معلومة تخص المشاركين في مسابقة أمناء الضبط

[ريحان الجزائر]

السلام عليكم و رحمة الله تعالى و بركاته
نظرا لدخولي المتكرر للمنتدى وجدت أن المشاركين في مسابقة أمناء الضبط كل واحد واش راهو يهدر و يفكر و لذلك حبيت نحط هذا الموضوع حتى تعرفوا واش كاين و أظن أن الصبر و الإنتظار هو دواء كل واحد فيكم لأنني أنا واحدة عانيت مثلما تعانون أنتم الآن .
أبدأ بسم الله :
أنا فوت الكونكور في 2012 و مللنا ننتظر النتيجة و في الآخير قالونا ألغيت المسابقة و كنا فوتناها شفهي يعني على أساس الشهادة و بعدها تم إعادة استدعائنا و فوتناها في مارس 2013 و فوتناها على أساس الإختبار يعني كتابي و بعد طول إنتظار ظهرت النتائج و كنت من الناجحين و الحمد لله تعالى و أنبه أنه لما خرجت النتيجة تم استدعائنا و بدأنا التربص بعد أسبوع فقط .
و كان التربص شهرين في المحكمة و سبعة أشهر في بني عمران دراسة و امتحانات أنا أحكي على رتبة أمين قسم الضبط و بعدها عدنا إلى المحاكم و كان التربص على مستوى المحكمة الإبتدائية و المجلس القضائي و المحكمة الإدارية ثم قمنا بمناقشة المذكرة التي طلبت على كل واحد فينا و كانت المناقشة على مستوى المجلس القضائي و بعد المناقشة و انتهاء سنة التربص من وقتها إلى حد الآن و نحن في المنزل ننتظر العودة و بداية العمل ؟...
يعني من سنة 2013 و بالذات جويلة إلى غاية جويلية 2014 كنا في فترة التربص و بعدها و نحن في البيت ننتظر وقتاش يعاودو يعيطونا
يعني حبيت نوصل المعلومة بأنه ماراهمش رايحين يعيطولكم حتى يفروها معانا أمالا ماتقنطوش من رحمة ربي سبحانو و صبرو يا خاوتي لأنه الأمر راهو بين وزارة العدل و الوظيف العمومي و حتى يتفاهمو إن شاء الله راهم يقومو بينا
أمالا نصيحة لوجه الله خليو الإستغفار و ذكر الله في لسانكم و ماتقنطوش و ما تيأسوش لاخاطر رحمة ربي راهي واسعة و الحمد لله و كل حاجة فيها خير لينا
أنا حبيت نحط الموضوع للتنبيه فقط و ليس للتعليق و إن شاء الله يأتي الفرج علينا كامل
دمتم في رعاية الله و حفظه

[شكيب عمار]

يعني مشكل كبير الله يعينا جميعاً

حسبنا الله سيؤتينا من فضله إنا إلى الله راغبون

اللهم إنا نسألك رحمتك وفضلك فإنه لا يملكهما إلا أنت

عسى أن يعجل ربي بالفرج

[" المثابرة المتأملة "]

هل كل الرتب لم تلتحق بعملها و أقصد رتبة أمين ضبط مثلا ؟ و هل تقاضيتم راتبا أثناء التربص ؟ وحاليا و أنتم تنتظرون استدعاءكم هل الراتب لازال ساري؟ الله يعينكم أختي

[ريحان الجزائر]

هل كل الرتب لم تلتحق بعملها و أقصد رتبة أمين ضبط مثلا ؟ رتبة أمين الضبط التربص عامين و ليس عام يعني مازالوا في فترة التربص و هم الآن في المرحلة الثانية للتربص
و هل تقاضيتم راتبا أثناء التربص ؟ نعم كنا نتقاضا منحة و ليس الراتب
وحاليا و أنتم تنتظرون استدعاءكم هل الراتب لازال ساري؟ لا أختي ليس هناك راتب توقف مع توقف التربص يعني بعد انتهاء سنة التربص
الله يعينكم أختي

[samalg]

أول مرة في حياتي نسمع بوظيفة دايرا كيما هاك واش هادا درتوا التربص وكملتوه ومازال متلتحقوا بمناصب عملكم ومن البديهي أنه بعد إنتهاء التربص كل فرد يلتجق بمنصبه كي راهي دير تتمشا هادي الوزارة مازال مفهمناش لا حول ولا قوة إلا بالله

[ياسين الملك]

والله أسوء مسابقة شفتها في حياتي
ربي معــــــــــــــــاكم خـــــــــــااوتي

[ياسين الملك]

والله أسوء مسابقة شفتها في حياتي
ربي معــــــــــــــــاكم خـــــــــــااوتي

[MUSTAPHA BOYKA]

جوزتها مرتين و كرهتها قسمااااااااااا بالله اسوء مسابقة جوزتها و خامجة فيها المعريفة تقول رايح تدخل نازا و زيد تحير حتى لاباي تاعها عيانة و فيها الدل و الهوان و مشاكل الضغط من الرؤساء صدقوني مسابقة القضاء و لا الشرطة و لا هاد الزمر تاع امناء الضبط حلفت منزيدش نجوزها و راهم دارو كونكور فيه 2 بوست في المحكمة العليا و مدفعتش و ملفي جاهز

[ايمان ايمانو]

جوزتها 3 مرات و دايما هكا يطولو في النتائج ، ان شاء الله ربي يفرج على الجميع ,

[xanderr]

شوفو حاجة اخرى هذي انساوها

[شكيب عمار]

من يسكن في مدينة قالمة، أو يمكنه الذهاب إلى المجلس يخبرنا بنتائج مجلس قالمة والمحاكم الأربعة التابعة له