طلب معلومات حول تخصص شبه طبي

[اسماء الجزائرسطينية]

السلام عليكم والله معييت نحوس في غووغل كل مايخص شبه طبي ونلقى نفس الهدرة بغيت واحد يكون قريها ويحكي لنا هل ضروري نكوون ممتازة فالفرنسية وهل فيها ستاج بزااااااااااااااف وقت الدراسة وهل الحالة صعيبة:conf used:

[اسماء الجزائرسطينية]

هاااااااااااااااااااااااااي

[اَشْرَفْ اَنيِسْ]

باراميديكال اخي يدرس فيها
اولا ; لا تحتاج مستوى عالي من اللغة الفرنسية لانها تحتوي على مصطلحات علمية و لو كنتي تتقنين الفرنسية لن تفهميها
اذا حبيتي طلعي العام تعك بعشرة تكفي تقراي بطريقة جدا جدا عادية اذا حبيتي تكوني روحك جيدا اقرايها كيما نقولو قلب و رب
لي ستاج ؟ نعم يوجد لي ستاج في منتصف العام ( في مستشفى مدينتك او اي مستشفى في ولايتك تريدينه ) و في فصل الصيف اعتقد شهر و في شهر اكتوبر ( انا اتكلم عن المعهد العالي لدراسة الشبه الطبي الذي الالتحاق به يتم عن طريق المعدل فقط لا مسابقة ولا اي شيء فقط معدل البكالوريا )
الدراسة تنجمي تقولي كيما نتع الطب يمدولهم كلش اضافة الى وجود بعض لي موديل تدرس باللغة العربية كعلم النفس

[امـــة اللـــه]

المشاركة الأصلية كتبت بواسطة اَشْرَفْ اَنيِسْ

باراميديكال اخي يدرس فيها
اولا ; لا تحتاج مستوى عالي من اللغة الفرنسية لانها تحتوي على مصطلحات علمية و لو كنتي تتقنين الفرنسية لن تفهميها
اذا حبيتي طلعي العام تعك بعشرة تكفي تقراي بطريقة جدا جدا عادية اذا حبيتي تكوني روحك جيدا اقرايها كيما نقولو قلب و رب
لي ستاج ؟ نعم يوجد لي ستاج في منتصف العام ( في مستشفى مدينتك او اي مستشفى في ولايتك تريدينه ) و في فصل الصيف اعتقد شهر و في شهر اكتوبر ( انا اتكلم عن المعهد العالي لدراسة الشبه الطبي الذي الالتحاق به يتم عن طريق المعدل فقط لا مسابقة ولا اي شيء فقط معدل البكالوريا )
الدراسة تنجمي تقولي كيما نتع الطب يمدولهم كلش اضافة الى وجود بعض لي موديل تدرس باللغة العربية كعلم النفس

بارك الله فيك اخي على المعلومات
طلعتلي المورال سيرتو بالجملة هاذيك

[المداينية26]

حسبي الله و نعم الوكيل

[امـــة اللـــه]

المشاركة الأصلية كتبت بواسطة المداينية26

للاسف جملة كيما هاذيك هي يلي خلات الفرملي يتشوكر في السبيطار ,, إنه الواقع
كل واحد في مكانو
طبيب طبيب
و الممرض ممرض
و الصيدلي صيدلي ,, و البائع في الصيدلية يبقى بائع
علاش الخلط بين الأمور !كل واحد و مهنتو كل واحد و قيمتو المهنية
لا علاقة بين مهنة الطب و مهنة التمريض نقطة و انتهى ,
باك +3 كيما + 12 !!شتان بين التقني سامي و شهادة الدكتوراة

وشكوووووووون قال كيف كيف !!
أولا راني فرحت على القراية لأاني منيش راح نضيع عام فبراميديكال باطل لأنو أصلا قال القراية تقريب كيف كيف ماقالش المهنة نفسها
ثانيا لوكان جيت نخم بلي كي الطب كي شبه طبي منعاودش الباك على جال الطب
للأسف هدرتي في جانب ونتي فهمتيها بجانب آخر ( جرحتيني بهدرتك 💔 )

[ورد الاوليف]

المشاركة الأصلية كتبت بواسطة المداينية26

للاسف جملة كيما هاذيك هي يلي خلات الفرملي يتشوكر في السبيطار ,, إنه الواقع
كل واحد في مكانو
طبيب طبيب
و الممرض ممرض
و الصيدلي صيدلي ,, و البائع في الصيدلية يبقى بائع
علاش الخلط بين الأمور !كل واحد و مهنتو كل واحد و قيمتو المهنية
لا علاقة بين مهنة الطب و مهنة التمريض نقطة و انتهى ,
باك +3 كيما + 12 !!شتان بين التقني سامي و شهادة الدكتوراة

السلام عليكم أختي شوفي مع أني نقرا ساج فام يعني لا دخل لي في الطبيب والفرملي بصح اسمعيني معليش اختلاف الرأي لا يفسد للود قضية 😍 المستوى لي هدرتي بيه مايدلش على مستوى شخص رح يولي طبيب😭 بل لا يدل على مستوى شخص مسلم أصلا 💔ربي سبحانه نهانا عن التكبر بصح انتيا شايفة منك العكس 😮كيفاه تقولي الفرملي يتشوكر راكي من نيتك أختي😏!!!!! أولا كلمة مايليقش تتهدر في المنتدى صح كل واحد وقرايتو نعم اني معاك بصح الفرملي ثاني ماهوش بلا مستوى نحب نذكرك بلي هاذ المسابقة معتمدة من طرف وزارة الصحة وأقل معدل فيها 14 يعني عبد قاري وفاهم مايليقش نرجعوه بلا مستوى ويتشوكر وألفاظ رديئة أخرى لا أساس لها من الصحة......معبالكش بلي كاينين عباد حلمهم الميدسين وجابو 18 ودارو باراميدكال ومزال يحلم بالميدسين بصح ظروفهم المادية تاعبة 💔علاهذيك يقرا 3 سنين ويضمن شغل يعاون دارهم كي يشوف هدرتك وش يصرالو خممتي فيه كيفاه يتحطم 💔ماخممتيش بلي كسرتي خواطر عباد الله حرام والله 😑شوفي كيما كاين طبيب كاين فرملي وواحد مايقدر يخدم خدمة الآخر ......وعبالنا بلي الطبيب مستواه عالي بزاف😍 وماشاء الله وبلي الفرملي المستوى تاعو أقل من الطبيب 👌🏻علاه راكي تقارني فيهم مالا .....شوفي حبيبتي كاين عباد جرحتيهم بهدرتك وعيب والله نورمالمو غادي تولي👩‍⚕️ طبيبة تسمى تخففي على العباد وتكونيلهم دواء ❤مش تزيدي عليهم وتكون هدرتك مرض وأي خدمة حلال مشروعة يتعب عليها صاحبها فهي عمل يزكيها الإسلام ويجزي عليها الجزاء الحسن 😍وعند ربي ماكانش فرق بيناتكم ني فرملي ني طبيب ....أختي اخطيك من التكبر من جهة حرام ومن جهة يقلل من قيمة صاحبه ومن جهة يدل على عدم الرضاء ارضي بقسمتك واحمدي الله 💜والدنيا هذي فانية وأعتذر ان كان ردي قاسيا تقبلي مروري 😍

[المداينية26]

حسبي الله و نعم الوكيل

[بشرئ عاشقة العلم]

الاخت اللي قارنت بين الفرملي و الطبيب شا ذ العقلية المتخلفة كارثة رنا نقراو معاهم ميدسين و كارثة
كي تتخرجي طبيبة و متصيبيش بلخف تولي تحلمي ببلاصة الفرملي

[Medic4arab]

جرب البحث في موقع medic4arab

[Medic4arab]

اتمنى لك التوفيق يا عزيزي
.

[Medic4arab]

انصحك بدخول طب الأسنان إذا امكنك ,, أعتبره انا افضل تخصص