تحويل من وهران الى البليدة) طب (

~~نبض قلبك~~ · 2012-08-08, 23:24

جامعة البليدة
اخوان حابة ندير ترونسفار من وهران الى البليدة وياريت الي درس فيها يحكيلي على الجامعا كيفاش دايرة وهل مستوالدراسة جيد واين تقع اقامة البنات وكيف هي الظروف هناك
جزاكم الله خيرا

يُنبوع~العطآء · 2012-08-08, 23:44

السلام عليكم
صح فطورك
اناان شاء الله راح تكون اول سنة لي هناك
والاقامة راح تكون في اقامة 7
هذت واش نعرف
وراني نستنى معاك

~~نبض قلبك~~ · 2012-08-10, 23:19

mkn hata wahd yaarf blida !!!!!!!!!!!!!!!!

تمثال التفاءل · 2012-08-11, 01:36

salut ma belle meme ana hada 3ami lawal f blida mai galoli chaba bzaf w meme nasha jenti ok twakli 3la rabi w rah nokfo m3a ba3dana ok ma belle bonne corage

~~نبض قلبك~~ · 2012-08-11, 23:23

mrc khti rbi y7fdek bsh la cité galoli chwia ayana lala !! trois f la chambre bzf nn !!!

تمثال التفاءل · 2012-08-13, 15:05

mrc khti rbi y7fdek bsh la cité galoli chwia ayana lala !! trois f la chambre bzf nn

نبض قلبك ما تزكيييش ثلاثة بزاف ربي يهديك انا سمعت قالو سبعة هههههههههههههههه ربي يستر برك

~~نبض قلبك~~ · 2012-08-13, 17:39

ههههههههههههههه يا ختي هنا في وهران 2 برك

رؤية المستقبل · 2012-08-13, 17:45

السلام عليكم و رحمة الله

اسمحيلي انا رح اخرج عن الموضوع

اريد منك طلب صغير

وهو ان توافينا بموضوع فيه كيفية الدراسة و المراجعة و التوفيق بين الجامعة و اعادة البكالوريا ،للاحرار طبعا

اذ انني تحصلت على 14.25 و لم استطع دخول كلية الطب

رغم انني فعلت كل ما بوسعي و لكن جاءت التصحيحات في غير المتوقع ،،و عليه اريد اعادة البكالوريا و الدراسة في المدرسة العليا للاساتذة ،في نفس الوقت

و شكرا لك و ربي يوفك و يمجحك في الجامعة يارب

صحة فطورك

~~نبض قلبك~~ · 2012-08-14, 13:58

رؤية المستقبل
اختي مررت بنفس موقفك وتحصلت على معدل 14.32 سجلت بالمدرسة العليا معمل التعليم الابتدائي
ساعدني كثيرا البرنامج في الفرنسية ماكانش كاين عندنا بزاف لي موديل والتوقيت كان سانح جدا حيث كانت اخر ساعة عندي 15.00
يعني ماتعبنيش بزاف الحمد لله
المهم اختي انا بديت المراجعة من الصيف وماكانتش مراجعة جدية ومكثفة مانت غير باش ماننساش يعني مينذاك نضرب طلة على الاعدداد المركبة مين ذاك نقرى فيزيك
ولكن ملي دخلت للجامعة بديت المراجعة الجادة من اول يوم
المهم ماكنتش ندور بقراية الجامعة بتاتا الا في الويكاند ولا نضرب طلة على واش درنا قبل مانرقد يعني نعطيلها ساعة يوميا وكل واحد وقدراتو اختي
وكنت في باقي النهار نقرا للباك
ركزت كثيرا على العلوم والفيزياء الرياضيات لم يكن عندي مشكلمعها الحمد لله
كي قربو الامتحانات نتاع الجامعة حبست المراجعة نتاع الباك باسبوعين من قبل الانتحانات واستدركت جميع الدروس وننصحط زيري روحك في السداسي الاول باش تريحي في الثاني ربي وفقني ونجحت من الاوائل
في الفصل الثاني كنت نوض صباح بكري نحفظ المواد الادبية اما حفظ المصطلحات بديت من الاول يعني كنت شافية عليهم وفي وابتداء من افريل بديت نحل المواضيع النموذجية وقل ذهابي للجامعة ماكنتش نحضر خلاص هههههههه ماعدا عند الاساتذة اللي شوية مزيرين المهم كي تدخلي تعرفي اللعب كي داير
وماتنسايش قراي الادب راهي مهمة ايضا
امتحانتي الجامعية الاخيرة طاحت قبل البك بسمانة فوتها وبعد يومين فوت الباك المهم في الاخير الحمد لله ربي عوضني على كلش كنت متفوقة في المدرسة العليا ةتحضلت على اجازة في فرنسا تقدم للاوائل وهذا جاري في كل المدارس العليا بوزريعة قسنطينة ووهران وتمكنت من دخول كلية الطب بفضل الله ومنه وكرمه
نصيحة اخني ماتكرهيش وديري هدفك نصب عينيك رايحة تتلاقي مع بنات كيفيك حابين يعاودو لكن في الاخير تقل عندهم الارادة ويتراجعو حذاري تبعيهم
توكلي على ربي وكونك عالية همة وربي ينجحك
اي استفسار اخر انا موجودة
ننصحك تحملي ملفات من هاذ الموقع كل الملفات الموجودة فيه 90% درست بيها وانضمي لاعظاء المنتدي ايضا اكيد مايبخلوش عليك ويساعدوك بزاف www.dzbac.com
ربي ينجححك

رؤية المستقبل · 2012-08-20, 11:29

بارك الله فيك اختي نبض قلبك و الله حفزتيني بزاف بعدما هبطلي المورال خلاص و فكرت مانعاودش الباك

المهم جزاك الله خيرا ان شاء الله و رح اعمل بنصائحك ،،شكراااااا اختي بارك الله فيك

صحة عيدكم و كل عام و انتي بالف خير

samed-dz · 2012-08-20, 13:28

اختي معلش نسقسيك .. وينتا موعد الترونسفار ....ارجو مساعدتك ..

yomenasile · 2012-08-20, 14:44

انا نعرف البليدة مليح عندها حاجة ماشي مليحة الحرارة مرتفعة و الجامعة متطرفة المكان نتاعها بعيد على البليدة وسط

Sacha20 · 2012-08-21, 11:30

سلام ختي أنا العام الي فات كنت حابة نقرى في البليدة ودرت ترونسفار وقبلوهولي بصح في أخر لحظة قررت نقرى في وهران والحمدالله كانت القرايا هايلة وكلش ساهل والإقامة هايلة فيها غير تع الطب وكلش متوفر للقراياوفي رأيي فكري مليح قبل مديري ترونسفار أنا صراتلي ومنيش مندمة عليها

هوشي منه · 2012-08-21, 12:05

on ce qui concerne blida
la cité kayn w7da 9riba w wa7da b3ida 3la la fac
en generale rahom y9olo la cité mli7a
l essentiel l3am fi blida asshal mn la chaine t3 resto....
je veux diree 9raya sahla.....