7 سنين ؟؟؟

مشكلتي · 2012-07-23, 15:13

السلام عليكم

يرحم والديكم بلا تجريح جاوبوني

انا رجل عندي 26 سنة قصتي قديمة و لكن حيات عندها يومين انا كي كنت نقرا فالثانوية كانت تقرا معايا فتاة ما شاء الله كان بيناتنا احترام كبير او هي بنت فاميليا خاطيها المشاكل في هاداك الوقت حبيتها كتر من روحي كنا نهدرو في امور الدراسة لاااااا غير و الله لم اختلي بيها او قلتلها اي حاجة منبعد جبدت روحي كامل مام هي ما جاتش قاتلي علاش جبدت روحك مني المهم كانت طفلة تحشم بزاف هي حبي اللول المهم عندي يومين تلاقيت بيها في الكار حتى شفتها عاودت تفكرت كامل واش كان في قلبي هدرت معاها واش راهي دير قاتلي حبست قرايتها او قاعدة فالدار حبيت نروح نخطبها مي هي كبيرة عليا بعام خفت ترفض واش قلتو نقوللها خاطرش نعرف دارهم نقصد باباها جاوبوني الله يجازييييييييكم

فوستر بيزيه · 2012-07-23, 19:05

وش راك تستنى؟
روح خَبر والديك وحدد نهار

وعليك يا ربي

مزالنا واقفين · 2012-07-23, 19:14

السلام عليكم ورحمة الله

كيما قالك خونا واااش راك تتسنى : )
خير البر عاجله

وعندك لا يصرالك كيما خوك هي تتزوج و نتا توه بن الاختيارات الاخرى و تجد نفسك دائما تفكر فيها بأسف

صارحا وحال تقنعها اذا رفضت بسبب السن اذا كان الجواب ايجابي روح اتكل على الله وربي جيب الخير
و ما ضيعش الفرصة هذي على الاقل تعرفها من غيرها في وقتنا واش تختار ؟؟؟

غـاني · 2012-07-23, 19:20

ربي يوفق
اللهــمـَّ يــآا { مُقلـبـَ } القلُـوبـْ
ثبـتـْ قلبي عَلَى دِيـــنِكـْ ~

~~ أغيلاس ~~ · 2012-07-23, 19:21

سنة واحدة ليست فارقا كبيرا .

توكل على الله و تقدم لخطبتها .

نيل المنى · 2012-07-23, 19:26

لا تضيع أكثر من وقتك...مباشرة الى أهلها و دون تردد ....و أنا 90% نضمن لك بلي راح تقبل.
بالتوفيق أخي الكريم.

staifia · 2012-07-23, 19:36

سنة مش حاجة نورمال ,,,, ربي يكون معاك

chou_int · 2012-07-23, 20:13

أنت أخي الكريم حل مشكلتك بسيط ألتقيتها و تكلمت معك مازال ما تزوجتسش تعرف دارها و مازالك هنا فالمنتدى تسنا فالردود ياو روووووووووووووووووووووووح أزرب قبل ما تندم

ربي يوفقك أخي الكريم

ملك كوسوفي · 2012-07-23, 20:35

ادا راهي امنقنعاتك اعلاه متروحش تخطبها

صالح القسنطيني · 2012-07-23, 21:00

صل صلاة الاستخارة فاذا انشرح صدرك تقدم لخطبتها

ناصرالدين الجزائري · 2012-07-23, 21:01

استخر ثم استشر والديك فان قبلوا الموضوع فاتكل على الله ..
كلما زاد عمر الرجل أصبح الفارق في السن أمر ثانوي .. يعني شاب عمره 20 سنة ليس كالشاب الذي عمره 26 سنة ..

بالتوفيق ان شاء الله