اخر الاخبار.....مناقشة للجميع

عروسة البحر · 2011-01-06, 17:08

السلام عليكم و رحمة الله تعالى و بركاته
هل سمعتم اخر الاخبار اليوم جاء خبر من الوزارة لاساتذة اللغات الاجنبية /الفرنسية و الانجليزية/ سياسة جديدة في التعليم و هذا بشرح الدرس ياللغة الاجنبية المعنية مع العربية يعني كل كلمة او جملة او نص يدرس باللغة الانجليزية مثلا يترجمه الاستاذ للتلاميذ باللغة العربية.....الاساتذة بطبيعة الحال عارضوا الفكرة حتى انه يوجد منهم من اراد الاستقالة من التدريس و .ما رايكم بهذه الفكرة المقدمة من طرف الوزير بن بوزيد و هل وصلتكم هذه الاخبار

°واحد من الناس ° · 2011-01-06, 17:17

لم تصل

لكن صراحة حتى ولو هي تساعد التلاميذ

هكذا

لكن

لا اظنها ترضي الاساتذة

فلا يرضى طالب الرياضيات مثلا ان يدرسها على شكل فلسفة

yassine1993 · 2011-01-06, 17:17

لا هذي ما سمعتش بيها المهم هذي طريقة ممكن تكون مفلحة انشاء الله
بوزيد راه غي يشكل و يسيو فينا الله يجيب الخير حاسبينا فئران تجارب

asmar&zizo · 2011-01-06, 17:17

حنا بلا هاد القرار البروف تشرحلنا الكلمات اللي ما نفهموهمش بالعربية بصح ماشي كامل النص.و اصلا القرايا تاع اللغات الاجنبية ارادة من عند التلميذ لانو معضم الطلبة ما يحبوش اللغات الاجنبية و خاصة الذكور و الفرنسية.لكن حنا الحمد لله عندنا خمس ذكور في كلاستنا و يحبو يقراو ما شاء الله و يخدمو بيا في كامل المواد.

bac 2011 · 2011-01-06, 17:19

لا لم تصل بعد ولكن شكرا

هههههههه بصح مليح هادي تاع يترجمولنا يخصهم غير يجيو يكتونا ف لي كايي

يخي بلاد

smart_mind · 2011-01-06, 17:23

طريقة مليحة

عروسة البحر · 2011-01-06, 17:27

اقتباس:

المشاركة الأصلية كتبت بواسطة bac 2011

لا لم تصل بعد ولكن شكرا

هههههههه بصح مليح هادي تاع يترجمولنا يخصهم غير يجيو يكتونا ف لي كايي

يخي بلاد

يكتبولنا في الكراس هذي فكرة هايلة .....الاساتذة كامل ينتحروا...ههههه

عروسة البحر · 2011-01-06, 18:07

شكرا على مشاركتكم جميعا .....و تشرفت بمروركم.

racha2011 · 2011-01-06, 18:08

انا ما عجبتنيش هذ الفكرة

عروسة البحر · 2011-01-06, 18:13

اقتباس:

المشاركة الأصلية كتبت بواسطة racha2011

انا ما عجبتنيش هذ الفكرة

هذا هو القرار من الوزير و علينا نطبقوه حتى اذا ما يعجبناش.....مشكورة.

وليد عيش · 2011-01-06, 18:18

ههههههه سبحان الله إذا عادت هكذا ينحوها وخلاص خير من تكسار الراس

chef_bilal · 2011-01-06, 18:19

أمنيتي منذ بدأت الفرنسية أن يتم تدريسها بالعربية

دائما ما أوصل فكرتي للأساتذة لكنهم عارضوا و بعنف ادماج العربية بالفرنسية

و هم أدرى ... دع الخبز للخباز ...

سلام ...

keri92 · 2011-01-06, 18:51

و عليكم السلام و رحمة الله و بركاته ..... اهلا لميا نرجو ان تكوني بافضل الاحوال غاليتي ....
بالنسبة لهده الاخبار لم اسمع بها .... و نا بالنسبة لي افضل الحصص حصص اللغات رغم اني ضعيفة قليلا ......

ريم الفيفاء · 2011-01-06, 19:14

بصح هاد الخبر قالتهولنا استاذة الانجليزية في اول العام و قاتلنا باللغتين الفرنسية و العربية على العموم شكرا