استفسار أرجو منكم الرد

med-lak · 2015-06-09, 22:59

السلام عليكم

كما ورد في العنوان اني اريد الاستفسار حول منحة لانام ادا ما دفعتش االبوزانتاج لمدة 3 أشهر ماراح يصرا والو للكونترا نتاعي ولا ممكن يحبسوها

يعني انا عندي شهرين ما دفعتش أفريل وماي وماراحش ندفع هاد الشهر جوان حابة نتاكد في جويلية كي نجي ندفع ماراحش نلقى مشكل .؟؟

ممكن تقولو وعلاش ما روحتيش للمكتب التشغيل وصقصيتي نقولكم اني رحت لكن ماكانش الي حاب يقلي ادا فيها خطر او لا الي نقولو يقلي وانتي علاش ما تدفعيش كل شهر

للعلم لظروف جد خاصة ماحبيتش ندفع بوانتاج 3 أشهر هادو يعني لحتى من بعد كل مرة ندفع شهر متأخر مع شهر الي نكونو فيه

ارجو منكم الاجابة الي عندو خبرة

ouissamak · 2015-06-09, 23:12

اختي ادا كنتي تروحي للخدمة عادي يعني ماتغيبتيش عن العمل بامكانك تحكي مع مديرك وهو يبعثها لهم بواسطة جدول ارسال bordereau d'envoi ويخلصوك عادي
والا راح تلقاي صعوبات ويديرولك résiliation de contrat يعني انت بالنسبة لهم ماكيش تخدمي tu as abondoné ton poste لانهم عندهم تاريخ معين مالازمش تتجاوزيه تحطي ورقة الحضور الشهري ديالك

ان شاء الله خير

med-lak · 2015-06-10, 20:53

اولا شكرا لاهتمامك وردك على موضوعي بارك الله فيك

انعم نروح نخدم عادي فقط البوانتاج بعد ما يمضيه المدير نخليه عندي ماندفعوش قلت حتى يفوتو هادو 3 اشهر وندفع كل مرة واحد

لكن خفت يصرالي مشكل فقط .... ان شاء الله خير هادا ماكان

شكرا بارك الله فيك