=----> ( تخصص طيران ... 🙄 ) <----=

[〆 بٰٰاولو 乄]

ممكن معلومات حول تخصص طيران في -البليدة-

[الملآذ]

السلآمم عليكم ورحمة الله تعآلى وبركآته
تخصص طيرآن مليح بزآف...
بصح ولا معلومة لي عنه
أستميحك عذرا

[〆 بٰٰاولو 乄]

اوووك عادي
شكررا ^^

[قنون المربي والأستاذ]

السلام عليكم.
ذكّرتيني بسنة 1985 حينما نجحت في امتحان البكالوريا تقدمت بطلب من أجل قيادة طائرة مدنية فقوبِل طلبي بالإيجاب رتبة ملازم.
واشتُرط علينا التدرب لمدة 5 سنوات على طائرات عسكرية، فرحت وأخبرت أمي قائلا:
راهم قبلوني باه انسوق طيارة بصّح شرطوا علي نسوق طيارة تاع القيرة(بزيادة نقطة فوق القاف) فرفضت أمي خوفا علي ولعله خير.
في الأخير أتمنى لك التوفيق.

[طالب له هدف]

السلام عليكم ،، اهلا بالأخ
لايوجد اسمه طيران في الجزائر ,, التسمية لاعلاقة لها بالدراسة اصلا ,,,
توجد " هندسة طيار " وكي دير هذه الأخيرة " ماتوليش بيلوط تسوق الطيارة " لالا ,, بصح تولي تعرف -هندسة الطيارة فقط - وتخدم كأي موظف في المطار عادي جدا
- ------------------------
باهي هناك طريقتين لتصبح " بيلوط " فعليا في الحزائر :

1) - الدراسة خارج الجزائر بمالك الخاص ( 150 مليون وطلع للعام الواحد ) ومن بعد عندك وجهتين : اذا عندك المعريقة قاوية لاقصى درجة ( جدك و ابوك جنرال مثلا ,, واحد من لافامي تاعك حاكم منصب عاليا في وزارة ما ) رايح تدخل فعليا لشركة مثل Air algerie وتولي طيار بقيمتك وامتيازات خيالية..// اذا ماعندكش المعريفة تسمى ضيعت وقتك ودراهم والديك في الفراغ وانسى باه تسوق طيارة في الجزائر ( هنا عندك احتمال تسوق طيارة لكن طيارة تاع دولة اخرى ماشو تاع دزاير ,, اذا قبلت الدولة الاخرى بدبلومك اصلا ,, لان كل دولة لديها تشبع من ناحية الطيران المدني ولاتحتاج الى اجانب )

2) - الطريقة الثانية انك دير " طيران عسكري " تدخل تعقب في شرشال وتقرا باه يعطوك تسوق طيارات عسكرية بعد مايحطو فيك كونفيونص ( ps امتحان شرشال معريفة صافية خاصة في تخصصات مميزة " كالطيران العسكري والبحرية العسكرية ) اذا ماكانش عندك معريفة ,, الطبيب تاع الفحص يقلك " راك مريض بقلبك " او كذبة اخرى ,,,,ويدخلك من الباب يخرجك من النافذة ولا تقبل .... اما اذا كانت معريفة متوسطة القوة تدخل ودير طيران عسكري نورمال -- ثم بعد ما يشيب راسك وتكبر وتتقاعد ..يولي عندك الحق في التوظيف مباشرة في الطيران المدني ,, مباشرة تتقاعد من الجيش تقدر تتوظف طول ودون اي مشاكل في شركة كــ Air algerie ,, وتولي صح " Pilote" بكل ما تحمله الكلمة من معنى

والله المستعان ،، ارجو ان اكون قد ساعدتك
وفقك المولى

[طالب له هدف]

بالتوفيق لكمـــ

[same_one]

الرياضيات الرياضيات الرياضيات
هذاك اللي يقري رياضيات كارثة
واعر بزاف عندي صحبتي تقراها
ان شاء الله انا ثاني راني رايحة نديرها هههه بصح نقرا غي شهر و نجمد نرجع نعاود الباك ،،ايا ميدو خويا المصححين والله ما يعرفوا اوراق الاحرار و النظاميين صدقني
حع¤رو العلوم التجريبية هذا العام كي الاحرار و النظاميين و هذا خبر مؤكد ،،البليدة طريقنا

[same_one]

ميدو كاين هندسة طيران ،و هندسة فضاء ماتغلطش بيناتهم
قالولي فيها الدراهم الدراهم

[same_one]

قراية صعيبة فيهاااا بصح مش لهاذيك الدرجة،فيها قتلك غي الرياضيات صعيبة

[〆 بٰٰاولو 乄]

هههههههههه وينا لي فيهااا الدراهم بزاااف نروحولها

[〆 بٰٰاولو 乄]

انا سمعت يحكوووو عليها قلت خليني نسقسي ونشوف

[〆 بٰٰاولو 乄]

شكرااااا لكم

[الملآذ]

المشاركة الأصلية كتبت بواسطة طالب له هدف

السلام عليكم ،، اهلا بالأخ
لايوجد اسمه طيران في الجزائر ,, التسمية لاعلاقة لها بالدراسة اصلا ,,,
توجد " هندسة طيار " وكي دير هذه الأخيرة " ماتوليش بيلوط تسوق الطيارة " لالا ,, بصح تولي تعرف -هندسة الطيارة فقط - وتخدم كأي موظف في المطار عادي جدا
- ------------------------
باهي هناك طريقتين لتصبح " بيلوط " فعليا في الحزائر :

1) - الدراسة خارج الجزائر بمالك الخاص ( 150 مليون وطلع للعام الواحد ) ومن بعد عندك وجهتين : اذا عندك المعريقة قاوية لاقصى درجة ( جدك و ابوك جنرال مثلا ,, واحد من لافامي تاعك حاكم منصب عاليا في وزارة ما ) رايح تدخل فعليا لشركة مثل air algerie وتولي طيار بقيمتك وامتيازات خيالية..// اذا ماعندكش المعريفة تسمى ضيعت وقتك ودراهم والديك في الفراغ وانسى باه تسوق طيارة في الجزائر ( هنا عندك احتمال تسوق طيارة لكن طيارة تاع دولة اخرى ماشو تاع دزاير ,, اذا قبلت الدولة الاخرى بدبلومك اصلا ,, لان كل دولة لديها تشبع من ناحية الطيران المدني ولاتحتاج الى اجانب )

2) - الطريقة الثانية انك دير " طيران عسكري " تدخل تعقب في شرشال وتقرا باه يعطوك تسوق طيارات عسكرية بعد مايحطو فيك كونفيونص ( ps امتحان شرشال معريفة صافية خاصة في تخصصات مميزة " كالطيران العسكري والبحرية العسكرية ) اذا ماكانش عندك معريفة ,, الطبيب تاع الفحص يقلك " راك مريض بقلبك " او كذبة اخرى ,,,,ويدخلك من الباب يخرجك من النافذة ولا تقبل .... اما اذا كانت معريفة متوسطة القوة تدخل ودير طيران عسكري نورمال -- ثم بعد ما يشيب راسك وتكبر وتتقاعد ..يولي عندك الحق في التوظيف مباشرة في الطيران المدني ,, مباشرة تتقاعد من الجيش تقدر تتوظف طول ودون اي مشاكل في شركة كــ air algerie ,, وتولي صح " pilote" بكل ما تحمله الكلمة من معنى

والله المستعان ،، ارجو ان اكون قد ساعدتك
وفقك المولى

كرهت الهدرة على المعريفةةة
علااااش المعريفة بنزين
إختنقت الطب يا ولدي بالمعريفةةةةة
الهم بالمعريييفةةةة
مرررررررهت

[طالب له هدف]

المشاركة الأصلية كتبت بواسطة فدوى96

كرهت الهدرة على المعريفةةة
علااااش المعريفة بنزين
إختنقت الطب يا ولدي بالمعريفةةةةة
الهم بالمعريييفةةةة
مرررررررهت

هذا هو الواقع //
واذا شككت في صحة ما كتبت حول الطيران في الجزائر ، ماعليك غير تروحي تسقسي باه تتاكدي
بالتوفيق

[Lam!ne]

هندسة طيران فقط

مراحش تسوق الطياره