مشكل مع فتاة

[مشكلتي]

السلام عليكم و رحمة الله وبركاته

انا شاب عمري 22 سنة ذات يوم ذهبت لزيارة زوجة ابي السابقة مريضة شفاها الله فوجدت ابنت اخوها فتاة رائعة اعجبتني كثيراا المهم انا رجعت للبيت في تلك الليلة و القعدت غير نخمم فيها و انا نعرفها الفتاة من قبل كانو يزونا اهلها في المناسبات انا عندي عامين ما شفتاهش هذاه البنت بصح كي شفتها هذا المرة قريب نهبل مانيش عارف ايا غدوا من دك نهار رجعت نزور بصح هذا المرة على جال باش نشوفها انا ما هدرتش معاها بزاف و هي تسكن بعيد شويا المهم سافرت لبلدها و اخي غير الشقيق هو اصغر مني قالي راني داير معاها علاقة انا من تمة هبلت صح و لحد الان وانا راني غير نخمم فيها حتى الخدمة ما عدتش نخدم مليح خسرت الكثير من الزبائن
انا كنت نتفرج للمسلسلات التركية والمكسيكية كنت نضحك كي يهدرو على الحب و الان انا من وقع في شباك لم اصدق نفسي لاني كنت نتجنب البنات حتى تعامل معهم كنت نتجنبو و ها انا لان الفريسة يا ترى ما هو الحل وشكراا

[/زهرة عصفور الجنة/]

الحل سهل وبسيط عليك باتباع الخطوات التالية.



1ـالإقلاع عن مشاهدة الآفلام التركية لأنها لا تصور الحب العفيف الطاهر إن كنت تبحث عنه فابحث في السيرة النبوية.
2ـالفتاة لا تصلح لك ما دامت على علاقة مع أخيك لذا عليك طي صفحتها.
3ـإهتم بعملك وأدعوا الله أن يرزقك ببنت الحلال

[السيدة كرمين]

اعجبني ردك منى واعلم جيدا اخي كاتب الموضوع أن الحب الذي يدعونه حب من طرف واحد لاوجود له هو وهم بل لا يتعدى الاعجاب
يوم ترتبط وتحب حليلتك ساعتها تعرف روعة الحب الحقيقي وتدرك أن ما شعرت به وهم وخيال من وحي تلك المسلسلات

الله يرزقك الزوجة الصالحة ويصلح بالك

[z.abdo]

بما أنها على علاقة بأخيك فيجب أن تنساها
كذالك يجب أن تهتم بعملك لأن هو الذي به ستكسب الرزق وتجيب شريكة حياتك
وكذالك يجب ان تكون وفي لزبائنك مش راح تبدلهم من أجل بنت عجباتك فهكذا لن تصبح تاجر ناجح بل فاشل
كذالك اشكرك لزيارة زوجة ابوك لأن قليل في هذا الزمان من يهتم بزوجة ابيه وأغلبهم يحكيلك قصص عن كرههم لها

[قضــــــــــــ وقدر ـــــــــــاء]

السلام عليكم
مادامت على علاقة مع أخيك لابد لك من الانسحاب ونسيان الأمر نهائيا
هذا لا يجوز في حق أخيك خاصة إذا كانت علاقته جدية معها
أقصد التفكير في الزواج بها
تأكد أن الله سيرزقك ببنت الحلال
فقط لاتهمل عملك
موفق إن شاء الله
سلام

[بنت البحر]

ياأخي غير انساها مادامت على علاقة بأخيك الأصغر حتى لا تقع في المشاكل مع خوك
ليس كل ما نظنه حب فهو حب
الحب الحقيقي يأتي بعد الزواج
انتبه لشغلك و توكل على الله
أكثر من قراءة القرآن الكريم
أسأل الله لك أن يرزقك الزوجة الصالحة

[issam touati]

بما أنها على علاقة بأخيك فيجب أن تنساها

[khaled mn djelfa]

يا خويا مكلاه تزيد تخمم فيها غير يوجعك راسك وربي يجيبلك بنت الحلال وتنسى هاذي البنت وربي يفتحلك ابواب السعادة ان شاء الله

[ياسمين92]

انا ما نضنش بلي هدا حب هدا مجرد اعجاب

[رزان.]

عليك الإهتمام بعملك لكسب رزقك
ابتعد عن الفتاة مادام هي على علاقة مع أخيك و تمنى له الخير ، أكثر من قراءة القرآن و الدعاء ليرزقك الله ببنت الحلال

أسأل الله أن يرزقك الزوجة الصالحة الطيبة آميــــن

[تهاليل]

غير انساها أخونا الفاضل خصوصا منين راها دايرة علاقة مع أخوك كيفاش ترضاها لروحك تزوج بصديقة أخوك ومنا وجاي كيفاش راح يشوفلها أخوك وزيد خطيك منها واهتم بعملك لأنو لو ديتها وبقيت تخمم فيها وهي على علاقة مع أخوك نقولك مركش ديوث الذي يغار على محارمه وربي يرزقك خير منها اللي تسعدك دنيا ودين واخرة

[nanou12]

أخطااااااااااااااك منها ما دام خوك سبقك ليها