لا اريد الاستمرار في الحياة

[كاميلا]

لا اريد الاستمرار في الحياة لا اريد
مانيش حابة نعيش وسط جماعة تاع منافقات يكرهوني مسميني "لقيطة" المنزل حثالة المنزل البطالة اللي متملكش منصب مرموق في العمل الفاشلة ....فضيحة الدار حمارة العايلة غبية الدار يكرهوني وهذا مش جديد حتى كي كنت طفلة مرفوع عني القلم وهوما يكرهوني مسميني بنت الحرام لقيطة الصغيرة وخلي وخلي بلا منزيد نقول واش يديرو واش دارو راه قلبي تعمر راهو تاريخ الكتابات ميهزوهش
من 2003 كي جبت البياف وانا نسال روحي واش هو ذنبي واش درت لمن 11 سنة وانا نطرح في السؤال اذا كانوا من دمك يديرولك هكذا واش رح نستنى من الناس واش نستنى من اللي خاطبيني واش رح نستنى من اللي دايرين بيا فقدت ثقتي بكل شيء لوجيت ضعيفة راني انتحرت من بكري مي راني حابة نريح عييت في الدنيا عييت نحس روحي عشت 100 سنة
واش ندير غير ندعي ربي وعاونوني يدي امانتو ويديني ليه

[عبييير]

اصبري وان شاء الله تفرج في أقرب وقت
أكثري من الدعاء و الاستغفار .

[R I A D]

بعيد الشر عليك بنيتي ربي يعيشكو يطول في عمرك
و ان شاء الله هذا ابتلاء اصبري لربي و ربي هوفارج الهم و كاشف الغم
ان شاء الله يبدل حالكمن الحزن و الهم للفرح و السعادة و العبادة امين

بنيتي حبيبتي الرسول عليه الصلاة و السلام قال لنا بما معناه "لا تدعو على انفسكم بالموت..."
ان شاء الله تتزوجي و ربي يحنن قلب زوجك و حماتك عليك وينسيوك في الالام الي عشتيها امين

[ahlem-86]

يا حنونتي وعلاه عليه الانتحار انعلي ابليس
نسأل الله جل جلاله أن يثبتك على الهدى والصلاح،كل إنسان منا يحتاج أن يقف مع نفسه وقفات ، ويصدق العزم حتى يبدأ جهاد نفسه الأمارة بالسوء واعلمي أن الله لا يخيب من دعاه ..يا كاميلا استغفري مولاك ولا تضعفي للشيطان الرجيم
قال تعالى : (( وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ )) [ غافر /60 ] ..
أختي كاميلا
أَكثري من الإستغفار .. يَقْرُبُ الفرج .
أكثري من الإستغفار .. فالله غفور .
أَكثري من الإستغفار .. فالله لن يُضيّعك
أَكثري من الإستغفار .. حتى تذهب عنك الوساوس والمخاوف
أَكثري من الإستغفار .. حتى يُسرع إليك اليسر مهرولا بعد العسر .

[naamane3]

شوفي يابنتي الانتحار ماشي حل
وانت ادرى بما يليه منى
اما حل مشكلتك هو كالتالي
عليك باذكار الصباح والمساء
ثم الزمي الاستغفار
وستتغير حالك من الاسوء الى الحسن الى الاحسن

[bonbon]

لو كان الانتحار حلااااا كما يعتقده اليابانيون

لانتحرنا جميعا و ارتحنا

اختي هل تظنين ان كل الناس عايشين هانيين؟

والله كل شخص عنده هموم لو تسمعيها تنساي همومك

مثلا انا كانت لي صديقة كانت تعيش حياة ملكية و الكل كان يحسدها لانها بنت عز من عائلة غنية جدا

و في يوم من الايام و هي في سن 21 سنة عرفت بأنها بنت لقيطة فعلا و ليس بالكلام فقط

تخيلي اختي و زادت كملت عليها بوفاة الام للي كانت مربيتها و في لحظة ضعف بسبب كل ما فات عليها غرر بها من طرف ولد حرام و حملت منه

يعني في بضعت شهور انقلبت حياتها راسا على عقب و خسرت كل شيء حتى دينها و علاقتها مع الله

عائلتها للي تبناتها طردتها بعد الفضيحة

اضطرت للزواج من اب الطفل و الآن هي متزوجة في احدى قرى الميلية بجيجل بعد ان تركت دراستها و هي التي كانت من المتفوقات

و حسب الاخبار التي تصلني فهي الآن تعيش عيشة الكلاب اكرمكم الله عندها 3 اولاد لا عائلة تستند اليها و لا زوج صالح تتكل عليه فهو لا يعمل ناهيك عن الفقر و المنطقة النائية التي تعيش فيها

رايتها في 2012 لم استطع تمالك نفسي فبكيت

تلك البنت الجميلة الراقية اصبحت كهلة فجأة تجر وراءها 3 اولاد عمر اكبرهما 5 سنين

عيناها تبكي في صمت و تتمنى لو ترجع بها الحياة الى لحظة قبل ان تكتشف الحقيقة


الواحد دائما يقول الحمدلله لانه لو كانت الدنيا تعطينا ما نحب لما كان الصبر مفتاحا للجنة

فاصبري اختي فان لم تعيشي دنياك كما تريدين فان شاءالله تعيشي آخرتك كما تحبين

[زهرة كل يوم]

اشكي همك لربي وادعيله

ربي يفرج عليك وعلى المومنين اجمعين

[ailemak]

آه يا لحبيبه آآآآآآآآه,شا نقولك,في هذه الدنيا فيها حكايات يشيب منها شعر الراس,كون تشوفي لحكايات برك في حصة عندي ما نقولك التونسية,مخك يحبس منهم,إذن شوفي هم الناس يهون عليك همك,أنا راني حاسة بيك حنونتي و ما نقولكش معليش و بلاك نتي ولا ........ إلخ لااااااا, لكن أقترح عليك حلين,سواء تبتعدي عند أحد الأقارب(حتما راكي تقولي والدي ما راهمش راضيين ,نروح عندالأقارب)لكن قلت ربما تكون هناك خالة أحن من أمكي
ثانيا;عجلي الزواج,و كما قلتي كيفاش يكونو معايا, normalement راكي vaccinée من داركم,يلى أهلك دارولك هكذا لي هوما مقربين إذن من المفروض يلى أهل زوجك دارولك نفس الشيء ما تتأثريش بزاف (إن شاء الله يكون عكس واشراني نقول,لأني قلت هكذا juste باش ما تتخوفيش من الزواج لأنك تتظنينأنه سيحصل لك نفس الشيء لا قدر الله,و في كل الأحوال ظلم الغريب أهون من القريب);
إن شاءالله ربي يفرج عليك قريبا,باتت هذه الظاهرة منتشرة في وقتنا,ألا وي جفاءالأهل,ربي يستر

[مياسم الصمت]

تعرفي يا كاميلا كون جاء الانتحار حلال
كون واحد ماسبقني ليه
كيما يقولوا تاع بكري
الهم في كل شعبة

واللي يشوف هم غيره ينسى همه
لكن كل واحد حاكم سره في قلبه يا كاميلا

الانسان لازمه غير الصبر في الدنيا هذي

ربي يفرج على كل مؤمن

وربي يفرحك ان شاء الله وتناساي همومك هاذي

[أم شروفة]

يا الله يالله.وش بيك هكذا حنونتي.اقسم لك الحياة جميلة تستاهل نعيشو كل ثانية.خلي شعارك في الحياة أنا و الطوفااااان لماذا تنظرين للمجتمع عيشي و استمتعي وقولي كاين وحدة تحبني وهي أم شروفة و الله أحبك حتى و أنا ما نعرفكش غير من كلامك الحزين.أكثري من الصلاة على النبي

[نورسين.داية]

السلام عليكم

كل إنسان يعيش العمر الدي كتبه الله عز وجل له ....و الأفضل هو إختيار الله عز وجل

و الإعتراض على القدر ..........لا يوصلك الى نهايات جميلة

نصيحة فقط إبحثي على صفحات اليوتوب عن حلقات كيف تتعامل مع الله لمشاري الخراز ...........و الله حلقات قمة في الروعة تتغير نظرتك للحياة بصفة جدرية

وفقكي الله عزيزتي

[الواثق]

الدنيا دار اختبار ........حتى افضل البشر ابتلاهم الله حتى زلزلو زلزالا شديدا
والله المستعان

[كلنا راحلون]

السلام عليكم
من ردود الاخوة لا اريد ولا اضافة فقط عندي سؤال اين هي الاخت كاميلا التي كانت تنصح الاخوة و تقول عليك بدعاء او عليكي بدعاء واستغفار فقط سؤال اذهبي الى مستشفى وشاهدي العجب العجاب ومع ذلك يقول المريض او المريضة الحمد لله و اتمنى ان ترجع الاخت كاميلا كما كانت في السابق وسلام

[لحن الحياة.]

كااااااااميلاااااا توحشنااااااااااك هاذييييي مووووووووووووووووووووووودة ماكيش تباني في قسم الكروشي
يكفيك احنا صحاباتك و خواتاتك شوفي الحياة من الجانب الايجابي حلوتيييييييييييييي
الحياة حلوة

[خولة لبابة]

فصبرا جميلا و الله المستعان,,,,,,,