هذا هو سبب سلوكي الطريق السري (( الخطة))

thorpe · 2011-07-05, 16:03

السلام عليكم ورحمة الله تعالى وبركاته

اليوم يا اخوتي موضوع جد حساس بالنسبة الي وانا شخصيا اعتبره مشكل العصر الخاص بي ههه

وهو ظاهرة تربية الكلاب التي شهدتها الجزائر عامة والاحياء الشعبية خاصة

دون اطالة اليكم ابسط مثال وخير دليل وهو من واقعي المعاش

ههه لا تقلقوا اخوتي هاته الصورة عبارة عن خطة ناجحة نسبيا في الهروب من شراسة هاته الكلاب

سوف اوضح الخطة

بالنسبة للدوائر الحمراء هي المناطق التي ينتشر فيها الخطر (( الكلاب ))

بالنسبة للمربعات الزرقاء فهما المقران اللذان اتنقل بينهما بشكل كبير ومستمر خاصة في الليل (( بيتنا وبيت اخي الاكبر ))

بالنسبة للاسهم الوردية والصفراء هو الطريق الذي دائما اسلكه لتفادي هذا الكابوس الحقيقي

اما بالنسبة للسهم الازرق الفاتح هو الطريق الذي من المفروض ان اسلكه وهو الاقرب والافضل

ومن هنا اخوتي ناتي الى موضوعنا

لماذا اسلك كل هاته المسافة للتنقل بين البيتين مع اني استطيع سلوك طريق اقرب واسرع

طبعا الاجابة هي تواجد خطر الكلاب التي يربيها اصحابها ثم يتروكنها لمهاجمة المواطن ولا اعرف لما ؟

المشكل يا اخوتي ان اغلب من يمتلك هاته الكلاب هم من الاشخاص المستعدين لدخول السجن ولاي مشكل

فكرت كثيرا في قتل كلابهم بلحم مسموم (( الرهج نتاع الفيران )) لكن بعدها قلت ما ذنب الحيوان المسكين ؟؟

كما اني قد اخبرت احد العاملين في السلطات الخاصة بقتل الكلاب الضالة فاخبرني انه لا يمكن قتل كلب يملكه صاحبه

للعلم ايضا ان صديقي تعرض للعض من طرف 2 من الكلاب الشرسة بعبوره الطريق المختصر واشتكى الى الشرطة لكن لم نشهد اي تطور بل ان عدد المربين قد زاد وانا افكر لو ان الطريق السري الذي اسلكه قد يتم اكتشافه من طرف بعض المربين هههه

فما هو الحل اخوتي والله انه مشكل اعاني منه انا وكثير من ابناء الحي مثلي

نروح نشتكي بجاري ونربح عيبو مع ان صديقي قد تعرض للعض ولم تحرك السلطات ساكنة ؟؟؟؟

هل انتظر الى ان يعضني احد الكلاب الشرسة بعدها اعلن الحرب ؟؟؟؟

هل اقتل الكلاب التي تسد الطريق المختصر وادخل في اشتبكات وشجارات مع اصحابها انا في غنا عنها ؟؟؟؟؟

او اني اتحمل تعب الطريق الطويل كل يوم بين البيتين ؟؟؟؟؟

لو انك مكاني ( اخي و اختي ) ماذا كنت لتفعل ؟؟؟؟

ما رايكم في هاته الظاهرة ؟؟؟؟

للعلم اخوتي نوعية الكلاب المتواجدة هي

الروت وايلر

البيت بول

كلب الرعي الالماني (( البارجي ))

وفصائل اخرى هجينة

هههه يعني ماكانش اللعب كون يحكمني راحلي اللحم الي جمعتو في 3 ولا 4 اعياد اضحى ههههه

ارجو ان القى استجابة وحلول منطقية باقل قدر ممكن من الخسائر

اخوكم حسين thorpe

نور على نور · 2011-07-05, 16:09

السلام عليكم

(شوكوتني خويا حسين حسبتك راح تقصف اسرائيل بالخطة الجهنمية.هههه)

للاسف صح هي ظاهرة انتشرت بصفة كبيرة جدا

للاسف احيانا نضطر للتغيير الطريق...خاصة نحن البنات... وناخذ طريق اطول

ربي يهدي اخي الكريم

الله كارثة مانحن فيه

سلام

شهد حنان · 2011-07-05, 16:09

اولا لقد اضحكتني كثيرا عبارة الطريق السري
ثانيا بما ان الكلاب لاصحابها وهي كلاب تربية يعني يربيها صاحبها خصيصا فلما تقوم بمهاجمة المارة
بالنسبة الذي اراه حسب وجهة نظري بما ان هؤولاء الاشخاص هم من الجيران فلما لا يجتمع مجموعة من الجيران ومحاورة اصحاب هذه الكلاب بالحسنى
ثالثا راهم قريب يكتشفو الطريق السري فماذا ستفعل

مصرية من الجزائر · 2011-07-05, 16:16

زمان وأنا صغيرة كان جارنا العزيز
يربي كلبة ...هي وأولادها..

لم يكن مكتفي بها فقط...
ولكن ماذا نفعل...
لكي نصل لنهاية الطريق تبدأ المشكلة نخاف من الكلاب...
طبعاا في بداية الأمر عندما أري هذه الكلبة المتوحشة
أطير

أجري يعني

وبعدها اكتشفت بأن هناك شيء في الكلبة تجعلها تشعر
من يخاف منها...إذا جري ..
أم من يتحرك بشكل طبيعي لا تمسه
ومن يجري تجري وراؤه
عملت فيها بطلة

...كنت بمشي بحذر مع استعدادي للجري أكيد
ولم تكن تقترب مني....
أم لو هي متوحشة جداا ...أطلب منه أن يقيدها طالما هي...
ممكن أن تهجم
ولكن أظن بأن الكلاب تهجم ع الإنسان عندما يخاف منها
غير ذلك ...لا تقترب منه...
فإن كان الأمر غير كذلك..كيف إذا لا تأكل صاحبها..!!
وطبعا هناك طريقة آخري
أن تستحمل كلبة السو أم أن تموت أو تموت

ويجي الفرج من عند ربنا

كمال الاسلام · 2011-07-05, 16:20

دولت القانون تبدا في صفوف الشرطة

شعارالشرطة في يوم زعم انه يوم الاستقلال

طفل ميقدرش يروح لدار خوه كي الناس

ويوقلوا الاحتفال 49 للاستقلال
ويهدرو على القانون ودولة القانون

رغم اني منخافش بزاف لكلاب

لكن لو كنت مكانك لقتلت الكلاب بالسم كما قولت

والله لن اشعر باي ذنب

روح قتل ومتخافش

لان كثير من العباد مرجعتش تفهم

وهما رجعو المدينةوالحي غابة

اذن هم يعترفون فقط بقانون الغابة

وصراع البقاء

لايعترفون بحق الجار والاخلاق والاحترام

فقتل المفترس هو من قانون الغابة

اقتل واذا معندكش نعونك

ربي يكون معاك

امير19 · 2011-07-05, 16:25

نكره الجد الاول نتاع الكلاب بمختلف الانواع .....ياو حتى الكانيش نكرهو......نخاف من داء الكلب ومن التعرض للتشوه والنهش .....كاين ناس في فرنسا وامريكا فقدت وجوهها اثر نهش الكلاب لها...........وانا نعرف شخص شاب مات متاثراا بداء الكلب.......................نحب القطط....والببغاوات...

رُقية · 2011-07-05, 16:26

والله يا اخي انت حقا تعاني اقترح عليك الطريق الطويل لكي تتجنب الخطر والله ضحكتني هههههههه هاد المشكل gاع رانا نعانو منه

نظام الفوضى · 2011-07-05, 16:27

وعليكم السلام ورحمة الله وبركاته

الله يبارك ماشاء الله عليك

راك وليت تخطط

علابالك يعجبوني الناس اللي

يديروا التكيتيكات

ممبعد خليلي الرقم نتاعك في البيرو

نتافقوا على خطة صحيحة للمشكل نتاعك ونتاع

غالبيتهم

من بين الحلول:
1-تقيدم شكوى لمصالح الأمن

2- روح اهدر مع جارك وبالعقلية ولا اذا كان من ذوك الناس اللي دايرين كيما هكذا

وميفهوموش

روح بلغ ومتخافش على خاطر يشوفوا لروحهم برك

ممبعد بلاك نرجع

imi02i · 2011-07-05, 16:39

إلا الكلاب
نمووووووووت وما نشوفش كلب قدام عيني
لكن للأسف :
دائما أراها في المنام تنهش لحمي

thorpe · 2011-07-05, 16:40

اقتباس:

المشاركة الأصلية كتبت بواسطة نور على نور

السلام عليكم

(شوكوتني خويا حسين حسبتك راح تقصف اسرائيل بالخطة الجهنمية.هههه)

للاسف صح هي ظاهرة انتشرت بصفة كبيرة جدا

للاسف احيانا نضطر للتغيير الطريق...خاصة نحن البنات... وناخذ طريق اطول

ربي يهدي اخي الكريم

الله كارثة مانحن فيه

سلام

وعليكم السلام والرحمة والبركة
اهلا بك اخت نور على نور
هههه اسرائيل الخطة نتاع قصفها ياو ساهلة على هاذي ههههه
والله اعاني يا اختي صح سورتو فاليل
ايه يا اختي والله غيرنا الطريق تفاديا للمشاكل وللكلاب
يعني كون يعضني راني ما نسكتش وندير مشكل
عليها بدلت الطريق
لكن تعبت والله بزاف

بارك الله فيك وارجو ان تدرسي الخطة جيدا لربما تجدي لنا حل امثل لا تكوني فيه خسائر

thorpe · 2011-07-05, 16:44

اقتباس:

المشاركة الأصلية كتبت بواسطة شهد حنان

اولا لقد اضحكتني كثيرا عبارة الطريق السري
ثانيا بما ان الكلاب لاصحابها وهي كلاب تربية يعني يربيها صاحبها خصيصا فلما تقوم بمهاجمة المارة
بالنسبة الذي اراه حسب وجهة نظري بما ان هؤولاء الاشخاص هم من الجيران فلما لا يجتمع مجموعة من الجيران ومحاورة اصحاب هذه الكلاب بالحسنى
ثالثا راهم قريب يكتشفو الطريق السري فماذا ستفعل

هههه ردي بالك تخرج الخطة انه الطريق السري هههههه
اختي نقولك
ياو المقولة الشهيرة تقول عندنا تخطي راسي
تعرفي علاش؟
لانو بعض من مربي هاته الكلاب الشرسة من الناس الخارجين عن القانون يعني الجيران كون تقولو هيا نجتامعو ونديرو حل يقولك يا خويا راه انسان ما يخافش ربي وزيد راهم اشتكاو بيهم وما دارو والو
الله اعلم بخصوص هذا الامر انا نعرف حاجة وحدة كون يعضني كلب انا ثاني نولي خارج عن القانون

هههه لالا ما تخافيش اختي ما يكتاشفوش الطريق السري الا اذا كان هناك من افشى خطتي هههه

كمال الاسلام · 2011-07-05, 16:45

في احدى الفترات

كنت اتراجع عن صلاة الفجر في المسجد

الا بسبب كلب جارنا

في صبح يخليه مطلوق

تبا لهم ولي كلابهم

thorpe · 2011-07-05, 16:47

اقتباس:

المشاركة الأصلية كتبت بواسطة مصرية من الجزائر

زمان وأنا صغيرة كان جارنا العزيز
يربي كلبة ...هي وأولادها..:d
لم يكن مكتفي بها فقط...
ولكن ماذا نفعل...
لكي نصل لنهاية الطريق تبدأ المشكلة نخاف من الكلاب...
طبعاا في بداية الأمر عندما أري هذه الكلبة المتوحشة
أطير

أجري يعني:d
وبعدها اكتشفت بأن هناك شيء في الكلبة تجعلها تشعر
من يخاف منها...إذا جري ..
أم من يتحرك بشكل طبيعي لا تمسه
ومن يجري تجري وراؤه
عملت فيها بطلة

...كنت بمشي بحذر مع استعدادي للجري أكيد
ولم تكن تقترب مني....
أم لو هي متوحشة جداا ...أطلب منه أن يقيدها طالما هي...
ممكن أن تهجم
ولكن أظن بأن الكلاب تهجم ع الإنسان عندما يخاف منها
غير ذلك ...لا تقترب منه...
فإن كان الأمر غير كذلك..كيف إذا لا تأكل صاحبها..!!
وطبعا هناك طريقة آخري
أن تستحمل كلبة السو أم أن تموت أو تموت

ويجي الفرج من عند ربنا

ههههه حتى انت يا اختي ياسمين تعرضتي لهاته المواقف
نقولك اختي
اعرف هاته المعلومات واعرف معلومات اكثر عن الكلاب
يقال ان الكلب اذا نظرت في عينيه نظرة غضب دون ان تتحرك سيخاف
لمن ما نكذبش عليك لست مستعد للتجربة
لان نوعية الكلاب المتواجدة ليست بالعادية
فصديقي تعرض للعض والنهش وهو لم يبالي بهم كان عائدا من صلاة العشاء
ههه مانيش حاب نخاكر بعضو من اعضائي ههه ننتظر التعزيزات البشرية تاتينا من مصر هههه بالظبط من عند الاخت ياسمين

thorpe · 2011-07-05, 16:51

اقتباس:

المشاركة الأصلية كتبت بواسطة كمال المشتاق للجنان

دولت القانون تبدا في صفوف الشرطة

شعارالشرطة في يوم زعم انه يوم الاستقلال

طفل ميقدرش يروح لدار خوه كي الناس

ويوقلوا الاحتفال 49 للاستقلال
ويهدرو على القانون ودولة القانون

رغم اني منخافش بزاف لكلاب

لكن لو كنت مكانك لقتلت الكلاب بالسم كما قولت

والله لن اشعر باي ذنب

روح قتل ومتخافش

لان كثير من العباد مرجعتش تفهم

وهما رجعو المدينةوالحي غابة

فالقتل المفترس هو من قانون الغابة

ربي يكون معاك

اهلا بالاخ كمال

اخي الحبيب راني فكرت في هاد الحل
لكن هذا الحل سياتي بنتائج غير مرغوبة
لو قمت بقتل الكلب سوف اقع في اشتباك مع صاحبه وكما سبق الذكر انه اصحاب هات الكلاب اناس مستعدون للمشاكل
وما نكذبش عليك يا خويا انا لست انظر لنفسي قادر على عشرة كيما هوما لكن راني نشوف لامي المريضة فلو حدثت حرب اكيد ستكون العواقب وخيمة وتاكد انو لوكان تصرا حاجا لامي راني نولي مجرم بلا اي مبادئ
عليها احببت التفادي والتعب
لكن والله تعبني الطريق الطويل ههههه
نرجو من الاخ البحث عن حل اخر

thorpe · 2011-07-05, 16:53

اقتباس:

المشاركة الأصلية كتبت بواسطة امير19

نكره الجد الاول نتاع الكلاب بمختلف الانواع .....ياو حتى الكانيش نكرهو......نخاف من داء الكلب ومن التعرض للتشوه والنهش .....كاين ناس في فرنسا وامريكا فقدت وجوهها اثر نهش الكلاب لها...........وانا نعرف شخص شاب مات متاثراا بداء الكلب.......................نحب القطط....والببغاوات...

ههههه والله ضحكتني يا خويا امير
علاش انت تعرف الجد الاول نتاع الكلاب ؟ هههههههه اضحك الله سنك
ماعليش خويا ماعليش رايح نلقاو خطة اكثر نجاعة وباقل قدر ممكن من الخسائر
ههه فقط ابق متابع للموضوع