وعلاه ديرو هكدا ........

[May-nour]

راني شفت كاين طلبة سورتو صحاب المعدلات 12 و 13 دارو في اختياراتهم 10 كامل مدارس عليا وطب .... في الاخير لقاو روحم في الطعون وزيد على هادا عطاوهم تخصصات ضعيفة وبمعدلات 10
انا تقولهم متقلقوش روحكم لي فيها الخير ربي يجيبها ...وربي يوفق هدي اولا
ثانيا / كان لازم تسقسيو قبل ماديرو الاختيارات وماشي تسقسيو مرة هادا مسقبل لازم تتاكدوا مليح قبل ما تحطوا
ثالثا / في فترة تحديد الاختيارات وتاكيدها شفت جماعة تقول ديرو كامل الاختيارات مدارس عليا يمدوهالكم انا نقول لهاد العباد ربي يهديهم متزيدوش تخلطوا برك راكم غير تهردوا في الغاشي

المدارس العليا والطب لازم تعرفوا بلي معدلاتها ديما طالعة من 14 للفوق وقليييييل مين تهبط ل 13 بفاصلة كبيرة ومنه لي عندهم معدلات 12 و 13 يديرو المدارس العليا معليه مي ماشي كامل الاختيارات مدارس وطب وانتم علابالكم بلي امل ضعيف على الاقل اختيار او 2 من الجامعة لي فيها تخصصات مليحة تاني

كما انو الطعون ماشي ساهلة بالعربية ميحبوش الطعون ويرميوكم برك مام معدلاتكم مليحة لانهم عطاوكم فرصتين تخمموا مليح فيهم..وزيد بعد التسجيلات ممكن الاماكن في الجامعات تخلص ومنه يبعثوكم لجامعات اخرى فيها اماكن وهي التخصصات لمعدلاتها 10 و 11

ان شاء الله نكون وضحت الفكرة باش تكون عبرة لي جايين موراكم