أقماع وكورنيات بعجينة البسكوي وحشوة الغاناش

[ام رحوقة]

الطريقة:
عجينة البسكوي
2بيضات..100غ سكر..100غ فرينة..فاني
بالخلاط اليدوي نخفق البيض والسكر حتى يذوب السكر ونضيف الفرينة والفاني.
نأخذ حوالي ربع الخليط ونظيفله القليل من الكاكاو ونحطو في قمع.
ندهن ورقة السيليكون الي نطيبو عليها أو ورق الزبدة مليح بالزيت ونحط ملعقة صغيرة من العجينةفي الوسط ونبسطها رقيقة باﻹصبع وندير خطوط دائرية بالعجينة الي فيها كاكاو بشكل حلزوني فوق الدائرة بهاذ الشكل




ندخلها الفرن المسخن مسبقا على درجة حرارة حوالي 150 ونبقى عند الفرن نراقبها خاطر ثم ثم تطيب لما نشوفها بدا لونها ذهبي فاتح نخرجها وننزعها بسرعة من الورق ونلفها على كورني او قصبة أو نقلبها على كاس مقلوب باش نتحصل على كوب
هاذ المرحلة ماقدرتش نصورها خاطر لازم نكورها ولا تنشف وتتكسر..ولازم نصبرو على السخانة تاعها ولا راح تيبس قبل لفها
ثان ملاحظة أول مرة نعملو غير بالحبة حتى نتعودو نخدمو بزوج و3 حبات



نجهز الغاناش: 100غ كرام فراش...100غ شوكولاتة سوداء مقطعة
نسخن الكريمة ونفرغها على الشوكولاتة حتى تذوب مع التحريك. نخليها بجهة حتى تبرد ثم نخلطها بالخلاط الكهربائي ونضيفلها حوالي 3ملاعق كبيرة زبدة طرية. ونضيف مكسرات مطحونة حسب الرغبة
عمرها في كيس حلواني ونمﻷ بها الحلوى من الداخل ونغطس الاطراف في الشوكولاتة وننزينها بالمكسرات المطحونة





يمكن تقديم المثلجات في الكورني أو الصحون.
ان شاء الله تعجبكم...وصحة وهنا

[حسيبة2010]

يعطيك الصحة خرجولك شابييييين ماشاء الله و شكرا على الوصفة

[ام عبد الله 22]

روعة الله يعطيك الصحة

[ام فيفي]

روعة تسلم الايادي

[أم محمد تاج]

الله يعطيك الصحة فكرة رووووعة رووووعة تسلمي

[scorpionoir]

هااااااااااااااااايل .بصح لوكان قلبتيهم على الوجه الاخر باش يبانو الخطوط

[ام رحوقة]

المشاركة الأصلية كتبت بواسطة scorpionoir

هااااااااااااااااايل .بصح لوكان قلبتيهم على الوجه الاخر باش يبانو الخطوط

لا اختي اللون الي من الداخل شوي مش شباب واصلهم هاكذا بلا مايبانو الخطوط بزاف لازم يبقاو يبانو خفاف واللون الذهبي الي من برا شباب اكثر

[tong2]

مــــاشاء الله عليك روعــــــة

شكرا على الوصفة الله يعطيـك الصــحة حــــبيـبة

[**وحدها غريبة **]

روعةيعطيك الصحة ام رحوقة

[ثلوج الشتاء]

روووووووووووعة