عاونوني

مشكلتي · 2012-05-23, 01:52

السلام عليكم ورحمة الله تعالى وبركاته أردت ان اطرح عليكم مشكلتي
انا ومجموعة من التلاميذ اللي يقراو معايا (ولاد وبنات ) نتواصلو بالانترنت ونقراو عادي بصح واحد فيهم يعرفوه والديا بدا يلمحلي بلي يحبني وكلش بصح انا مارانيش حابة نهدر معاه في هادلحوايج وكل مايبدا يهدر كيما هكا نبدا نتهرب ونقولو حبس فيغضب ويقولي انا ما رانيش نتمسخر وراني نحكي معاك صح فيقولي انت حشامة انا نقولو وي راني حشامة بزاااااااااااااااف
ومارانيش حابة نخسرو ومارانيش حابة ربي يغضب عليا ربي والله ضميري يؤنب فيا
واش ندير قولولي
الله يجازيكم كل خير

ترب الندى · 2012-05-23, 18:59

اذا يتقدم يطلبك بشكل رسمي و حاولي ان لا تفعلي ما يغضب الله او ان لا تكوني معه علآآآقه اي كان نقاؤها
صدقيني انت الخاسر الوحيد
ولا تتعلقي به
لا تسمحي له بالتأثير عليك
و اذا كان صح يقلقك انت على غنى ان تدرسي مع الذكور
و هنا تاتي حكمه اللله في منع الاختلاط
ربي يهديك و ينورك و يوفقك لما فيه خير لك

الدكتور سام · 2012-05-23, 19:14

الدئاب البشرية موجودة في كل مكان فاحدري يا اختاه

نجمة ساطعة · 2012-05-23, 19:16

تلاميذ ؟؟؟؟؟؟؟؟؟؟؟؟....

مسلمة انا · 2012-05-23, 19:36

صارحي احد والديك اهم شيئ لانه يبدو انكم مازلتو شوية صغار على هكذا امور

راجي رضوان الرحمان · 2012-05-23, 20:32

!!!!!!!!!!!!!!!!!!!!!!!!!!!!!!!!! بدون تعليق!!!!!!!!!!!!!!!!!!!!!!!!!!!!!!!!!!!!!
شوف ذاك الوقت وصلنا ليه !!!!!!!!!!! تقرا عن طريق النات !!!!!!! تقرا مع الذكور ، البنات خلاصو؟؟؟؟!!!!!!!! ماهيش حابة تخسرو ، وماهيش حابة تغضب ربي؟؟؟؟؟؟!!!!!!!!! تناقضات كبيرة ، فا نتظرو ا الساعة.

first first · 2012-05-23, 20:40

خلى راسك هاني من هاد لحوايج............وجل الماتهات كانت بداياتها بسيطة وزعمة بريئة واحاسيس طاهرة كالتي يصارحك بها زميلك التلميذ.................لم تحددي في اي مرحلة يدرس هذا التلميذ! ؟؟؟سوف افرض انه اكبر تلميذ ممكن!!!يعني في اللليسي وراح يعقب باك!!!! وهل راح يزوج هذا التلميذ حاليا .....من المستحيلات على مااضنن................يعني واش باغي ؟؟؟؟باغي يعيش قصة حب....تكونين عزيزتي بطلتها؟؟؟وانت ادرى بالحق والباطل.
براي اخسريه .......افضل ليك.................وعلاه غايضك تخسريه؟؟؟؟؟؟؟؟؟هل هو كنز!!!!!!
دوكة عقلك راهو في راسك غدوة يتبلوكا عقلك وتحلى لحكاية في راسك ......خاصة واك مراهقة......ماكيش ملاك ومعصومة من الخطا................والله الثقة في النفس في كل المجااات وكل المواقف مطلوبة..........في مثل هكذا مواقف .....احذري الثقة في نفس ............غبي من يثق بنفسه.....لان النفس اليوم قوية غدا ممكن تضعف.........ومن منا لايعلم ان النفس امارة بالسوء........والشيطان واش يدير؟

شوفي اختي ردي ربما يعتبر تفصيل للعنوان الذي وضعتك نجمة ساطعة.....لانو عجبني العنوان بزاف.
اتمنى ان فكرتي وصلتك وكانت واضحة وساطعة.
في الاخير بارك الله فيك وربي يكملك بعقلك وينجحك في مشوارك الدراسي وفي كل شيء.

نقصي الكلام والاحتكاك بالذكور ............والله قرينا دون الاحتكاك بهم ونجحنا ولباس.

abdel02 · 2012-05-23, 20:47

اقتباس:

المشاركة الأصلية كتبت بواسطة مشكلتي

السلام عليكم ورحمة الله تعالى وبركاته أردت ان اطرح عليكم مشكلتي
انا ومجموعة من التلاميذ اللي يقراو معايا (ولاد وبنات ) نتواصلو بالانترنت ونقراو عادي بصح واحد فيهم يعرفوه والديا بدا يلمحلي بلي يحبني وكلش بصح انا مارانيش حابة نهدر معاه في هادلحوايج وكل مايبدا يهدر كيما هكا نبدا نتهرب ونقولو حبس فيغضب ويقولي انا ما رانيش نتمسخر وراني نحكي معاك صح فيقولي انت حشامة انا نقولو وي راني حشامة بزاااااااااااااااف
ومارانيش حابة نخسرو ومارانيش حابة ربي يغضب عليا ربي والله ضميري يؤنب فيا
واش ندير قولولي
الله يجازيكم كل خير

اجعلتي غضب الله في مرتبة خسرانك لهذا الطفل....

lilou f lilou a · 2012-05-23, 20:59

ربي معاك اختي العزيزة وماتنسيش ربي تعالى

عبد العزيز البدري · 2012-05-23, 21:12

>وهل بناة نقرضو حتى تقرو مع مع ولاد وبناة
اخر زمن
اقاراي مع بناة وحدكم ومتدخلوش الاولاد معاكم هكا راكي في الحرام راكي مغضب ربي
توبي ولا حبسي هاد الطريقة اما بناة اوحدكم واما تحبسي

- بصمة خير - · 2012-05-23, 21:20

الحل

حبسي الاختلاط

و صحباتك يكونو غير بنات

اللهم صل و سلم و بارك على سيدنا محمد

~~ أغيلاس ~~ · 2012-05-24, 02:31

ما تزيديش تراجعي دروسك مع لولاد،،،،،،،، خليك مع لبنات برك .

و كيما يزعف خليه يخبط راسو معا الحيط، رضى الرحمان أولى من رضى هذا المراهق، خليك فتاة شريفة و محترمة .

ما زال ما تعرفيش كيفاش يفكرو لولاد،،،،،،،،،

الورود المنسية · 2012-05-24, 07:38

اذا يتقدم يطلبك بشكل رسمي و حاولي ان لا تفعلي ما يغضب الله او ان لا تكوني معه علآآآقه اي كان نقاؤها
صدقيني انت الخاسر الوحيد
ولا تتعلقي به
لا تسمحي له بالتأثير عليك
و اذا كان صح يقلقك انت على غنى ان تدرسي مع الذكور
و هنا تاتي حكمه اللله في منع الاختلاط
ربي يهديك و ينورك و يوفقك لما فيه خير لك

معجزة الاكوان · 2012-05-26, 02:08

ان ذاك الغضب الذي يفتعلونه وتلك الحشمة التي يتكلمون عنها
هي من بين ما اوقعو به عديد الفتيات تعتبر بالنسبة لهم اسلحة ناجعة
انها اشياء اعتدنا على رؤيتها (متجيكش جديدة)
الحاجة الثانية هو لم يحترم لا ابواك اللذان يعرفهما
ولا عزة نفسك التي منعتك من ارتكاب هاته العلاقات التي لامعنى لها
ان كنتما في سن يسمح بالارتباط فاليتقدم ولا اظن ان من يفعل ما قلته ينوي الحلال
وان مازلتما فاحفظي عليك اخلاقك وعزة نفسك وسمعة والديك
لان قدرك قادم لا محالة لا تستعجليه وتفسدي عفافك وطهرك مع شرذمة شاب
لتكوني الدرة النادرة في هذا الزمان