قصة فتاة تدمي القلب و تبكي الحجر

[نجمة اجمل من القمر]

البسملة1



قصة اليوم للافادة
هي قصة اخواتي و اخوتي اريد اشاركم فيها لاخذ العبرة ليس اكثر , طبعا لن اذكر اسم الدولة ولن اذكر اسماء اشخاص , وانا اخذت اذن بنشر القصة للعبرة من صاحب الشان , المهم اخواتي القصة انه في بنتين خوات يحبو بعضهم كثير كثير وتزوجت الكبيرة فيهم من شخص يسكن مدينة تانية وضلت اكثر من 5 سنين بدون اولاد وبعد عمل الفحوصات اللازمة كانت النتيجة بانها عاقر ولا تنجب ابدا , المهم خلال هاي الفترة تزوجت اختها الاصغر من ابن عمها وفورا حملت ببنت واتفقت هي وزوجها واختها الكبيرة وزوجها انهم اول ما تولد تعطي هاي البنت لاختها لحتى تربيها وترعاها وكانها بنتها , لانها لا تنجب ابدا ولان اختها تنجب
,
المهم بنفس اليوم الي ولدت فيه اجت اختها الكبيرة واخذت الطفلة وربتها واهتمت فيها , طبعا الاخت الصغيرة عانت بالاول بس لانها لم ترضعها ولا سهرت عليها الليالي ولا تعبت عليها استطاعت انها تتجاوز الموضوع وبعد فترة حملت وانجبت غيرها وصار عندها عائلة , اختها الاكبر اعتنت بالطفلة وكبرت الطفلة ودخلت المدرسة وهي تعرف انها بنت الام والاب الي ربوها فقط و تعرف ان امها وابوها الحقيقين هم خالتها وزوج خالتها , وكانت تكتب اسمها على اوراق الامتحانات باسم والدها الي رباها ولكن بنهاية السنة تاتي الشهادة وفيها اسم يختلف عن الاسم الي تعودت على كتابته وكانو يحكولها انه المدرسة فيها خطأ ويخلطون بينك وبين بنات تانيين , المهم بيوم من الايام بتروح امها المربية وزوجها الى دكتور اخصاءي نساء وبعطيهم امل جديد للحمل وتتم المعالجة وتحمل العاقر وتنجب ولد واثنين , وتصبح عندهم عائلة ايضا , البنت المسكينة صارت تحس في اختلاف في المعاملة بينهها وبين اخوتها الصغار , وصارت تحس بان والدها بدأ يحسب الحسابات عندما تطلب منهم شراء اشياء
,
وبيوم من الايام حكالها انت مش بنتي من الزعل وروحي عند اهلك وهم مجبورين يصرفو عليكي , البنت انصدمت بس ما اهتمت فكرته بس لانه زعلان حكى هيك ,وعندما وصلت البنت الى السنوية العامة (البكلوريا ) كانت قد انتقلت للدراسة الى مدرسة تانية ووقتها طلبو منها في المدرسة اثناء تقديمها الامتحانات العامة بكتابة اسمها الاصلي حسب السجلات وليس الاسم المعتادة على كتابته عندها صدمت البنت وطلبت من اهلها التوضيح واضطرت امها المربية وابوها المربي بالحديث عن القصة كاملة ودخلت البنت المسكينة في صدمة نفسية وذهبت لتزور خالتها (المفروض هي امها ) وابوها الحقيقي وفوجئت انهم اعتادو على كونها غريبة وقالو لها اذا بدك تعيشي معنا تعالي بس لانك تعودتي على العيشة بهداك البيت خليكي هناك عند امك المربية (لمفروض خالتها ) واصبحت البنت ضائعة وتعيش في متاهة وكانها لا تنتمي لا لهذا البيت ولا لذاك البيت , واذا عملت اي شي فورا يتصلو باهلها الحقيقين انه تعالو خذو بنتكم عاملة مشاكل , انتقلت للعيش مع اهلها الحقيقين فترة وما عرفت تتاقلم ودايما تشتاق لامها المربية وتبكي باستمرار وتتصل فيهم تعالو خذوني مش عارف اعيش هنا ,واستمرت على هذا الحال وعندما دخلت الجامعة وبدات دراستها اخذت البنت قرارها انها تبقى في بيت اهلها المربين لانها اعتادت عليهم وتحس فيهم اهلها رغم التغيير في المعاملة حتى كانت عندما ياتي موعد دفع القسط الدراسي يقول لها والدها المربي عندي اولاد وبدي ربيهم ويا دوب صارف عليهم اذهبي وقولي لوالدك الحقيقي يدفع عنك مش بكفي انا بربي فيكي , واستمرت حياتها على هذا المنوال , البنت جسميا وعقليا سليمة وحتى نفسيا لكن مثل هذه المشاكل تترك اثار النفس صعب محوها ,فهي تتمنى الزواج لتخلص من كل هذا ,الى الان تقول كيف ام تتخلى عن بنتها وتكتب نهاية حياتها؟؟؟؟؟


انتهت القصة و اتمنى ان تعجبكم و لكن اود اخباركم انني انشر مشاكل الهل لانني حقا اود ان اريح نفسي في مشاكل الاخرين يعني ننظر الى من هم اسفل منا نرتاح