مساوئ المجال العسكري؟؟؟؟؟؟؟؟ مساعدة

[حذاري بسكري]

خاوتي عندي معدل 14,7 مدولي صناعات بتروكيماوية ,..., أنا بانتلي نقاجي يعني راني نخمم ندخل المدرسة العليا للدرك الوطني ونخرج ضابط بعد ما نعقب عام في شرشال واش تنصحوني ؟؟؟؟ يعني ماهي مساوئ أن تصبح في الميدان العسكري؟

[زمان رتاب]

ببساطة ستبيع حريتك مقابل المال و مستقبل مضمون
شخصيا : أعتقد انك لن تكون سعيدا في المجال العسكري
*يبقى رأي شخصي

[hamzagolf6]

اخي ضابط في الدرك ماتقدرش تدخل بالباك
تددخل بليسانس او bac +2

[Ritaje El Amal]

الا راك مستعد باش تتخلى على حريتك وتخدم بشرف وضحي بكلشي قاجي بصح دير في بالك بلي مسؤلية كبيرة تستنى فيك وخاصتا لوكان يلوحك حرس حدود صراحة العسكر صعيب بزاف غلطة صغيرة تباصيك عمرك كامل نصيحة دير بيترو

[حذاري بسكري]

المشاركة الأصلية كتبت بواسطة hamzagolf6

اخي ضابط في الدرك ماتقدرش تدخل بالباك
تددخل بليسانس او bac +2

راك غالط أخي الضباط من 2013 صارت بالباك 12 و الفوق وتدي لا ليسونس في المدرسة العليا للدرك الوطني يسر

[حذاري بسكري]

المشاركة الأصلية كتبت بواسطة ritaje el amal

الا راك مستعد باش تتخلى على حريتك وتخدم بشرف وضحي بكلشي قاجي بصح دير في بالك بلي مسؤلية كبيرة تستنى فيك وخاصتا لوكان يلوحك حرس حدود صراحة العسكر صعيب بزاف غلطة صغيرة تباصيك عمرك كامل نصيحة دير بيترو

لكن الامر يتعلق بضابط يعني يحدم بيرو والله أعلم ع العموم شكرا على النصيجة ختي

[Ritaje El Amal]

علابالي بصح قادر ورقة ضبعلك ولا حاجة هك تحصل حصلة قد روحها هي خدمة نبيلة بزاف بل انبل من الطب ولاكن عمبالك تعب بزااااااااااااااااف ويقال انو العسكري كي يبات في القريطة يعس يكسب اخر شهر صيام ليلة واحدة برك شوف عند ربي واش جزاءها ولك الخيار وراني نحكي هكا على خاطر عشت مع الجدارمية 18 بابا كان جدارمي وتمرمد 25ans المهم زيد سقسي والاحسن سقسي اهل الميدان

[abdou zahoui]

نصيحة سجل في لمدرسة الوطنية التحضيرية لدراسات المهندس

[{Rim}]

السلآم
وأنا من رأي الأخ اللي قبلي
المدرسة التحضيرية لدرآسآت مهندس أحســـــــــــن

[mohamed se]

خويا دير عليا غير أخطيك من الكسكيطة غير إذا تحتمت
من ناحية الفلوس كاين مي الوقت مكانش
يعني صعيبة تفوت حياتك بعيد على الدار لا عيد لا مناسبات ولا أي شيء
ومربوط بتوقيت يعني غير ممكن تخرج تحوس وقت تحب ولا تعيش مع ولادك بالاضافة إلى الذل خخخخ ممكن حتى أزمات نفسية
وكي تمضي 25 سنة من المستحيلات تفسخ العقد
تحيا الحياة المدنية مكانش الي يتسلط عليك ولا يفرض عليك ديجا غير كي ترقد فداركم مع أهلك ولا تسهر مع صحابك الدنيا وومفيها

هذا كان رأي و إن شاء الله تأخذ قرار صائب >3

[حذاري بسكري]

merci khawa