كاش تجارة ؟ مساعدة

[مشكلتي]

سلام عليكم
انا 18 سنة و الحمد لله ماشي مقلقني لا شكلي لا طولي لا لوني
اخواني راني عايش في جو عائلي امم ماشي صافا المهم انا حاب نكون خدام و احرش و قادر و صلب

و الله غالب ماعنديش واحد فامي تاجر او واحد فامي بعيد عليا لو كان جا عندي راني نروح مانبقاش هنا

راني باغي ندير تجربة نتعرف على كاش واحد تاجر مثلا حانوت نخدم معاه و نبقى لتم ؟

عندي كل مؤهلات : ديت الباك ب 12 هذا الصيف
و نفهم لمختلف الامور

لكن قبل ما تبدا الدراسة تاع الجامعه في اكتوبر باغي نروح نسافر وحدي باش نعتمد على روحي شويا

psq صحابي لي دارو هكدا راهم فايقين خير مني بزاف

كاش واحد يعيننا ؟ بخدمة للعلم انا من عنابة
مايهمش قداش الخلاص و البعد
و نورمال نرقدو حتى في الشارع

[salem1985]

السلام خويا نقول ليك دير ادماج في مؤسسة وهنا راك تحتك بالناس وتستفيد خير الي تبعد على الدار راه المجتمع مايرحمش تتعلم حوايج موش ملاح وزيد راهم الي تخدم معاهم مايرحموكش يحملوك اكثر من طاقتك المهم بقى حدى داركم راهي الغربة صعيبة تحقر وما عندك ماتدير وزيد انت راك مراهق الشخصية انتاعك مزال ما استقرت قادر كلمة صغيرة تسبب ليك الانهيار انا نقدر نعاونك خويا بصح لغالب علبالي ماتقدرش ورايح تهمل قرايتك بسبابي انا راني بعيد على دارنا وغريب ام نقدر نجيبك لعندي ونضبر ليك خدمة في الصيف برك بصح مانقدرش السكنة موش متوفرة وزيد نشوفك تتميزو وانت صغير لالا انت قرى وكاش تخصك حاجة في الجامعة راني هنا نعاونك موش مشكل المهم فرح والديك ربي يهنيك خوي تصبح بخير

[اشـــراق]

اخي دير عقد مع لاداس مثلا في دار الشباب الكثير راهم يديروا فيها الى جانب الدراسة الجامعية
شوف لي يسنييلك وماتروحش خيرمن التجارة باسكو الدراسة مع خدمة تاع حانوت تتعب وماتلقاش الوقت هكا طلع لبوانتاج برك وتقرا براحتك ماشي غير في العطلة

ربي يوفقك

[أَحمــد]

أحسن حل سجل في جامعة خارج مدينتك عنابة مثلا في العاصمة او قسنطينة وثم راك تتعلم اشياء كثيرة

[الصديق قروف]

ربي يوفقك اخي عندك الحق القعاد ماشي مليح

[أم احمد3]

اخذم في المطاغم راهم احتاجوا

زيد متتغربش اللقمة قدام دارك افضل

[صالح القسنطيني]

معدلك يسمح لك بالالتحاق ببعض المدارس العليا طبعا بعد الكونكور

و المدرسة العليا تجمع لك ما طلبته فهي خارج ولايتك و منصبك مضمون مباشرة بعد تخرجك

[صالح القسنطيني]

معدلك يسمح لك بالالتحاق ببعض المدارس العليا طبعا بعد الكونكور

و المدرسة العليا تجمع لك ما طلبته فهي خارج ولايتك و منصبك مضمون مباشرة بعد تخرجك

[dalal batna]

اخي اذا تقدر تروح لسطيف ،اقرأ في الجامعة لتم وخالط السطايفية والله ياأخي مع احترامي لكل الجزائريين لكن ما شفتش شعب خدام ورجال كيما السطايفية راهم يعبدو الخدمة وانشاءالله ثم راح تعرف تخدم وتكون راجل ونص

[dzjoker13]

أخي لا انصحك بهذا
لأننا بمجتع " لا يرحم "
يمكنك أن تقوم بالبحث عن مقاول ما يقوم بالامضاء لك و تحصل على 8000 دج
اسمها الادماج على ما أظن

موفق ان شاء الله