أهكذا يستقبل طالب الباكالوريا

[أثيلة]

قبل اسبوع من اليوم قدمنا امتحانات الباكالوريا و انا قدمت بصفة حرة و لهذا فالان مركز الامتحان كان في مقر الولاية وبعيدا جدا عن الكثير و من بينهم انا و كنا نعتقد بان سنلقى معاملة حسنة ولكن للاسف عشنا وكاننا في جحييييييييييييييم

كنا كلما انتهينا أحد الاختبارات يقومون باخراجنا من او لمؤساسات الى جانب الباب الرئيسي و نبقى خارجا حتى المساء بدون اي يقدمو لنا اي قارورة ماء او حتى مكان فيه ظل للجلوس كنا نقضي طول النهار تحت اشعة الشمس الحارقة وكانو يعاملوننا كاننا حيوانات والله حتى انه كان بعض البنات يغمى عليهن من الحر الشديد



فهل في رأيكم هكذا يعامل طالب الباكالوريا


أم انهم عاملونا هكذا فقط لأننا أحرار ؟



هل هذا معناه أن الاحرار ذهبو للعبث فقطك و ليس للنجاح؟؟

[حسنى مروى]

حسبي الله و نعم الوكيل حنا خلاونا نقعدو لعشيا

[أثيلة]

والله تخيلي اختي احنايا الطلبة او الاساتذة الاساتذة وفرولهك المكان و بالكليماتيزور والاكل على كل الانواع حنايا ماطلبناش منهم هذو قاع طلبنا مكان فالظل و ماحبوش يخلونا عديناها سوفرونس كحلة ربي يهديهم والله حرام عليهم الواحد يكون عندو قلب

[إكليل]

السلام عليكم و رحمة الله تعالى و بركاته

نعم هو الحال هكذا بالنسبة للمترشحين الأحرار فقد خاضت اختي التجربة و كنت أنا في الجامعة أنذاك و الحمد لله أنها وجدت أين تبيت و تقضي وقتها فقد كنت قد طلبت لها إذنا للإقامة عندي من مدير الإقامة و هكذا مرت أيامها

[إكليل]

المهم أن هذه المعانات لا تمر هكذا و تنجحوا إن شاء الله

[0islam0]

واش طمعتيو تكون كي النظاميين
أنا تاني حر و و كنت نمشي فاليوم حوالي 5 كيلومتر على رجليا لدرجة أني كنت كي نرجع للإقامة الجامعية (ملاحظة أنا سجلت فالجامعة و من بعد بطلت عدت ما نروحش غير على جال الاك) ننعس لا إراديا
نورمالمو تتوقعوا بلي رح تكون كيما هكا

[تواضع انثى]

السلام عليكم ورحمة الله وبركاته
صحيح في بعض الثانويات هناك هذا المشكل صحيح انه ظلم احنا نظاميين و مخلاوناش حنى نشربوا الماء من الحنفية قالوا ممنوع واش ملكية خاصة ؟؟؟
المهم حسبنا الله ونعم الوكيل
المهم جاز الباك و ربي ينجحنا

[أثيلة]

أمين ربي ينجحنا كامل

[أثيلة]

اخي حنا ماتوقعناش منهم اي شيء و لكن نبقاو الحر الشديد من 10.30 الى 15.00 هذا هبال الواحد كيفاه يقدر يركز مع قرايتو مساءا

[ExAO]

لا حول ولا قوة الا بالله
لا يعامل المسلمون اخوانهم هكذا اصلا
لا حول ولا قوة الا بالله

[أم سلوى]

لا انا حرة لثالث مرة يعاملوننا في مراكز مختلفة بلطف حتى البنات لا تخرج إطلاقا.... وناكل هناك لكن مسألة الماأ يجيبوه في المسا فقط.....

[أم سلوى]

اصلا الشمس جعلتني لا اركز في الإنجليزية لكن انا من لم يتخذ الحذر.... والحمد إلا أن كلمة هل انت أستاذة ام مترشحة كل مرة.....

[منتهى النجاح]

السلام عليكم
بصراحة هذا ظلم وشيء غير مقبول
ولكن اقول كلمة حق شاركت حرة وكنت اقطع اكثر من 30 كلم
تم توفير مكان للمراجعة وكذلك الطعام مقابل مبلغ من المال
والحمد لله على ذلك
اسال الله لي ولكم النجاح
في امان الله

[أنامـل العفاف]

حسبي الله و نعم الوكيل وشي هادا ولا ماعندهومش ولادهم يحسوا بولاد الناس
انا ويين فوت والله وفرو كلش رغم اني ماقعدتش علا خاطر قريبة مي والله من دخلت قالولي يا بنتي لاكان راكي بعيدة او كاين وين تقعدي و تتغداي
ان شاء الله ربي يوفقك ماكيش محتاجتهم

[hamzagolf6]

انا جوزت باك حر
لكن الاحرار عاملونا باحسن معاملة جزاهم الله خير
انا الحمد لله جوزت في مدينتي
لكن اذين اتو من جهات مختلفة كل شيء متوفرة
متوسطة للقضاء الوقت + الغداء + النقل متوفر عند باب المركز (رئيس المركز اتى بالحافلات)
وفي الاخير اعطونا هدايا
الحمد لله