مبسس بالاعشاب من مطبخي

sarah022 · 2013-02-15, 23:22

[https://im32.gulfup.com/ad9og.jpghttp...d9og.jpgالسلام عليكم كيراكم نتمنى تكونو كامل غايا كيما يقولو الجديد حبو و القديم لا تفرط فيه عليها جبتلكم مبسس بالاعشاب كانو يعملوه زمان و نقدرو نعتبروه دواء ايضاو اناو العايلة نموتو عليه حتى الاطفال والفو ياكلوه بالعسل المهم نخليكم مع المقادير و الطريقة ونتمنى يعجيكم و مين تجربوه تعرفو البنة الي فيه على بركة الله نبدو نحضرو مبسس عادي يعني ناخدو تلاتة كيلات سميد متوسط مع كيلة زبدة دايبة ولا كيلة زبدة و زيت كيما تحبو و شويا ملح نحكوحم مليح بكف اليد و نخلوهم على جيهة نروحو للاعشاب و هما عشبة الفليو و عشبة تيمرسات كيما راكم تشوفو في الصور شري من كل عشبة قيس 30دج و نحي غير الاوراق فقط فقط الاوراق و نغسلوهم مليييييييييييييح و نفرزوهم غايا و نحو هادوك الورقات الكحلات و المدبالات و نشلوهم مليييييييييح في الماء و نصفوهم غايا من هاداك الماء و نقطعهم رقيق انا خليتهم شويا باينين كيما تحبو و نخلطوهم مع المكونات الي درنا من قبيل نتاع السمسد و الزبدة و الملح و نخلطوهم مليح كيما راها في الصورة و ناخدو قسي زوج حفنات و نرشهم بالماء و نلمهم ونلم فقط العجينة المبسس جامي ما ينعجن باه يجي طري و نقرصوه و نقطعوه كيما حبيتو انا نبغي الحبات يكونو كبار كيما بكري و نطيبوهم في الطاجين عادي كي المبسس و نقدرو نرافقوه مع العسل الي يحب و نتمنى تجربوه خاصة للناس الكبار متلا الجدة ولا حتى الولدين يعرفو قيمته

*أم كوثر* · 2013-02-16, 00:23

يعطيك الصحة سارة يبان بنين وصحي

sarah022 · 2013-02-16, 00:37

اقتباس:

المشاركة الأصلية كتبت بواسطة *أم كوثر*

يعطيك الصحة سارة يبان بنين وصحي

يا عمري ام كوتر اللولى الي ردتلي الله يسلمك حبيبتي و ربي يخليك لينا و شكراا لمرورك العطر

امونة الشاوية · 2013-02-16, 01:04

اممممممممممم شهتيني والله سالو لعابني صح هاذيك هي الجديد حبوا و القديم لا تفرط فيه بنة زمان بارك الله فيك

sarah022 · 2013-02-16, 01:08

اقتباس:

المشاركة الأصلية كتبت بواسطة amouna oumel bouaghi

اممممممممممم شهتيني والله سالو لعابني صح هاذيك هي الجديد حبوا و القديم لا تفرط فيه بنة زمان بارك الله فيك

و فيك بركة حبيبتي دوماج لوكان جيتي تقدري دوقيه هااااااااااايل و شكرااا حبيبتي لمرورك

عطوفة · 2013-02-16, 15:04

يعطيك الصحة اختي ..بصح اول مرة في حياتي نشوف هذه الطبخة .لو كان نلقى هذوك لحشاوش نجربو لانه صحي ..شكرا.

sarah022 · 2013-02-16, 22:53

اقتباس:

المشاركة الأصلية كتبت بواسطة عطوفة

يعطيك الصحة اختي ..بصح اول مرة في حياتي نشوف هذه الطبخة .لو كان نلقى هذوك لحشاوش نجربو لانه صحي ..شكرا.

يعطيك الصحة اختي هاد الوصفة شويا قديمة و صحية و بنينة و هادوك الحشاوش موجودين هادا وقتهم و شكرا حبيبتي للمرور نورت

meriama13 · 2013-02-16, 18:52

ممممممممم هاد الاكلة ماما ديرها و هي صحية سيرتو التيمرسات مليحة للبرد حنا نزيدو نفتتوها و نطيبوها رفيس و ناكلوه مع اللبن

sarah022 · 2013-02-16, 22:55

اقتباس:

المشاركة الأصلية كتبت بواسطة meriama13

ممممممممم هاد الاكلة ماما ديرها و هي صحية سيرتو التيمرسات مليحة للبرد حنا نزيدو نفتتوها و نطيبوها رفيس و ناكلوه مع اللبن

ايه كاين الي يديروها رفيس و تجي بنينة على هاك و شكراا للمرور عزيزتي

كوزينة هديل · 2013-02-16, 19:11

يعطيك الصحة اختي

ساندي 28 · 2013-02-16, 23:05

هايل اختي بصحتكم

sarah022 · 2013-02-16, 23:13

اقتباس:

المشاركة الأصلية كتبت بواسطة omnadjem.10

هايل اختي بصحتكم

انت الهايلة حبيبتي الله يسلمك شكراا

moniz · 2013-02-17, 08:20

oui c très bon surtout cette période ma mère ns le fait c une recette assez ancienne et connue dans l'ouest et au Maroc

sarah022 · 2013-02-17, 16:50

[QUOTE=moniz;13036582]

oui c très bon surtout cette période ma mère ns le fait c une recette assez ancienne et connue dans l'ouest et au Maroc

[والله ماكان علابالي بلي معروف في المغرب و شكرااا حبيبتي لمرورك