو مرحي أو لوز أو حتى بيستاش؟

kakinova · 2012-09-27, 15:18

تقدري تبدلي كيما تحبي

ديري كوكاو ولا نواد كوكو

و لا ديري على الحواشي بستاش و في المنتصف لوز ايفيلي

او تعمليلو قلاساج شكولا و في الوسط مكسرات

او قلاساج سكر و فالوسط عجينة السكر

او تعملي من فوق النيستلي تدهنيه بيها و تغطسي الوجه فالكوكاو

انتي و مخيلتك

المهم انا عطيتك لاباز و كل واحد واش يتفنن

ملاحظة : لي كيسات اشري الصغار ماشي لكبار تاع الموالح

القلم الجارف · 2012-09-30, 22:35

السلام عليكم
يعطيك الصحة اختي لعزيزة
جاز العرس و الحمد لله كل شيء كان مليح و هاااااااااايل بفضل الله

kakinova · 2012-10-02, 09:36

الحمد لله أختي و جزاه الحمد

قوليلي واش عملتوا من قاطوات

و إذا ممكن لو تقدري تنزلي الصور

حنا فالأعراس ما نعملوش قهوة و مشروبات

نعملوهم فقط فالخطبة

فالعرس الناس بزاف واش يكفي

و خصوصا كل وقت و صينية القهوة لازم تتحط

حتى فالسهرة و في آخر الليل

نعملوا القاطوات و بكميات كبيييرة

خخخخخخخخخخخخخخخ حنا كون نعملوا 300 حبة نهار الثلاثاء ما تلقاي حتى حبة قاطو

القلم الجارف · 2012-10-06, 09:23

خلاص العرس و قريب خلصت معاه أنا هههههه
خلاص أختي غير نحمل الصور نحطها هنا و تشوفي الأنواع اللي درتها للعرس و حتى لفطور أختي لي ديناه لبيت زوجها
ان شاء الله