طلب مساعدة

~~nilly~~ · 2012-03-02, 20:51

سلام عليكم
واش راكم البنات.
حابة تعاونوني كيفاه ندير شخشوخة.
ياريت تقولولي المقادير ديالها وكذلك التحضير. شكرا مسبقا لكل من تود المساعدة.

janino · 2012-03-04, 11:02

اختى واش حابة بالتحديد طريقة عجينها و لا كيفاها تطيبيها و ان شاء الله كامل نعاونوك بشىء الى نفدرو عليه

سيرينا لبنينا · 2012-03-04, 12:23

اختي اليك طريقتي

المقادير :
للعجينة :

1 كيلو السميد الرفيع
ملح
ماء

التحضير :

اولا نحضر العجينة حتى نتركها ترتاح قليلا( ماتكونش جارية)

في قصعة كبيرة نضع السميد و نضع وسطه الملح والماء و نجمع العجينة شوي شوي حتى نحصثل على عجينة متماسكة و عندها نبدأ نعجن العجينة بالكفين و الاصابع و نعجن مدة 30 دقيقة كاملة حتى نحصل على عجينة ملساء و طرية( من العجن)

نقوم بعدها بتشكيل دوائر او كما نسميها قرصات صغيرة ونحللها رقيقة

نقوم بخبزها في طاجين الخاص بالكسرة( انا شخصيا نستعمل طاجين المطلوع باه تبقى رقيقة ماتتكمش) في الطياب مالزمش تحما مجدتنشف لثواني واقلبيها الجهة الثانية وديرها في علبة مقفلة باه جي ساهلة للتفتاة، و هناا لنا طريقتين للتفتيت اما باستعمال اظافرنا او بالمقص او السكين
نقوم بوضعها في مكان لتصبح يابسة . و هذه صورتها النهائية

هذ خدنتها في الصيف

المرق
كيلووو لحم غنم اودجاج قطع حسب الافراد+ حمص + ملعقة و نصف سمن+ بصلتين مفروومتين + 3 حبات طماطم مفررومة + ملعقة اكل طماطم مصبرة + ملح + فلفل اسود +كما لا ننسى الشخشوخة و نحدد مقدارها بالصحن الذي سنقوم بتقديمها فيه

نبدأ بتحضير المرق فنضع البصل و الطماطم و السمن و اللحم ليتقلى الخليط مع بعض
لما يذبل الخليط نمرق بعدها بماء + كمية الحمص
في هذا الوقت نأخد الشخشوخة و نضع فيها القليل من الزيت و نحكها بين ايدينا
ونحطها تفورفي اللكسكاس
بعد نزعهاا و هي ساخنة نضع لها الزبدة
بعد ذوبان الزبدة نسقي الشخشوخة بالقليل من المرق تقوم الشخشوخة بتشرب المرق نقوم بوضعها بوضعها فوق نار هادئة حتى يتبخر المرق جيدا

ريحان الجزائر · 2012-03-04, 22:38

السلام عليكم و رحمة الله و بركاته واش من شخشوخة أختي تاع البسكريين ؟

سيرينا لبنينا · 2012-03-13, 16:12

اقتباس:

المشاركة الأصلية كتبت بواسطة ريحان الجزائر

السلام عليكم و رحمة الله و بركاته واش من شخشوخة أختي تاع البسكريين ؟

لا لا أختي تاع السطايفية

تاع البسكرية واحد مايدرها كيما هما.

راهي وحدها في البنة.