انصحـــوني ارجوكم

[مشكلتي]

السلام عليكم ورحمة الله وبركاته
الله يحفظكم حبيتكم تعاونوني راني حايرة واش ندير راني 26 سنة ومادرت والو فحياتي لاقراية لاخدمة لازواج..خسرت الباك للمرة الثانية وماعرفتش واش ندير هاد العام مرة نقول نعاود الباك ومرة نقول ندير تكوين ومرة تبانلي ندخل نقرا فجامعة التكوين المتواصل صراحة مرات مانفهمش روحي واسم راني حابة وماعنديش هدف نمشي عليه وماعنديش لي يشجعني ولا ينصحني وخممت نطرح تساؤلي هنا بالاك شي واحد يفيدني ولا ينصحني
ادعولي ربي ييسر لي امري ويرزقني زوج صالح,

[خولة سكيكدة]

أختي أهم شيء في الحياة هو تحديد الهذف يعني لازم يكون عندك شيء تريدين فعلا تحقيقه امثلا لو كنت حصلت على البكالوريا ماذا كنت ستدرسين ؟؟؟ حاولي تعملي تكوين يكون قريب من المجال الذي كنت تحبين دراسته بالجامعة
او حاولي تتعلمي حرفة تحبينها ففي زمننا هذا الكل لازم تكون عندو صنعة في يدو سواء من كان يدرس في الجامعة او غيره
اختي الباك راهو مفتاح ولكنه ليس كل شيء فكم هم كثر الجهلة الي يقراو في الجامعة وكم هم كثر من يمشون بدون اهذاف المهم تحاولي تجدي الشيء الذي تحبينه وطوري روحك فيه والحمد لله المعاهد راهي كثيرة
وربي يوفقك اختي

[malikdz01]

اياك ان تعلقي مصيرك بالزواج لانه ليس بيدك.....انصحك تديري تكوين في احد معاهد التكوين المهني كاين تخصصات مطلوبة احسن من شهادات الجامعة ثم ان مناخ المعاهد جميل يشبه الثانوية ويعطوك منحة احسنس فقط اختيار التخصص

[seridz]

ننصح اختي ديري تكوين فالخياطة ادا كان عندك النفس الطويل و تصبري فيها الدراهم و حتى لوكان يجيو يخطبوك الخدمة نتاعك متشكلش مشكل لانك رايحة تخدمي فالدار و صدقيني فيها الدراهم الخياطة سيرتو ادا يدك كانت خفيفة و ان شاء الله ربي يرزقك بالزوج الصالح لانك باينة بنت فاميلية و تستاهلي

[بربرية و أفتخر]

اختي ما تربطيش حياتك العملية بالباك
لان الباكالوريا ماهيش كلشي
لي صديقة عاودت الباك زوج مرات و ماكتبلهاش ربي فيه
العام الثالث قررت تسجل في المعهد في تخصص محاسبة
و الحمج لله راهي من الأوائل في المعهد
مش معناها كي ماربحتيش الباك حبست الدنيا
و أي اختيار يعجبك صلي استخارة و الله ماتندمي
و الله ولي التوفيق

[AMINA.Z]

اكيد لازم تفكري في تعلم حرفة او اثنين او اكثر
عندك الاعلام الالي و الخياطة الحلاقة الطبخ و صنع الحلويات و مجالات اخرى
اتعلمي اللغات خاصة و ثقفي روحك من الانترنيت
على الاقل فكري كيفاه راح تربي ولادك لازم تكوني مسايرة لتطورات العصر و تعرفي كلش.
ان شاء الله يرزقك ربي الزوج الصالح

[pomaria_aindefla]

تسجل في جامعة التكوين المتواصل تدرس السنة التحضيؤية ثم تنجح و تنتقل بما كان يسمى الجامعة الليلة
و تواصل مسارها أو تتركها إذا كانت قد نجحت في البكالوريا حرة
و تستطيع التسجيل كمترشحة حرة تسجل في مديرية التربية لولايتك
ثم إذا لم تريد إعادة الباكلوريا عليك بالتسجيل في التكوين المهني أو في الشبه الطبي

[ManouraHilwa]

اللهم صل وسلم على سيدنا محمد

[mica nourh]

اذا عندك شهادة للثاثة ثانوي لتاع هاد العام سجلي في تاع الشبه طبي بدون باكالوريا اي مساعد ممرض و منه تضمني العمل ايضا و الله حاجة مليحة نعرف ناس عندهم باكالوريا و دارو مساعد ممرض و راهم يخدمو حتى القراية مشي بزاف عامين و راكي بمنصبك
...
الله يوفقك

[الجميلة انا]

صل ركعتين و قولي ربي اختر لي ما تراه خيرا لي و فوضي امرك الى الله

اولا عليك تحديد اهدافك كي تامني من الضياع فلا يوجد اي مركبة تقلع دون تحديد وجهتها

خذي ورقة و قلم دوني عليها حلمك و طموحك حددي اهدافك و اكتبيها في ورقة او مذكرة او اي شيء و اكتبي اهدافك بالترتيب

حسب الاولوية و اياك ثم اياك ان تعتمدي على شخص اخر في تلك الاهداف لا تربطي مصيرك باي احد كوني ذات شخصية قوية و

مستقلة بذاتها

سجلي بمهعد للتكوين المهني و احترفي مهنة حسب ميولك و اهتمامك ااو مثلما قالت الاخت سجلي بالشبه طبي واهم شيء واظبي على الحضور

اذا بامكانك الدراسة للباك و هذا طموحك فاعيدي الباك حرة

لا تهتمي لكلام اي احد

المهم ان تجهزي لنفسك مستقبلا

الورقة التي سجلتي عليها طموحك اجعلي فيها بعض الكلام المحفز و شاهديها كل يوم كل صباح ذكري نفسك بهدفك

ثقي ان الله معك و ثقي بنفسك

كوني انت الشخص الذي تحبين ان تريه دائما لانك الافضل

موفقة باذن الله تعالى

[Zahra 30]

اختي ديري حاجة لي تبغيها و تريحي فيها دخلي كاش معهد كاين تخصصات بزاف و ربي يعطيك سعد الهناء إن شاء الله

[~ دروب الخير ~]

سجلي في معهد و اقراي تخصص و انجحي فيه ،، تعلمي لغات ، تعلمي حرف و عمري وقتك بالعبادات

[محفوظ البسكري]

المشاركة الأصلية كتبت بواسطة مشكلتي

السلام عليكم ورحمة الله وبركاته
الله يحفظكم حبيتكم تعاونوني راني حايرة واش ندير راني 26 سنة ومادرت والو فحياتي لاقراية لاخدمة لازواج..خسرت الباك للمرة الثانية وماعرفتش واش ندير هاد العام مرة نقول نعاود الباك ومرة نقول ندير تكوين ومرة تبانلي ندخل نقرا فجامعة التكوين المتواصل صراحة مرات مانفهمش روحي واسم راني حابة وماعنديش هدف نمشي عليه وماعنديش لي يشجعني ولا ينصحني وخممت نطرح تساؤلي هنا بالاك شي واحد يفيدني ولا ينصحني
ادعولي ربي ييسر لي امري ويرزقني زوج صالح,

الله يسربك امورك ان شاء الله

بخصوص الباك عندي صديق اجتاز الباك 6 مرات متتالية وكلها رسب فيها لكنه بالعزيمة و الاصرار هذا العام نجح

[first first]

جميل مانصحك به الاخوة................لكن بالنسبة للخياطة انا نقولك ديرها ثانوية.يعني سجلي معهد او جامعة التكوين المتواصل او اعيدي الباك ....................اتي واش حبيتي..والخياطة ديرها اذا حبيتيها لكن لاتتفرغي الا لها .
وحطي في بالك اي شيء تتعلميه يفيدك.......................واقل شيء يفيدك به هو احساسك بان السنين لاتضيع هباءا
وربي يقفتح عليك ويزقك خيرا عضيما

[alyassin]

الوج الصالح ينبغي ان تبحثي عنه ............................الكنتدى مليئ برجال صالحين لم يجدوا الزوجات الصالحات ,,,,,,,,,انصحك بصلاة الجمعة في المسجد و التعرف على الاخوات الصالحات ربما يختارونك عروسا لاحدهم