غلطت مع ابي ....... ساعدوني

madoucha · 2012-12-16, 17:32

اطلب المساعدة منكم في قضية حدث سوء تفاهم مع ابي هو واعر بزاف و لي غلط ما يسلكش منو بصح الاب يقعد اب انا طلب مني قضاء امر ولم افعل و عاتبني و رديت عليه الهدرة و ندمت على ذلك ضرك راه زعفان مني بزاف اريد طريقة لطلب السماح او فكرة عن هدية تخليه يرضى عني
لعلمكم ابي ما يسامحش بسهولة ممكن نصائح او كلمات حنونة معبرة والله ما راني مرتاحة من ضميري

fatma2012 · 2012-12-16, 17:41

أنا اليو غلطت مع والدي كذالك وبعدها رحت قبلت له رأسه وانتهى الأمر

~~مـجيد~~ · 2012-12-16, 17:48

روحي اطلبي منه السماح

dala3 dalou3a · 2012-12-16, 18:18

لازم عليك انك تطلبي منو السماح و انك تحترميه و يلزمك انك ما اتعيديهاش المرة اللي جاية

madoucha · 2012-12-16, 18:40

شكرا لكم بصح هو ما يرضاش بالساهل

mohamed160 · 2012-12-16, 18:58

اقتباس:

المشاركة الأصلية كتبت بواسطة madoucha

اطلب المساعدة منكم في قضية حدث سوء تفاهم مع ابي هو واعر بزاف و لي غلط ما يسلكش منو بصح الاب يقعد اب انا طلب مني قضاء امر ولم افعل و عاتبني و رديت عليه الهدرة و ندمت على ذلك ضرك راه زعفان مني بزاف اريد طريقة لطلب السماح او فكرة عن هدية تخليه يرضى عني
لعلمكم ابي ما يسامحش بسهولة ممكن نصائح او كلمات حنونة معبرة والله ما راني مرتاحة من ضميري

بارك الله فيك . انا نقلك طيبيلو الاكل المفضل لديه وشوفى النتيجة

مريم الصابرة · 2012-12-16, 19:13

السلام عليكم اختي
إنت روحي ليه وبوسيلي على راسو ولو رفض وزيدي عاوجيها كلخيلو بكلام طيب وبهدية ويرضى عليك وماكنش احن من الوالديم وسارعي وما تستنايش ما تخليهش يبات زعفان شكرا

لينا الجنة · 2012-12-16, 22:02

و عليكم السلام

روحي اطلبي منو السماح و بوسيله راسو و عاودي مرة و ثنين و ثلاثة اكيد قلبه راح يحن عليك و يسامحك و اعرفي انو الكلام الطيب و الطاعة مفتاح رضا الوالدين

ربي يصلح الامور بيناتكم و يرضى عليك و يهنيكم

~ حراير ~ · 2012-12-16, 22:03

هادي الكلمة ما يرضاش في سع راهو الشيطان يوسوسلك بيها

سامحيني دخلت سخونة

روحيلو و اطلبي منه السماح و عاوديلو و مش تكلخيلو بالهدرة كوني صادقة معاه راني حسيتك صادقة و نادمة صح
احكيلو الحقيقة و قوليلو دار بيا الشيطان سامحني و كيفاش يعطيك قلبك تبات و انت زعفان مني و كان عطاك قلبك انت ان والله مايطاوعني قلبي و كي ما تسامحنيش انتايا و تستحملني شكون الي ييستحملني
و قوليلو راني كنت تعبانة و قلقانة و في عوض نجي نتلاح في حضنك و نريح بكلامك ... رحت فسدتها على روحي
سامحني يا بابا سامحني على وجه ربي سامحني باش نريح والله ماراني طالقاتك حتان تسامحني و هاد كامل مع قبل حارة لليدين و للراس و حتى على الخدين و كي تبوسيه مش غير تحطي شواربك حسي بيها و تأكدي بلي راح توصلو
و ما ترقديش حتان يسامحك

ربي يرزقك رضا والديك و ربي يكملك بالعقل و الدين و يثبتك دنيا و آخرة