الى رفاق دربي

مرايا الطلاب · 2012-06-12, 18:27

السلام عليكم يا جماعة

والله راني نخمم بزاف على المعدل

الظاهرة درت بزاف أخطاء

تصورو ختى التصحيح النموذجي خفت نشوفو

على خاطر علابالي بلي راني لبزت حتان كرهت

هذا يسموه الهروب من الواقع

وأنا قررت نخلي الليلة الي يعلنو فيها نصحح

هاكا لاكان تشوكيت تجيني في فرد نهار

المهم بالتوفيق للجميع

وين راكم * منة الرحمن * +* ليستوما *+ * راجي رضا الرحمن *+....................؟؟؟؟؟؟؟؟؟؟؟؟؟؟؟

وين راكمم ارجعوا ونتفكروا ليامات اللي فاتو .راهو المنتدى بلا بيكم صامت

ما نعرف علاه ما نقدروش ضرك نضيفوا مواضيع في منتدى السنة الثالثة كيما بكري ؟؟

المهم اذا قريتو موضوعي ردوا عليا بالاك نتفاءل شويا

على خاطر راني دي فوا نديقوتي .......... كنت مالفا بيكم تعاونوني نطلع المورال

وين راكم ..... ربي يوفقكم ترجعوا ............................ بالتوفيق وان شاء الله تنالوا الامتياز

رحمه29 · 2012-06-12, 18:39

اسفة ما رانيش وحدة من الي موالفين يطلعولك المورال بصح تفائلوا خيرا تجدوه وتاكدي بلي لكان تعبتي غادي تنالي وربي عمره مايضيع اجر الي يتعب وبالتوفيق

انيس1993 · 2012-06-12, 18:48

انا تاني ماشي موااااااالف ندخل معاكم بزاااااااااااااف .
و لكن و الله كلنا على الهوى سوى . انا و الله اتعبني التفكيييييييييييييير في هده البكالوريا
لا انا استطيع ان امرح بهده العطلة و لا انا استطيع ان اتوقف عن التفكيييييييييييييييير خاصة مع هده التصحيحات التي في كل يوم تظهر لنا اشياء جديدة لم اسمع بها طيلة مشواري الدراسي .
خاااااصة مع العلوم راني خاااااااااااااااااااااايف منها لدرجة ما تتصورش . الله غالب خيرت موضوع 01 و هدا الموضوع مليئ بالمفاجات . الله يستر برك .
مي معليش يجب ان نتفاءل خيرا و نتمسك و ندعو الله عسى يفرج عنا و ييسر لنا مشوارنا .
المنتدى فعلا اصبح مملا في غياب اصدقاءنا . صرت ادخله عشرات المرات يوميا و ادا بي اجد فقط التصحيحات المقلقة .
والله فترة صعبة جدا تلك التي نمر بها الان . و لكن كما اقول دائما :
Be happy and just smile

k_takoua · 2012-06-12, 18:49

مدامكي من ولاية باتنة نطلعلك المورال بويسكو رانا من نفس ولاية
يا ختي انا واش نقولك تفاءلي خيرا تجديه
انا وحدة من الناس كنت كيفك ايماجيني وقت الباك و في مادة العلوم دخت
و مكفانيش الوقت في المات و فيزيك درت الموضوع لي فيه الخطأ
مي نورمال و الله انا كنت مانيش حابة نشوف الكوراكسيو مي كي تشوفي ترتاح نفسيتك
و كان تخلي لذاك النهار شوك وحدة توليلك 2 شوك و ممكن كاش ميصرالك
و ربي يوفقنا كامل

k_takoua · 2012-06-12, 18:52

و انا من الجماعة لي دارت الموضوع 1 في العلوم و كيف ماقال الاخ
كل يوم يخرجولنا عفسة جديدة فيه

ورثان الجنان · 2012-06-12, 18:53

أختي مريم

أنا هنا لي عودة إن شاء الله

~خيرات حِسان~ · 2012-06-12, 19:17

أختي مريم ، كلنا نعاني و الله نعاني ، أتدرين أنني كلما أستيقظ أتذكر المعدل حتى أنه لا يمر يوم دون أفتح برنامج الــ exel لأحدث بعض التعديلات على جدول الكشف و أرى النتيجة.
لكن مع ذلك أتذكر قول رسولنا محمّد صلى الله عليه و سلم "تفاءلوا خيرا تجدوه" فــفورا يزول ذلك القلق
لذلك دعكِ من هذه التصحيحات المقترحة ، حتى أن الأساتذة اختلفوا بشأنها ،و يمكنك الإنتظار لرؤية التصحيحات الوزارية حتى يزول عنك ذلك القلق يوم الاعلان عن النتائج
و وفقك الله وإيانا في نيل شهادة البكالوريا

kamela · 2012-06-12, 20:07

اقتباس:

المشاركة الأصلية كتبت بواسطة ~خيرات حِسان~

أختي مريم ، كلنا نعاني و الله نعاني ، أتدرين أنني كلما أستيقظ أتذكر المعدل حتى أنه لا يمر يوم دون أفتح برنامج الــ exel لأحدث بعض التعديلات على جدول الكشف و أرى النتيجة.
لكن مع ذلك أتذكر قول رسولنا محمّد صلى الله عليه و سلم "تفاءلوا خيرا تجدوه" فــفورا يزول ذلك القلق
لذلك دعكِ من هذه التصحيحات المقترحة ، حتى أن الأساتذة اختلفوا بشأنها ،و يمكنك الإنتظار لرؤية التصحيحات الوزارية حتى يزول عنك ذلك القلق يوم الاعلان عن النتائج
و وفقك الله وإيانا في نيل شهادة البكالوريا

كل ما كنت اريد ان اقوله
ذكرته الاخت

اصبري لوقت ظهور التصحيحات النموذجية
و ان شاء الله ترتاحي شوية

ربي ينجحنا ان شاء الله

algerino1212 · 2012-06-12, 20:28

أهلا أختي مرايا الطلاب واش راك ، إن شاء الله راكي بيا

ما تقلقيش روحك خلاص ، على خاطر انتي راكي كتبتي و خلاص ، حتى لو كان تكتشفي الأخطاء ما كش قادرة ترجعي و تصلحيهم ، مالا نقلك تفاءلي خيرا تجدينه باذن الله

و الله هادي غيبة بالنسبة للأعضاء الآخرين ، انا تاني توحشتكم بزاااااااااااااااااف : zizou93, منة الرحمن، ليستوما ،راجي رضا الرحمن، Ammar ،kamela...............و بزاف
إن شاء الله يكونوا بخير و إن شاء الله راهم خدموا فهاد الباك

أيا سلام و تهلي في روحك بزاف و كاش ما خصك راني ديما هنا .

listoma · 2012-06-12, 21:01

السلام عليـــــــــكم و رحــــــــمة الله و بركآآتـــــــــــه ... /
أهلا أخـــــــــــتي مريـــــــــم عااش من سمع بحســـــــــكـ غبرتي ... ههه...
المهم الحالة النفسية هذي رانا كاامل نعانـــــــــيو منها .. بصح وااش نديرو الله غاالب نستنااو النتيجـــــة و نرضااو بوااش قسم لينا ربي .. بيسكـ ماكاين حتى حــــــــــــــــــــل ... ++ شخصيا راني نستنا في التصحيحاات النموذجيـــــــة بااش تكوون لي صورة واضحة عن المعدل. .... و ان شااء الله فيها خيــــــر لينا و ليــــــــكم كاامل ... أنا راكي شوية مكبرة الحكااية. .. عاادي البااكـ هذا عاادي جدا ... مام أنا ما خدمتش خلاااص .. بصح الحمد لله راني لابااس نفسيا ....
بالتوفيق للجميع .. .

♫ وهج الأمـل ♫ · 2012-06-12, 21:19

السلاآامـ عليكمـ

مريومتي وش أحوالك ؟

Before all , please accept this gift

First things first :

صبرينة راهي تسلم عليك وعلى كامل البنات اللي هنا

ندخلوا في الموضوع

ما تخافيش حاجة عادية

أنا ثاني كيفك مانيش حابة نشوف التصحيح في الوقت هذا

أختي اللي عدات ال bem كي جات شافت المواد كامل بصح أنا

لا علاقة

كنت نخدم على امتياز بصح من بعد الأخطاء التافهة اللي درتها بعدت بزاف على الامتياز

الحمد لله على كل حال ... على خاطر أنا مابديتش التحضير حتى للفترة هذيك اللي مدوهالنا

إذا تلاقينا كاش مرة نحكيلك كل شي ....

مهما كنتي غلطتي - في هذي ماتخافيش راكي غير كيما خيتك - تفاءلي دائما بالخير تجديه

كل ماتتفكري الموضوع ابتسمي وحاولي تنسايه

اسأليني أنا

ديجا دوك نبداو النشاطات في المنتدى وتشوفي

تنساي هذا الأمر تماما

تفاءلي تفاءلي تفاءلي مهما كان الأمر ... حتى لو كان تشوفي التصحيحات ( ولو كان تشوفيهم قوليلي على خاطر مانيش حابة نشوفهم هههه)

في كل الأحوال ربي مايخيبش عبده

نرجع ونحكيلك واش صار معايا ... مع ذلك ربي ماخيبنيش و أول نهار تاع الباك كان أسعد يوم في حياتي

حدديلي الوقت اللي تقدري تدخلي فيه على خاطر حابة نهدر معاك

ماتنسايش .................

♪ Keep a very Big Smile on your face always shine ♪

نلتقي على خير بإذن الله

Nour el houda93 · 2012-06-12, 21:39

وعليكم السلام ورحمة الله وبركاته:
اهلا اخيتي مريم.....لا داعي لان تشغلي بالك كلنا نمر بنفس الحال...
تسلحي بالايمان واكثري من الدعاء وتاكدي ان الله لن يضيع اجر من احسن عملا
بالتوفيق اخيتي

مرايا الطلاب · 2012-06-12, 21:46

شكرا شكرا شكرا لكم جميعا

لا تتصوروا كم اعادت لي كلماتكم روحي البهيجة

تفاءلوا بالخير تجدوه .. فعلا هه مقولتي دوما .ولكن أحيانا تسيطر علينا وساوس

الحمد لله

شكرا منة هديتك رائعة و..................وأنا هنا لنتحدث غاليتي

مرايا الطلاب · 2012-06-12, 21:47

اقتباس:

المشاركة الأصلية كتبت بواسطة ♫ وهج الأمـل ♫

السلاآامـ عليكمـ

مريومتي وش أحوالك ؟

before all , please accept this gift

first things first :

صبرينة راهي تسلم عليك وعلى كامل البنات اللي هنا

ندخلوا في الموضوع

ما تخافيش حاجة عادية

أنا ثاني كيفك مانيش حابة نشوف التصحيح في الوقت هذا

أختي اللي عدات ال bem كي جات شافت المواد كامل بصح أنا

لا علاقة

كنت نخدم على امتياز بصح من بعد الأخطاء التافهة اللي درتها بعدت بزاف على الامتياز

الحمد لله على كل حال ... على خاطر أنا مابديتش التحضير حتى للفترة هذيك اللي مدوهالنا

إذا تلاقينا كاش مرة نحكيلك كل شي ....

مهما كنتي غلطتي - في هذي ماتخافيش راكي غير كيما خيتك - تفاءلي دائما بالخير تجديه

كل ماتتفكري الموضوع ابتسمي وحاولي تنسايه

اسأليني أنا

ديجا دوك نبداو النشاطات في المنتدى وتشوفي

تنساي هذا الأمر تماما

تفاءلي تفاءلي تفاءلي مهما كان الأمر ... حتى لو كان تشوفي التصحيحات ( ولو كان تشوفيهم قوليلي على خاطر مانيش حابة نشوفهم هههه)

في كل الأحوال ربي مايخيبش عبده

نرجع ونحكيلك واش صار معايا ... مع ذلك ربي ماخيبنيش و أول نهار تاع الباك كان أسعد يوم في حياتي

حدديلي الوقت اللي تقدري تدخلي فيه على خاطر حابة نهدر معاك

ماتنسايش .................

♪ keep a very big smile on your face always shine ♪

نلتقي على خير بإذن الله

ه

هههههههههههههههههههه ما شاء الله

دوما متميزة

أمينة1994 · 2012-06-12, 21:53

أختي والله رانا في الهواء سوا ...............رانا كامل نعانيو من نفس المشكل

مي انا والله التصحيح لي نلقاه نشوفو وكيما جات جات ولي ربي كاتبها تلحق اليوم ولا غدوة

مالا نقلك متقلقيش روحك بزااااااااف .......انا ساعات نعود رايحة ننفجر من القلة مي راني نسيي قد ما نقدر نبعد على الجو تاع الباك وراكي تشوفي المنتدى نحاولو ننساو

تفائــــــــــــــــ،،ــــــــــــــــلي وإن شاء الله ما يجي غير الخير

راني حاسة بلي انا وانت خدمنا نفس الخدمة ونجيبو نفس المعدل والله أعلم ))مجرد إحساس((

في أمان الله