حنا شعب نشتيو القوة، باه نتريgلاو ...

ولد حمد الباتني · 2011-05-20, 11:43

السلام عليكم ورحمة الله وبركاته
واش راكم خاوتي لاباس بخير الحمد لله ...

ياخاوتي حاجة الصح نقولوها ونعرفوها كامل، حنا القوة هيا ألي تنظمنا وفقط
لا لائحات لا هدرات لا شعارات لاوالو ...
أيا حالتي كي حالت ليجان الجزائريين كامل عندي مشكل مع العسكر ولاكارت جون ههههه
أيا رحت واحد اليوم للثكنة العسكرية مكتب التجنيد والخدمة الوطنية (المنصورة قسنطينة) نفري واحد الأمور لثم ...
أيا دخلت المهم دخلونا لواحد لبلاصة ونستناو كل واحد يستنى الدالة تاعو ..
واش نقلكم والله ياخاوتي كامل قاعدين وحاكمين كراسة وتحريكة ماكانش هههههه
وكل مرة يجي عسكري يعيط فلان فلان فلان واحد ورا واحد ههههه
واش عجبتني هذي واحد ورا واحد خليتها في الإبتدائي هههه
وواحد مايريكلامي ولا يهدر ولا يتحرك ولا يوقف
نظام تاع عسكر راكم علابالكم ...
لثم تفكرت البلديات تاع الشعب مساكن، اف هذيك الفوضى
كامل واقفين وكامل يريكلاميو أكرمكم الله السب الشتم الفوضى الدخان
العساس مسكين ياجماعة اقعدو ذرك تفوتو كامل وكامل يعيطو عليكم، وهوما واحد ما يسمعلو المهم كاريثة كبيرة وراكم شفتو البلديات كيفاش مدايرين ...
لثم قلت حنا شعب نتنظمو بالقوة برك ...
ولحديث قيالس ....

نظام الفوضى · 2011-05-20, 11:47

موضوع اجتماعي جميل اخي

لكن اظن ساع افوله اقتربت

لأنه: وجب عليك كتابة الموضوع والعنوان باللغة العربية

تقبل مروري اخي

ولد حمد الباتني · 2011-05-20, 12:00

شكرا اخي ولكن يغير العنوان وتبدل الكلمة ب " نتنظمو" وفقط ولما الغلق ؟؟؟

نظام الفوضى · 2011-05-20, 12:04

اقتباس:

المشاركة الأصلية كتبت بواسطة ماكانش

شكرا اخي ولكن يغير العنوان وتبدل الكلمة ب " نتنظمو" وفقط ولما الغلق ؟؟؟

اخي الكريم مكانش

للعلم فقط أن من قانون المنتدى في هذا القسم

لا يسمح بكتابة المواضيع بغير العربية يعني اي موضوع مكتوب باللهجة العامية يغلق

ويسمح بالرد باللهجة عادي

فهمتني؟؟

سوف اتيتك بنص القانون

حنين الاشواق · 2011-05-20, 12:13

موضوع اجتماعي رائع اخي.............................

لا تعليقققق

نعمة القدوس · 2011-05-20, 12:17

والله عندك الحق أخي {مـآكانش} ،،
شكرآ ع الموضوع ،،
بــــــــــــــآرك الله فيك ،،

ولد حمد الباتني · 2011-05-20, 12:20

خلاص فهمت
أغلقوه او احذفوه افعلو ما تشاؤو ...
بارك الله فيكم

ع.جمال · 2011-05-20, 12:22

السلام عليكم.
حيث أن منتديات الجلفة لكل الجزائريين والعرب تعتمد اللغة العربية الفصحى لغة التخاطب الرئيسية في المواضيع و العناوين ، تمنع كتابة المواضيع بالدارجة وتستثنى الأقسام الخاصة باللغات الأجنبية أو اللهجات و الثقافات المحلية ...