اقتباس:
المشاركة الأصلية كتبت بواسطة doudou89
السلام عليكم اخي
- اول شيء المكان يكون مناسب و السلعة على حساب المكان لي تكري فيه يعني كاين مكان تمشي فيه سلعة و ماتمشيش في مكان اوخر و هذي مع التجربة تعرف المواد لي يمشولك و لي لا
- لازم دير حساب الماطريال يعني لازمك فريقوات و ليطاجار .... الخ هذو على حسابك نتا و ميزانيتك قادر تبدى ب 25 الى 30 مليون مانجمش نمدلك سعر محدد اخي في الماطريال قادر تلقاه بو اوكازيون بسعر موافق
- السلعة لازمك تركز على الاشياء اللي تمشي ديما سلع منها نورمال و لي تشك بلي مايمشوش اشري غير شوي و شوف مع الزبائن واش يمشي زيد منو و التسليعة الاولى كيما فهمتك نتا و المحل الا كبير و الا لا لازم تقدر المهم من 40 الى 50 مليون تعمرلك محل عادي ماشي كبير
ربي يوفقك و ننصحك على البلاصة تكون فيها حركة مليحة و وسط سكنات
المعاملة ثم المعاملة هي راس مالك في البدية
و اخطيك من الكريدي من البدية
و ربي يوفقك و يرزقك بالحلال و صلي صلاة الاستخارة ربي مايخيبش عبدو
|
بارك الله فيك خويا
والله كنت باغي نكري غاراج ب15000دج بصح شاورات راسي وشفت بلي ف الحي نتاعنا كاين 2 حوانت مواد ذاىية و والله مكاش نهار مرحتش نشري و ملقيتش لاشان الناس يقارعو تقول راهو مول الحانوت يمد فالسلعة باطل
المهم شاورت وقلت نحل في البيت
ارجز الدعاء لي بالتوفيق