باش نرحي الكوكاو ؟؟؟

[bailassan]

نعيشو يا الفحلات لي عندها روبو ولا رحاية مليحة ترحي الكوكاو و متعجنوش توريهالي حبيت نشري وحدة تعبت مع الكوكاو و عندي قاطو نتاع عرس أختي حابة نخدمو

[miral_zina]

انشاله يفيدوك انا تاني نغلب معاه ديما يعجن حتى الكيلو تاعو مرحي غالي يسوا 50 الف

[bailassan]

شكرا miral وينكم يا الفحلات 36 مشاهدة و حدة ما تعرف ؟

[سيرين 5]

الكاوكاو يعجن علاجال فيه الزيت علاه ما تخدميش الكاوكاو تاعك باش يولي كيما اللوز أرحيه خشين و هو ماشي محمص و حطي قدر على النار فيه الماء نصفه و حطي في الماء القارص و عطر اللوز و في كسكاس حطي شاش باه ما يلصقش الكاوكاو و فوري بالشويا هذاك الكاوكاو يعني قولي بالحفنة حتى تكمليه و فرشي كاغط كبير و حطي هذاك الكاوكاو يخرج الزيت تاعو كل يوم بدلي الكارط حتى ينشف من الزيت و يولي ما يطلقش في الكارط بعدها حمصيه في الفرن و عاودي ارحيه و عطريه بعطر اللوز
لازم تقومي بالعملية اسبوع قبل من من صنع الحلوى تاعك و الكاوكاو تختفي الريحة القاسحة تاعو و يولي ذوقو كيما اللوز

[bailassan]

ألف شكر ليك أختي سرين 5 مجربتش نفور الكوكاو لانو يتعجنلي كي نحمصو و نرحيه قلت كي يفور كيفاه يصرالو ضرك نجرب نصيحتك
حبيت نسالك انتي تخدميه بهذي الطريقة ؟ و باش ترحيه و شكرا مرة أخرى

[bailassan]

[ام صفصف]

ارحيه بلاشوار يجي روعة

[محتاجة لعفو الله]

شوفي اختي الكاوكاو فيه الزيت عليها يتعجن خاصة ادا رحيتيه رقيق ننصحك بمعالجته باه يولي كي اللوز كيما قالت الأخت سيرين هاكا ينشف من الزيت ديالو و ما يتعجنش شوفي هاد الرابط فيه طريقة المعالجة بالتفصيل
https://www.djelfa.info/vb/showthread.php?t=1001609

[سوسو35]

شوفي جيبي الكاوكاو تاعك و ديريله عطر اللوز و حطي فوقه الماء ساخن جدا و اتركيه مدة من الزمن نصف ساعة مثلا ثم صفيه و حطيه في الكوشة حمصيه ثم طحنيه مع شوية سكر قدر ملعقة مثلا و هكذا يخرجلك شباب كيما اللوز المطحون

[ملاك ملاكي]

اختي انا صراحة عن نفسي نشري الكاوكاو الابيض ونرشه بشوي ماء ورشة ملح قليييييلا فقط ونحمصه في الفور على حسب اللون لي انت حاباته من بعد نخليه يبرد ملييييح ونرحيه في الروبو نورمال هذه طريقتي
والاخوات اللعه يباااارك راهم كفاو و وفاو وانا تاتي استفدت معاك
ايييييه وين نرحي نغربل باه نوصل لدرجة لي حاباته خشيييين متوسط رقييييق غبرة يعني كل دىجة نغربلها ونرحيها
نوفقة نتمنى نكون افدتك

[bailassan]

الف شكر ليكم اخواتي على الايضاحات لي مديتهالي ربي يجازيكم كل خير

[اسيل الباتول]

استفدت معاكم يعطيكم الصحة اخواتي

[كريمة الجزائرية 48]

تعرفي اختي انا عندي حاية عادي بورخسون ههههههههههه تدير واحد 30 الف برك ترحيه مليح على الشعرة كيما نبغيه خير من الروبوات يا يديرهلك عجينة يا يقعد خشين

[ام فضل]

السلام عليكم طريقتي جد بسيطة حمري الكاوكاو كيما تحبي الون قشريه
ثم حطي بكمية قليقة فوق الطاولة وسويه بيدك ثم احضري قارورة زجاجية واضغطي عليه كيما تحلي الكسرة نتاع الرخساس
وكيما تحبي يترحى خشين او رقيق
هذه طريقتي الخاصة واعتمدها دائما وهي ناجحة ، واستعملها حتى مع الوز