امخبز اللوز من مطبخ اختي

nolla · 2014-03-31, 15:10

جبتلكم اليوم امخبز اللوز من صنع اختي وعدتكم بالوصفات

عجينة :
3 كيلات لوز مقشر مرحي
1 كيلة سكر عادي
مبشور الليمون
بيض حسب الحاجة
فانيلا

تيلمي الوز + السكر + مبشور الليمون + الفنيلا ؤ ديري بيضة و تليمي لا جاتك يابسة زيدي صفار و ورة كاملة تتحصلي عل عجينة ماهي مطلوقة ماهي يابسة تكون حاكمة روحها ترشي طاولة العمل ب المايزية و تحلي الحجنة مع نفي ارتفاع الطابع و انتي و رغبتك تحبيها ارتفاع عالي او هاوي ترشي الصينة بالمايزينة بعد ماديريلها الزبدة و طيبيهم مالازمش بطيبوا ياسر خاطر راه لوز قيس ما ينشف البيض اقلبيها و شوفي لازم اللون من تحت الحبة يكون ذهبي

طلاء :
ىصف كاس سكر
نصف كاس ماء
بياض بيضة
ماء الزهر
ملون حسب الرغبة
سكر مسحوق

اديري السكر مع الماء و خليهم يعقدوا مليح كي يبرد ديري بياض بيضة و خلطي مليح ديري السكر المسحوق و لا حبيتي ديري ملون خلطيه مع القليل من ماء الزهر و فرغيه على الطلاء و جربي على حبة المخبز مهم ما يهبط الخليط ما يكون ثقيل
الديكور كل وحة وش تحب اصنعي ازها ر بعجينة اللوز

انشاء لله نكن افدتكم تفضلوا بعض اشكال مخبز اختي انا راني نتعلم منها :24:

الوصفة نفسها لمقروط للوز ماعدا الطلاء

انشاء لله نكملكم باقي وصفات موجودة في العلبة

أم عبد الكريم · 2014-03-31, 15:14

واااااااااااااااااااااااااااااااو انا اول من يرد رائئعععععععععععععععععععععععععععععع

sara lora · 2014-03-31, 15:15

الله يبارك
يعطيك الصحة حنونة شكرا على الوصفة

aouatif96 · 2014-03-31, 16:31

choukran ala al wasfa mais hadak be chocolat raw3aa stp el wasfa

فوزية1975 · 2014-03-31, 17:13

كيفاه زينتي المخبز الثاني

ساجدة12 · 2014-03-31, 17:14

بارك الله فيك

يعطيك الصحة

فوزية1975 · 2014-03-31, 17:15

444444444444444444 كيفاه زينتي المخبز الثاني

lahna moka · 2014-03-31, 18:34

تهبل حبوبة بارك الله فيك و في أختك

nolla · 2014-03-31, 19:00

شكرا على الردود aouatif96 نحطلك الوصفة في اقرب وقت و المخبز الثاني مزين بكيس حلواني تاع نيلو لي يتباع تقصيه قصة رقيقة جدا و ديري القليل من القلاصاج و تزيني بيدك ترسمي يعني في الحقيقة كي نخدم نمد لاختي الكبيرة ترسم انا تجيني صعيبة و وحدة تجرب قبل في صينية مبعد تزين القاطو