الحامل والحار

ome jade · 2014-05-31, 18:25

انا راني حامل ونحب ناكل الحار هل له اثار على الجنين اي هل يضر بالجنين

امال مارية · 2014-06-01, 21:19

السلام عليكم يا اختي انا لما كنت بالحمل بابنتي كنت نحب الحار وناكل فوق اللازم ولما ينهيوني نقول نورمال ما فيها والو لما زيدت بنتي زاد وجها احمر غير عادي لكن مع الوقت راح حب رقيق وايضا جاوها الغازات تبكي ليل نهار ما تسكتش خلاص قريب نهبل قالولي من الحار اللي كليتيه لما كنتي بالحمل و الله اعلم يا اختي ننصحك بزيت زيتون كولي قد ما تقدري باش ما تعصمش كرشك ويخرجو لك البواسير و نقصي من الحار باش ما يجيوش الغازات للبيبي وربي يسهل ولادتك و يعينك

future maman · 2014-06-04, 16:16

صراحة مابحثتش في الموضوع
انا ماناكلوش اصلا يضرني في المعدة
سقسي الطبيبة تاعك ولا ابحثي في النت خاصة المواقع الطبية ان شاء الله تلقي اجابة

أم عبد الكريم · 2014-06-04, 16:19

انا تاني واش كليت الحار كي كنت نتوحم كيما قاتلك الاخت انا تاني زادت بنتي فيها حمورية في وجهها قالولي من الحار والله اعلم

الماسة النادرة · 2014-06-13, 06:22

الله اعلم لكن بلا حمل ماشي مليح تحسي مصورك ينحرقو

خيط الروح · 2014-06-13, 11:29

ماتكثريش بزاف

اذا زاد الشيئ عن حده انقلب الى ضده

وماتنسايش ان الجنين تاعك راه يتغذى منك

ربي يسهلك في حمله ووضعه يااارب

ويجعله من الصالحين

أم مبين · 2014-06-14, 00:11

ننصحك باه ماتكثريش منه بزاف راهو يضرك في البواسير

Maria dadi · 2014-06-16, 17:12

ممنوع حبيبتي الحار وانت حامل راهو يضر

~~nilly~~ · 2014-06-16, 19:49

شوفي اختي الحامل لازم تاكل غير الفيتامين وتكثري منهم ووتكثري من الكالسيوم حتى ينمو الجنين بصفة طبيعية واد توحمتي على حاجة كليها بصح متكثريش
انا ثاني راني حامل ونتوحم على فلفل الاحمر

جنان14 · 2014-06-17, 00:55

لا لازم تحبسي الحار لأنه رايح يضرك ويضر بالجنين هاكا قال تلي الطبيبة

ام ياسمين10 · 2014-08-04, 17:30

انا كنت ناكل الحار بزاف وليدى قتلوه لى غاز دار فيا حالة