ساعدوني لإعادة ترتيب بيتي الجديد

ام نسمة · 2012-01-29, 22:37

مرحبا انساتي سيداتي ربات البيوت الشاطرات يلا وروني همتكم وساعدوني حابة نعمل قائمة بمستلزمات البيت الجديد واريد افكار حيث الفكرة هي اني احاول قدر الامكان التخلص من الاثاث القديم وتجديده والخطة هي اكتب اسم كل غرفة على حدى واكتب جميع الاغراض التي احتاجها في تلك الغرفة ونشوف واش عندي اللي يصلح نقيده والي مايصلح او قديم نحطو على جنب حتى نتصرف فيه المهم كاين غرفتي انا وزوجي وكاين غرفة الدراري عندي زوج وليدات دكور ربي يخليهم لي وعندي غرفة الجلوس والصالون وجدت فكرة هي انو الشقة فيها بلاصة بلاكار في غرفتين ملتصقتين قمت بازالة الحيط الفاصل بينهما وبنيت عادي كاني راح نعمل بلاكار من الجهتين وعملت باب صغير ورجعت عندي غرفة صغيرةاو ديبارة كما نقولو احنا راها تنفع اتلم لي كامل لفراش يلا قولو لي كل غرفة واش لازم يكون فيها لتبقى مرتبة وانيقة

ام نسمة · 2012-01-30, 09:51

خلاص زعفتوني 20 مشاهدة ولا رد دائما الاحظ ان مواضيعي مهمشة في هدا المنتدى وعلاش لو كان ماجات عندي فيكم ثقة مانقصدكمش كامل

فرح العمر · 2012-01-30, 12:56

اختى العزيزة ما تزعفيش اناعندى بعض الافكار نمدهالك و ياربى تعجبك فى غرفة الاطفال حطى 2 سرير لاطفالك ربى يحفضهملك كل واحد حطيلو فوقو فراشو و خزانة حجم متوسط تكون بجيهتين كل واحد ديريلو قشو فى جهة و مكتب يقراو عليه و كذلك تلفاز صغير و هكذا راح يلقاو كل شىء متوفر فى غرفتهم و مش راح يقلقوك بزاف

الحمد لله ان الافكار عجباتك اما بالنسبة للاسرة فهذا راجع لحجم الغرفة اذا كانت صغيرة اشرى السوبار بوزى مع انى نكرهم و اذا كانت الغرفة كبيرة اشرى سرة تاع اللوح و اشريلهم كوات يكونو باهيين و اما الخزانة بماانها موجودة فلا داعى انك تشرى حاولى فقط ان تكون الوان السرة و الخزانة متناسقة و تابل دو نوى فكرة مليحة و يمكن ايضا انك تشريلهم زربية صغيرة و اما الالعاب فاختارى حسب السن و كاين واحد السلات spécialement تاع الالعاب و راح يكون ساهل عليك تجمعيهم لما يكملو اللعب

اختى عن قريب راح نصورلك الصالون تاعى كيما راكى تحكى مافيهش حوايج بزاف و لكن مختارة بعناية انا الصالون تاعى كبير لهذا جهة حطيت فيهاكنابيات لوح و بيبليوتاك صنع اندنيسيا و تابلة تاع لوح ايضا صنع اندنيسيا و 4 فاز كبار مع ورد كبير و كاش ريدو فيه 3 امتار و الكل تقريبا نفس اللون و البيبليوتاك حطيت فيها des garnitures و ما كثرتش باه ما يروحش le charme تاعها و اما الجهة الثانيه تاع الصالون حطيت فيها فوتايات سومى كوير و بارليوز نفس لون الاثاث الاول و تابلة تاع زجاج كبيرة اما الزرابى انا عندى تابى دور و لكن خبيتهم كامل و عاودت شريت زرابا تاع تركيا واهم باهيين و خفاف و ما يهزوش الغبرة و يتنضفو بسهولة تامة هذى هى الصالة تاعى و شوفى انت واش يساعدك

ام نسمة · 2012-01-30, 13:55

اقتباس:

المشاركة الأصلية كتبت بواسطة فرح العمر

اختى العزيزة ما تزعفيش اناعندى بعض الافكار نمدهالك و ياربى تعجبك فى غرفة الاطفال حطى 2 سرير لاطفالك ربى يحفضهملك كل واحد حطيلو فوقو فراشو و خزانة حجم متوسط تكون بجيهتين كل واحد ديريلو قشو فى جهة و مكتب يقراو عليه و كذلك تلفاز صغير و هكذا راح يلقاو كل شىء متوفر فى غرفتهم و مش راح يقلقوك بزاف

شكرا غاليتي على المشاركة ما اقترحته كان جميلا بالنسبة للاسرة لم اشتري بعد بما تنصحيني هل اضع اسرة من اللوح كل واحد بلاصتو والا السيبار بوزي تاع الحديد والخزانة عندي وحدة تاع وليدي الاول كبيرة فيها زوج جوايه هل اشتري اخرى للثاني ام واحدة تكفي بالنسبة للمكتب مازالو صغار بزاف على الدراسة وثاني واش رايك الالعاب نشري لهم هادوك الادراج تاوع البلاستيك راهم اشكال الوان في السوق ام ان هناك فكرة اخرى واخيرا هل اضع لهم تسريحة فقط ام استغني عنها واضع لكل واحد فيهم تابل دو نوي

ام نسمة · 2012-01-30, 21:35

اقتباس:

المشاركة الأصلية كتبت بواسطة فرح العمر

الحمد لله ان الافكار عجباتك اما بالنسبة للاسرة فهذا راجع لحجم الغرفة اذا كانت صغيرة اشرى السوبار بوزى مع انى نكرهم و اذا كانت الغرفة كبيرة اشرى سرة تاع اللوح و اشريلهم كوات يكونو باهيين و اما الخزانة بماانها موجودة فلا داعى انك تشرى حاولى فقط ان تكون الوان السرة و الخزانة متناسقة و تابل دو نوى فكرة مليحة و يمكن ايضا انك تشريلهم زربية صغيرة و اما الالعاب فاختارى حسب السن و كاين واحد السلات spécialement تاع الالعاب و راح يكون ساهل عليك تجمعيهم لما يكملو اللعب

شكرا حنونتي على المساعدة ومشاء الله عندك افكار بالنسبة للستار هل اضع واحد عادي او مزكرش خاص بالاطفال وثاني ماهي الالوان التي تقتريحينها لطلاء جدران الغرفة

فرح العمر · 2012-01-31, 08:51

اقتباس:

المشاركة الأصلية كتبت بواسطة زهورالفل

شكرا حنونتي على المساعدة ومشاء الله عندك افكار بالنسبة للستار هل اضع واحد عادي او مزكرش خاص بالاطفال وثاني ماهي الالوان التي تقتريحينها لطلاء جدران الغرفة

حبيبتى انا سعيدة انى نتشارك معاك الافكار اما بالنسبة للصبغة اقترح ان يكون اللون بارد و لكن تقدرى تزينى الجدران بles cadre سواء تاع اطفالك او رسومات للشخصيات الكرتونية اللى حبوها اما بالنسبة للزربية كاين زرابا تاع الاطفال باهيين اذا تقدرى تشرى و كاين حتى لى بوف يقعدو عليهم و عندهم اشكال ملاح تحطيهم فى الغرفة تقدرى ايضا تحطيلهم اوراق و دوات الرسم باش تشغليلهم وقتهم بشىء مفيد

ام نسمة · 2012-01-31, 10:45

اقتباس:

المشاركة الأصلية كتبت بواسطة فرح العمر

حبيبتى انا سعيدة انى نتشارك معاك الافكار اما بالنسبة للصبغة اقترح ان يكون اللون بارد و لكن تقدرى تزينى الجدران بles cadre سواء تاع اطفالك او رسومات للشخصيات الكرتونية اللى حبوها اما بالنسبة للزربية كاين زرابا تاع الاطفال باهيين اذا تقدرى تشرى و كاين حتى لى بوف يقعدو عليهم و عندهم اشكال ملاح تحطيهم فى الغرفة تقدرى ايضا تحطيلهم اوراق و دوات الرسم باش تشغليلهم وقتهم بشىء مفيد

شكراعزيزتي على مشاركتك الطيبة مارئيك ننتقل للصالون عندي تفريشة صالون ماروكان هي الجديدة مازال قاع ما فرشتهاش ولا مرة لكن المودال قديم شوية خيطتها عندي بلاك 3سنين المهم في رايك نشري صالون فوتاي للصالة والقديم انفرشو في بيت الجلوس والا نستعمل الاول فقط وعن الاكسسوارات انا اصبحت انحب شيئ قليل لكن فخم عوضا عن كثرة الاغراض بلا فائدة انفضل التلفزيون يتعلق في الحيط شاشة بلازما واقتني ثلاثة او اربع قطع بالكثير ديال اكسسوارات من الكرستال الحر وفيوس يكون كبير في الكوان وانت واش تقتارحي عليا بالنسبة للزربية واش رايك في تابي دور انا معلاباليش واش جديدهم شاقي ولا سبليم

فرح العمر · 2012-01-31, 20:02

اقتباس:

المشاركة الأصلية كتبت بواسطة زهورالفل

شكرا من اعماق قلبي على الاهتمام وربي ان شاء الله يقبل دعوتك الحلوة مثلك يا عسل ودورك ما تعاوننيش انخمل داري شوية راني صايبة غير اختي فرحة العمر راها مساعدتني عندها افكار هايلة وباينة دوقها كلاس

شكرا اختى على كلامك الطيب انا نفرح بزاف كى نساعد اى واحد و المساعد ربى سبحانه

انيس2006 · 2012-01-31, 20:55

اكيد راني حابة نساعدك و راح نعطيك واحد الموقع ان شاء الله راح تستفيدي منه بزاف

https://www.seedecor.net/home/gallery.html